سؤال اتمنى الكل يجاوب عليه و ب امانه ..
 

سلام عليكم
اولا :
تخيلو حد جاء وسالكم يا فلان ساعدني انا أعاني من وسواس والخ يعني نفس حالتنا وقال اتمنى انك تساعدني بس بنصيحة ،شو وقتها نصيحه الي تعتقدون انها بتفيده وبتغير حياته وتحسن من حالته ؟وشو نصائح الي بتخبرونه فيها ؟

اتمنى تفاعل..

Smile please 😁

انا واضح جدا

بقوله يكفيك عذاب ودواره بالمستشفيات والاسئله الي تكررها بشكل دائم وانت عارف اجابتها وابدأ بالدواء والعلاج السلوكي والحياه اقصر من انك تلف وتدور حوالين نفسك وتتباكى على نفسك وتقنع نفسك انك بتموت على هالحال وان مستحيل ترجع كما كنت وافضل.

وهذا الي بقوله له ببساطه

يوكل أموره لرب الكون الذي لا ينسى عباده
و يحس بالثقة ان الله معه و انا الله غفور رحيم
و عليه بالقيام الليل و حفظ القرآن


ومن قال ان الحال يضل مثل ما هو يا مندوزا
في رب كريم قادر على كل شيء

بخفف عنه بكم كلمهه حتى لو م اقتنع اهم شي اوصل فكره ان هالشي بسيط واوهآم واذا م يقدر يسيطر ع هالمخاوف ولا فاد معه اسلوب التخفيف والتحقير لمشكلته ف تكون النصيحه والافضل له جلسات سلوكيه عند طبيب وهو بيفهم عليهه اكككثر وتوضح له وش يعني العلاج السلوكي بطريقه محببهه وان راح تنتهي معاناته وب يتخلص من هالتعب
وهكذاااااااا
وبس

اوضضضح له انه انا كذا وكم شخص كذا وماحصل لنا شي الحمدلله
وانه مجرد افكار وهميه وانه يتجاهل من اول شي عشان ما يصير
زينا الافكار متراكمه ويدوم على ذكر الله ومايفكر يشرب اي علاجات
نفسيه

يتوكل على الله ويعلم ان الفرج قادم لامحاله

أولا لإقناعه سؤاله عما يشتكي من أعراض ومخاوف


أول حل هو زيارة الطبيب والفحص عن مشكلة عضوية ... وأما المخاوف الأخرى فتكون بالحديث عن الدين والحياة بشكل كلّي وتفهّم الإيجابيات والسلبيات في شخصيته

ولا ننسى إعطاء النفس الفسحة والترفيه الكافي والترويح عنها ببعض الرياضة وكل شيء يبعث على الإطمئنان والسرور مثل أذكار الصباح والمساء و الخروج للشمس ومشاهدة السماء وعدم الإنطواء خلف الجدران

المشروبات المهدئة للتوتر والقلق مفيدة مثل النعناع والبابونج والزهورات وغيرها

الإبتعاد عن التفكير السلبي واليأس والإستسلام وتناول الأدوية النفسية حيث أن التخلص من الوسواس ليس بالشيء المستحيل

حصل لي موقف شبيه فيه
جاتني وحده قالت فلانه ليه انتي دايما كذا ؟
قالت كلنا نتعب و نحزن ونكتئب بس مانسوي مثلك
شرحت لها اللي عندي
وقالت انا مريت مثلك بس ما استسلمت
وغيرت حياتي وقاومت وتغلبت على كل شي
للأمانه سكت وحسيت بالاحراج ماعرفت وش ارد

ليش الاحراج كلنا مرينا بنفس الموقف وكل انسان يحس تعبه الاقوى

اقوله عليك بالصدقه ،،، داوو مرضاكم بالصدقه

فهي سبيلك للعلاج المناسب !! الله يسخره لك

انصح الجميع بالصدقه ..

و عليكم السلام و رحمة الله

حدثت معي ذات مرة ..
نصيحتي لكل موسوس مثلي ..
عش حياتك كالباقين ..
انس ما تعاني منه و لو تمثيلا ..
أخرج من قوقعتك تلك ..
حدث نفسك ..
كم مرة شعرت بهذا و لم يحدث شيء ؟
كم مرة ألغيت مشاريع كثيرة بسببه ؟
إلى متى سأدمر حياتي ؟
إلى متى ؟
أنقذ نفسك مستعينا بخالقك و لا تنتظر أحدا ..
تقرب من الله ..
احفظ القرآن ..
اطلب العلم الشرعي ..
استعن بالرقية الشرعية ..
سترتاح نفسك و هي قريبة من خالقها ..

فروووووا إلى الله ..

شفاني الله و إياكم .

شكرًا ع تفاعلكم معاي ...
ثانيا :
دام عندنا نصائح حلوه وتفيد ليه نحن ما استخدمناها للنقنع أنفسنا ونقدر فيها نغير تفكير عقلنا باطن ؟شو هو صعب ؟
اتمنى الكل يجاوب بصراحه وبدون ما اعرف لان كل حد فينا يعرف سبب !!!

لنك موسوسه لنك عارفه انه كذب وهم من داخل نفسك
اصلا تعريف الوسوس ايش تصديق اشياء والعمل بها وانتي مدخل نفسك عارفه انه كذا عشان كذا تتعبين وتدخلين في عذاب نفسي

في ناس تستخدمها مثلي وتحسنت الحمدلله

وفي ناس ترمي وتنسى ،، و تتحمس وقت اللحظه فقط وتنسى

عزيزتي باكريمة
اشكرك على موضوعك اللطيف
وجواب سؤالك لان الانسان سبحان الله ضعيف او لازم تمر به حالات ضعف يعني مثلا يوم كم شخص منا يشعر بالهلع ويسرع بالكتابة عشان في مجموعة رح تخفف عنهم وتطمنهم ويوم نفس دي المجموعة تحس باعراض الهلع وتجي تكتب عشان ترجو احد يطمنها فتجي مجموعة كمان تطمنهم
انا عندك مثلا قبل يومين رديت على احد الاعضاء انه مايقلق وان كل اللي يمر به مجرد ووسواس ولكن تعرضت فجر اليوم لنوبة هلع وخصوصا ماكان في احد معاي بالغرفة حسيت مثل اللي قاربت على الجنون-والعياذ بالله- فصرت احاول شوي شوي اهدي نفسي واقرا ع نفسي والحمدلله هديت احاول ان اقنع نفسي بالوسواس وصرت اقرا على تقنيات للسيطرة على الهلع
الواحد قوي باخوانه ضعيف بنفسه لكن مايمنع ان لازم نوقف موقف الجدية للتخلص من كل هذه الاضطرابات النفسية