مليت
 

مليت من حياة المرض مليت كل الفلوس الي عندي احذفها على المعالجين



مليت من الحزن والبكي والهم وعدم النوم




مليت من هالحياه التافها التعيسه الي الناس تركض وراها



مليت من كل شي




مليت من حياتي ونصيبي




صرت احسد الموتى الي فتكو من الدنيا وغثاها




مليت من الفالدوكسان والزولفت الي اخذهم الحين








مليت من كل شي






مليت وانا اشتاق لحياتي القديمه الي بدون امراض وكلها وناسه

ارجع واقول

لو تضع نفس الجهد بالتذمر لايجاد العلاج المناسب لكنت بألف خير

سبق وسألتك سؤال ولكنك لم تجاوبه ابدا حينما قلت لك

اذكر كل شئ عملته بالتفصيل لعلاج نفسك لعلك سهيت عن شئ معين وقد نذكرك به ،، بما فيها ادويتك كامله والمده

لكن ،، دائما لا تجد الوقت لكتابة هذه المعلومات التي قد تفيدك جدا لاننا سنعرف طريقة علاجك ولكنك تجد الوقت الكافي للتعبير بكل روعه في التذمر والتملل

انا متاكده انك ماجربت الحجامه ولا استمريت على الرقيه ولا عدلت بادويتك ولا شفت معالج سلوكي ولا رحت معالجين شعبيين ولا رحت اطباء باطنه وسويت تحاليل للفيتامينات وبالاخير تقول سويت كل شي ورميت فلوسي
الحمدلله ركضنا بكل اتجاه وسوينا اغلب الاشياء اللي فوق اذا مو كلها ومازال عندنا امل بالشفاء

لي اول مرة اخوي الفدعوسي اقول انا معاك هالمرة تَر انا نفس شعورك اول ما دخلت المرض قطيت فلوسي علي الدكاترة والاستشاريين وقطيت وانا طالبة ما يقارب 2000 دينار واهو مبلغ بالنسبة لطالبة مو شويا وانا اللحين قاعد أراجع دكتور + معالج وأحس بتحسن من الاثنين بس انت اخوي متي بديت تاكل أدوية لان شكلك توك بادي فيها ..

رحت عمره 3 مرات رحت المسجد النبوي رحت لمعالجين سلوكيين رحت لغازي العتيبي و دكتوره معالجه سلوكيه ذهبت لاكثر من 10 رقاه




الان استعمل. فالدوكسان وزولفت

توني محجم قبل 3 اياام واستمريت عند الرقاه وعالجت عند معالج سلوكي غازي العتيبي وملفي عنده اكتبي عنه بقوقل موجود




سويت تحاليل وعندي نقص فيتامينات وجالس اخذ سنتروم حبوب



اذا انتي عندك امل الله يزيدك امل وعافيه واختي واتمنالك الخير والصحه




انا عن نفسي خلاص

الله يشفيج ويزيدك عافيه انتي تحسنتي عند منو




انا من سنتين اراجع اطباء نفسيين

انا طبيبي النفسي عصام الانصاري وكان يغيرلي بالأدوية ليما تحسنت و المعالج د عبداللطيف الصريخ مركز نجاحات وبس

يااخي المرض الوحشي و ليس النفسي :)

المرض له علاقة بالباطنية و له علاقة باليتامينات و له علاقة بالقولون و له علاقة بايش بعد ما ادري يمكن له علاقة بالجيوب الانفية و له علاقة بالشكل و المظهر و يا زمن

حنا نبغى نعالج مرض واحد و هو مرض نفسي و ش دخل دخل الأجهزة الثانية فيه صدق جسم معفن مركب تركيبة صعبة

انا ما قلت هذا الكلام الا لاني مقهور أشد القهر على نفسي اللي بتروح سدى

طيب المرض النفسي ليش مهوب مثل المرض السكري معروف سكري و له دواء و علاج و السرطان معروف له دواء و علاج يعني اما المرض الوحشي ذا ما لقينا له الف علاج الله ياخذني و لا ازل بكلمات كفرية استغفر الله العظيم

اول شي جم جلسة أخذت عند غازي العتيبي + ليش ما استفدت !!
+ في مكتب الإنماء مجاني وعندهم استشاريين وتقعد كثر ماتبي جلسات ومجاني

اخوي كرر الحجامه مو مره وتقول ماجابت نتيجه وافضل شي ايام السنه النبويه
وبعد غير الادوية اذا كان لك مده عليها وماتحسنت ترى الدنيا تجارب جرب هذا وذاك واهم شي الثقه بالله لان اذا مافيه ثقه مافيه شفاء حط هالشي ببالك

اتمني انك أتجاوب عَلِي سوالي وعلي سوْال ام سما

رحت لغازي يمكن 4 مرات وماشفت اي تغير هو انسان متفاءل واسلوبه حلو ويشرح الصدر لكن مدري ليش ماستفدت عنده

الحجامه كل شهر مره