| شيماء سلامه |
01-03-2016 12:32 AM |
مساعدة دكتور في مصر او جدة
انا عندى اضطرابات في الشخصيه الحديه وعندى دلوقتى 25 سنه بس انا شايفه ان حالتى تزداد سوءً تمام؟
اى مشكلة بسيطة تدخل حياتى تهدها في لحظه ومش عارفه انتظم علي الادويه ولا عارفه انتظم علي التمارين الى يعرف عن المرض دة يعرف ان من اعراضه الاساسيه الملل والزهق وان الواحد بيزهق بسرعه ومش بيكمل ف حاجة حتى لو كانت لمصحلته
حياتي وقفت من بعد ما سبت الشغل وانا سيبته لانهم طلبو مني حاجات مينفعش تتعمل انا بره مصر حاليا وهرجع عشان اكمل علاجي مع دكتور كويس بس انا قررت في قرارة نفسي انى ادخل مصحة عشان تخلينى غصب عني انتظم ف دوا انتظم في تمارين نفسيه تساعدني انى اخرج من الوعكه دى بأى طريقه مهما كانت التكلفه المهم اخف لانى لقيت العلاج الذاتي مش جايب نتيجة بل بالعكس الحاله تزداد سوئً
ارجوكم ساعدونى قولو ليا دكتور كويس في مصر ااما اروح اروحله ويفهم انى خلاص اعتمد علي نفسي في علاجي دة شئ شبه مستحيل مش عارفه اعتمد علي نفسي المذبذة الى مش راسيه علي قرار وعلي وضع كل يوم كل لحظه بشعور واحساس مختلف احساس انك عاجز وحاجة كبيره متحكمه فيك وانت مش عارف تدورها دة احساس وحش اوى مش عارفه اعمل حاجة في حياتى محتاجه مساعدة مش يوم ولا اتنين انا محتاجة كورس علاج مكثف او كورس علاج لفتره ما في حياتى تساعدني انى اخف واعدي الازمه دى ارجوكم قولو ليا غير هشام حتاته غير طارق اسعد ساعدوني ولو في هنا دكتور يساعدني ياريت اكون شاكراه جدا انا تعبانه اوى وبعيط وبضحك كل يوم بدون سبب حياتى حياه عاملة زى الميه ملهاش امان بتغدر بيا في لحظة ممكن ابقى فرحانه وفجأه بدون سبب او سابق انذار كوني مضايقه كوني حزينه افكار بأيذاء الذات والاخرين مولمة اوى تخيل كده افكار عماله تقولك عور ابن اختك تخيل كده ولا افكار تقولك قول لاختك كلمة توجعها ولا تقلل منها ولا من جوزها ولا تحاول فعلا تأذي نفسك بس من كتر ما انت عورت نفسك تعبت من الم الجرح بقيت بتأذى نفسك بأسهل الطرق ولكنها مؤلمة زى العض شد الشعر اشياء من هذا القبيل ,,,,,,, مساعدة الله يكرمكم
|
