سوْال مهم ويحتاج تركيز
 

السؤال هو شنو السلوكيات اللي كنت اتسويها قبل دخولك للمرض يعني بالعربي اشلون كنت اتصرف
وهل تصرفاتك كانت موزونة ولا اي كلام؟وعلي قولة المثل اذا عرف السبب بطل العجب!

...................


انا عن نفسي سبب دخولي لي المرض لما امي رضت ان اخوي يدخل كلية الحقوق وانا رفضت عصبت كثيرا
وقَعَدت اتهلوش معاها كثير وقلت لها انتي ضيعتي مستقبلي واللحين تسمحين لة المهم وبعدها صرت انطوائية
كل اقعد في الغرفة ولا اتغدي ولا اتعشي معاهم لمدة 6 أشهر ظليت علي هالحال الي ان وصلت الي مرحلة ماصرت
احس بالوقت ولا ادري اليوم شنو وبعدين ماصرت اصلي ( لحد ياخذها علي ما كنت بوعيي) وبعدين انهرت وصرت
ابجي وااااايد وبعدين صرت اروح دكاترة وايد وايقلون انج سليمة المهم ان قلت حق ابوي ابي اروح طبيب نفسي
وقتها كنت حيل منهارة ورحت الطبيب وقال انتي عندج يا اكتئاب يا اضطراب في الشخصية وقال الواحد لازم يعرف
يحل مشاكلة عدل عشان ما يدش بالمرض المهم ومن ذاك الوقت وانا أخذ أدوية نفسية وحالتي في تحسن وعمري
ماراح أسامح امي .. لانها هي السبب باللي وصلت لة وبس..

اتمني اسمع ردودكم..❤❤

مادري انا نمت وصحيت لقيت نفسي مريضه

غريبة دايما يقولون المرض لة محفزات .. اول مرة اسمع اخد يصاب فجاءة

لا عندي ممكن محفزاته الولادة اني كنت والده لي شهرين وبنفس يوم الولادة تعرضت لصدمه لكن كنت مستبعده تماما ان هالشي له علاقه بمرضي لاني بعد الولاده كنت طبيعيه واطلع اتمشى وكل شي تمام ونسيت موضوع الصدمه وحتى بعد المرض ماجاء ببالي ان الصدمه لها دخل لاني نسيتها الى وقت قريب كنت اقرى بالنت كان الموضوع يتكلم عن اختلال الانيه وانه يجي بسبب صدمه في بعض الاحيان وصرت استرجع الاحداث حتى تذكرت هالصدمه لكن كنت اقول مستحيل الصدمه تسبب هالشي لاني ماتعبت بعدها كثير

انا لما قلت المرض لة محفزات كان قصدي ان المرض يمكن يصير بسبب احداث خارجية مثل الصدمة فصح اختي كلامج

احببت زوجتي حبا عظيما طلقتها وهنا بدات اول خطوة للاكتئاب لم امرض بسهولة ؟

الاكتئاب ماله سبب أبدا ... بين يوم وليلة
حالتك بسيطة

ام سما وش تقصدي بالصدمة

يعني تسمع خبر سيئ مثل وفاة قريب او مرضه او تشوف حادث مروع يصير قدامك مثل حادث سياره ومثل الحروب او تحرش في الصغر وكل الاشياء اللي تفوق طاقة الانسان على التحمل

مشكورين علي ردودكم