السلام عليكم

من سوء حظكم أن هذا المكان هو المكان الوحيد اللي أقدر أكتب فيه همومي ومشاكلي، للأسف ما قدرت أجد حل لمشكلة الوحدة،
سويت كل النشاطات اللي نصحني بها الكل، ومهما أستمتعت بوقتي مستحيل أكون سعيد وأنا على الفراش قبل النوم،
إلا إذا !!
تواصلت مع افضل صديق عرفته، هذا الإنسان عجيب جداً، صدقه في صداقته والاشياء اللي عملها من أجلي تخليني مستحيل أقبل البعد عنه،
ومع مرور الزمن أكتشفت أن أبتعادي عنه أكثر من يومين شيء مستحيل، لأني وبدون شعور أتواصل معه لو على الواتساب. طبعاً هو مثل الاخ ومافيه بيننا شيء غلط ( للتوضيح فقط )
هو ايضاً نفس الشيء، لدرجة أنه كان يوضح قلقه إذا ماكلمته وسبقني للتواصل، ويقول ماهي عادتك تبعد كل هالوقت..
أقسم بالله مشاعري مختلطة بين فرحتي فيه كصديق لا يعوض، وحزني بسبب أنه تغير بالفترة الأخيرة، صارت له ظروف وما صار يقبل التواصل كثير مع اي أحد ومن بينهم أنا.
لا يفتح النت، ولا يطلع من البيت إلا للجامعة، ولا إتصالات ولا رسائل، وفوق منها زعل علي لكثرة رسائلي واتصالاتي..
الظروف أنتهت وحزنه لا زال باقي، وأنا ايضاً تضررت من هالحالة جداً، وتعبت وخسرت الكثير من وقتي ودموعي..
آآآخ بس متى يرجع مثل قبل، والله هالدنيا كئيبة وتعيسة من دونه.

عشان أكون صادق معكم، أنا ماعندي هدف من كتابة هالموضوع هنا، تقدر تقولون فضفضة فقط، لأنه المكان الوحيد اللي أقدر أكتب على راحتي واحياناً ألقى ردود تسعدني.
قبل كم يوم كتبت موضوع لم يعجب البعض، لذلك اللي يبي يرد علي ياليت ما يربط ذلك الموضوع بهذا، واللي ما عنده كلمة زينة يخليها له، أنا ماني ناقص!!!
وأعتذر أن كان الموضوع مخالف، شكراً لأنك كملت قراءة إلى هنا..