علاج لا يؤثر على الوزن ولا يؤثر على الجنس ؟؟؟
 

مرحبا على الجميع

أخوكم عمره 35 سنه لدي أكتئاب متوسط وقلق المخاوف

أريد علاج دوائي من مجموعة ssri لايوثر على الجنس او الوزن

تجاربكم يا محترمين

وشكرا

الله يشفينا جميع
للاسف مالي اي خبره بالعلاج وانا نفس اشي سواس وقلق وتوتر

الله يشفيك اخ تركي ويجعل ايامك سعاده

حاول تتغلب عليه بدون ادوية الادوية اغلبها لها مضار وان كان لابد تاخذها لازم تستشير طبيب وهو اللي يعرف اكثر عن الادويه اللي لها تاثير على الوزن او الجنس

عادي اخوي خذ الادوية واستخدم عسل عصيمي قيمة الكيلو 600 ريال

هلا فيك .. عندك الفافرين مايؤثر على الجنس والوزن وهو المناسب لك . وعندك الريميرون مايأثر على الجنس لكن يزيد الوزن .

الاخ رعد القلوب مقولة ان الفافرين لايؤثر على الوزن فهذا كلام غير صحيح وللاسف من روج لهذه الاشاعه هو محمد عبدالعليم الدكتور الي يبي يعالج كل البشر بشوية كلمتين

انا جربت الفافرين وزاد وزني عليه ووقفته

اما الي يقول خذ ادويه واستخدم عسل عصيمي ابو 600 احب اقول لك ياعزيزي ترانا في عام 2016

مشكور ام سما ولكن ليش مانستفيد من الأدويه اذا كانت مفيده وغير مضره ؟

من ناحية مفيده ممكن تكون مفيده لكن غير مضره مافيه علاج كيميائي غير مضر واذا عندك استعداد تاخذها مدى الحياة فتوكل على الله لان بعد تجربتي احس ان العلاج له مده معينه وينتهي مفعوله ولازم كل بعد فتره ترجع تاخذ علاج وعلاجك اللي اخذته اول مره ممكن مايفيدك ثاني مره فتضطر تجرب انواع ثانيه لين تستقر على علاج ثاني يفيدك اقرى كثير من تجارب الاخوان هنا من اللي اخذوا العلاج وفادهم اول مره ولما رجعوا له مره ثانيه مانفعهم مثل المره الاولى هذا غير زيادة الوزن وهذي تهون اكيد عند ان العلاج مايعالج المرض من جذوره لكنه اشبه بمسكن وبعد ماتتركه بفتره اقرب موقف يصير لك ترجع تنتكس
فاذا الواحد عنده استطاعه انه يعتمد على نفسه ويعالج نفسة بالقرآن والرياضه والحميه الغذائيه والاسترخاء والاعشاب فالافضل انه يبتعد عن الادويه

Wellbutrin كد جربته ؟