سؤال يحتاج لأجابه
 

لاحظت ان اغلب اللي هنا تعبانين نفسيآ مررره مثل الاخ البدراني و مسافي و ابوحربي و الآنسة سعاده وكثير غيرهم ( الله يشفيني ويشفيهم ) طيب اجل وش فايدة العلاج النفسي !؟؟؟؟ يعني اكون تعبان بدون اخذ ادويه نفسيه افضل من اني اخذ علاج نفسي وتعبان على الاقل افتك من السمنة والضعف الجنسي ،،،،،، سؤال ثاني اليوم كلمني واحد من اخوياي وقال ابيك ضروري ركبت معه بالسيارة وقال بستشيرك بشي وعطاني سالفته وعطيته رأيي وقال والله انك عطيتيني الرأي السليم بتوكل على الله وانفذ كلامك قلت موفق خير ان شاء الله ،،، المشكله وانا اتكلم و اعطيه رأيي احس بحراره في صدري وجنوبي ومن ناحية قلبي و ضعف تركيز و لوعه احس برجع ( اعزكم الله ) ،،، وش اسبابها !؟؟؟

بصراحه ما ادري لكن حاول تتغذى زين ، و اقرا على نفسك
وخذ لك مكمل غذائي مثل سنتروم

بالنسبه لسؤالك الاول هو اللي مخليني اتردد اني اخذ العلاج اشوف هنا الكل يعاني وهم صيدليه من الادوية ماشاء الله اقول اصبر على حالي بدون ادوية افضل لان جربت الادويه تحسنت شي بسيط لكن ماتشفيت وكنت وانا اخذ العلاج اتشكى هذا غير زيادة الوزن

اما سؤالك الثاني اما يكون عندك مشاكل بالجهاز الهظمي او تكون نوبة هلع

والله اخوي الحياة موسهلة بس مضطرين انعيشها ..

مع ان حياة اجدادنا اصعب فقر وجوع لكن كانت الامراض النفسيه قليلة بل كانوا سعداء حقيقة برغم شظف العيش، انها الرفاهية يا سادة هذه هي الضريبة

اخالفج الرأي حياتي ماكان فيها رفاهية بدليل ان مريضا نفسيا وين الرفاهية بالموضوع..

هلا محتري اش لونك

الأدوية هي تخفف حدة المرض و أعراضه و ضروري التداوي بل لو أقولك شي يمكن تقول اني أبالغ في هذا الشيء (عدم أخذ الدواء كفر) هذا اللي قاله لي الدكتور قالي اذا ما خذيت دواك فأنت كافر بنعمة الله عليك ان يسر لك هذي الأدوية

و كلامه صحيح بعد ما تمعنت فيه لأني لو أتركها راح أعرف اني رايح للتهلكة و الله سبحانه و تعالى يقول : { و لا تلقوا بأيديكم إلى التهلكة }
صدقني الانسان المريض ما يحسب للسمنة و لا يضرب للضعف الجنسي أي حساب خصوصا لو كان عزابي اما لو متزوج فصح هنا نقول توقف عن دواك اللي سبب لك آثار جانبية تؤثر على علاقتك بأهلك و إستبدله بدواء آخر

وش هي الإستشارة اللي طلبها منك خويك و بويش شرت عليه ؟ يمكن لها علاقة بما وصفته من قلق و هلع !!!

أسأل الله العظيم رب العرش الكريم يشفينا جميع

والله ماادري لكن اتوقع لو نترك العلاج راح تصير حايتنا اصعب بكثييييير يعني يمكن الدواء يوقف عنا اننا ماننتحر او نأذي انفسنا .. وكمان الدواء خذها من باب يساعدك على تأدية طاعه الله