تقلب في الحاله
 

السلام عليكم ورحمة الله

ماعرف من وين ابدا
بس كل مره أحس اني اوكي فيها
يرجع لي شي يخليني احس اني ما سويت شي
ويرجع لي بشكل مفاجئ ومخيف 😞
تعبت وانا أطنش و أتجاهل
لأن عندي اللاواقعيه واحس التجاهل ما يجيب نتيجه!
كيف اتجاهل أصلا وانا مو مستوعبه نفسي واللي حولي 😢!
تتزاحم الافكار والوساوس عندي
افكار عن الموت و اليأس و الخوف ولا قادره اطلع منها
اللاواقعيه هي أكثر شي يخوفني ويتعبني
لأني اخاف من فكرته ومن الشعور اللي يجي معاه
عشان كذا قاعده انتكس بسبب خوفي
ساعدوني كيف اتخلص من اللاواقعيه
واستوعب اللي حولي

و عليكم السلام و رحمة الله و بركاته

هو دايما اول ما نحس ان بدينا نتجاهل و نحس ان بخير يصير شي يرجعنا للصفر ،
بس المفروض ما نستسلم ، شوي شوي و بنرد احسن باذن الله
يعني انا كل ما حسيت اني بخير تهجم عليه افكار اول مره احس فيها
و احياناً أعراض غررريبه ، الله كريـم

بخصوص اللاواقعيه متعبتني وايد بعد و للحين ما فهمت كيف اتجاهلها الصراحـه ،
بس الكل يقول نطنش و تختفي مع التدريج ..

ترى هذا الوسواس كل ما نكون اوكيه يطلع بشئ جديد و افكار غريبه وكان كل شئ يرجع من جديد علينا
الله الكريم بس حاولي تشوفين شو اكثر حالات الي تسبب لج لاواقعيه وتجنبيها وان شاء الله حد يفيدج اكثر ..

انا مشكلتي أستسلم على طول
و أحبط اذا مالقيت نتايج
والله اللاواقعيه الكل يقول تجاهلي
وهم مو مجربينها
اتوقع لو جربوها بينجنون

والله من لاشي
اساسا ماعرف من ايش تجي
وليه تجي !
احاول قد ما اقدر استرخي
وابتعد عن اللي يضايقني
بس تجي وتستمر معاي

صح والله ، ما يقولون الا تجاهلوا
على اساس التجاهل صعب ..
الله يشفينا بس ،

اميييين يارب

حبيبتي انا من الاشخاص اللي جربت اللاواقعية حتى عيوني ما كنت اقدر افتحها راسي احسه مثل النار من تزاحم الافكار و شدتها جسمي يعورني و كله تعبانه منهكة احس العالم عايشة بكوكب و انا بكوكب ثاني اقرل شلون يفكرون شلون مستانسين اشلون عايشين حياتهم .. احس اني بقوقعة مو قادرة اتخلص منها ..امر متعب و مجهد و احس بكل كلمة تقولينها لاني عارفة هالشعور هذا الامر صدقيني مسألة وقت و يروح باذن الله هالشي عادةً يجي مع بداية المرض و بعدها يخف مع التجاهل و اشغال وقت الفراغ و الجلوس مع الناس و الاستغفار و الدعاء .. اسأل الله العظيم رب العرش العظيم ان يشفيني و يشفيكم شفاءاً لا يغادره سقم اللهم امييييييييين

صحيح
تحسين نفسك غيييييير عن الناس والدنيا
كأنك عايشه في كفه والناس بكفه ثانيه
واللي ما جرب الشي مستحيل يعرف له

مو علشان هالشي اقولج تجاهلي وجود الشعور و قبل هالمرة قلت لج تجاهلي .. الشعور موجود و مع تجاهل وجوده بعد فترة يخف و يروح ببذل السبب الا و هو التجاهل و اشغال الوقت و الجلوس مع الناس و الاستغفار و الدعاء .. اسأل الله الكريم رب العرش العظيم ان يشفيني و يشفيكم شفاءاً لا يغادره سقم اللهم امييييين

حبيبتي انعكاسات لا تقلقي بإذن الله حيروح ده الإحساس
وهو صح التجاهل علاج فعال وهذا كلام طبيب نفسي سمعت له محاضرة يقولك التجاهل في حالات كثيرة ناجح
انا ما اعرف شعورك باللاواقعية بالضبط لكن انت اذا أعطيت لعقلك رسايل تصحيح للأفكار يعني اول مايجيك الشعور قولي لا انا انسانه طبيعية مافيني شي والأفكار دي تجي بسبب القلق والتفكير الكثير ومصيرها بتروح
انا عن نفسي اللي يجيني أحيانا أفكار أشبه بالاكتئابية ومعاها ضغط وثقل في الرأس وما اكذب ع صعب تجاهلها لكن بعد ماسمعت كلام الدكتور أن الواحد يتجاهل بتصحيح الأفكار للعقل الباطن عشان يخفف م ده الشعور

الافكار كثيره جدا
وانا ماعرف شو فيني بالضبط
واحد يقول قلق وتوتر
و واحد يقول اكتئاب
و واحد يقول قلق المخاوف
ماعرفت شنو بالضبط
الواحد مرات يطفش وهو يتجاهل

ممكن سهل التجاهل لما يكون الانسان رايق لكن لما يحس بالضغط والحاح الاحساس بالاواقعيه وتزاحم الافكار صعب التجاهل لكن افضل حل عند الاحساس بالضغط هو الوضوء والصلاة ركعتين والدعاء والبكاء يخفف كثير وحتى لو ماخفف الاحساس باللاواقعيه لكن يهدي النفس ويخليك تقدرين تتجاهلين هالحاله