من يريد يشاركني ؟
 

منو حاب يشاركني بالكفاح من اجل ايجاد العلاج النهائي للهلع ما اخفيك عندي في بالي حلول كثيرة للهلع ولكن محتار اي حل هو الافضل

اللي حاب يشاركني برحلة البحث عن العلاج الافضل اتمنى يتواصل معاي عشان نتناقش بكل النقاط لاني انا رجل اؤمن بالنقاش وتبادل الافكار لكن للاسف ما لقيت النقاش الحاد المثمر بفائدة حقيقية هذا راي الشخصي واتمنى ما يزعل منه احد

علاجه بالادويه وسلوكياً
غير كذا مااتوقع فيه علاج للهلع ؟؟؟

كلام فاضي الادوية مجرد شي يجعلك شبه طبيعية بدون خوف اقصد

اما العلاج السلوكي انا اشوفه غير مفيد
وانا اتحدث هنا عن علاج نهائي للهلع مو علاج يخليني دايم احتاجه

لو حابة تشاركيني اهلا وسهلا مو حابه على راحتج

فعلا الادوية تكبت الهلع لكنها ماتنهيه استمر اخي في الموضوع واطرح كل ماعندك خلينا نتناقش ونفيد ونستفيد

يا إخوان .. انا ولله الحمد لي كم شهر ما عاد جتني نوبات الهلع والوسواس تلاشى بنسبة 90 % أو أكثر


هذا فضل من الله سبحانه ولا حنا بشر ضعفاء .... لي ردود كثيرة هنا وفي منتدى الوسواس عن تجربتي مع الهلع والوسواس


وبإذن الله مجرد يستقر وضعي راح أكتب تجربتي كاملة من طقطق للسلام عليكم في موضوع جديد .. أبي أكون متأكد 100%

انا اشوف يا اخوان الحل الوحيد تقريبا امامي هو ازالة جزء من لب الغدة الكظرية وانا اقول جزء وليس الكل عشان يبقى شعور الخوف الطبيعي وانا فعلا افكر بهالشي صارلي فترة لانه داخل الغدة هاذي خلايا تنتج هرمون الادرينالين ف لو ازلنا نسبة مثلا 80 بالمية راح ينتهي الهلع للابد اللي يوافقني الراي يقول واللي ما يوافقني يطرح وجهة نظره وليش يعارضني

اللي حاب يسوي هالعملية معاي يكلمني

أنا اعارضك

لانه ازمه وتعدي او فتره وتعدي وتشيل شي أساسي بالجسم علشان ازمه موقته

اجل اذا جاك إنفلونزا او سعال وسيلان بالأنف استمر معك سنه سو عمليه وشل الأنف

ترى هذا جسم مب سياره الله يهديك بس ويرزق الصبر

الحين انت شاب وعجزت تصبر اجل وش خليت للأنثى الضعيفه الي قليل صبره

ادع الله انه يرزق الصبر على ما اصابك

احس بعض الناس مدري وشلون يفكرون

الهلع ليس فترة وتعدي الهلع يبقى سنوات وسنوات مع الانسان وتضيع سنه ورا سنة من حياتي وهذا لا يتنافى مع الصبر ولكن الرسول صلى الله عليه وسلم في حديث ب معناه تداو يا عباد الله ولا باس لو الانسان عالج نفسه والزكمة والامراض اللي ذكرتيها تجي يوم يومين اسبوع بالكثير وتروح اما الهلع لابد الانسان يكون حازم معاه وعالجة من جذورة حياتي وحياة كل شخص فيه هلع تضيع امام عيونه وهو ولا قادر يسوي شي وهالعملية انا اشوفها حل من الجذور بشكل نهائي وبعدها يرجع الانسان طبيعي وعلى فكرة اختي انا ذكرت جزء وليس الكل وشكرا

مع احترامي لج انا ما ادعو احد يسوي شي معاي اللي يبي اهلا وسهلا واللي مايبي على راحته والموضوع مو موضوع تخصص او جراح او من هذا القبيل الموضوع جدا بسيط في مكان بالغدة الكظرية اسمه لب الكظر ينتج فقط الادرينالين ولو ازلنا جزء من هالمكان راح يخف انتاج الهرمون جدا بس ما راح يختفي يعني يرجع الانسان مثل اول قبل الهلع وبعدين الغدة الكظرية العملية مو فيها العملية بمكان واحد اسمه اللب انصح الكل يقرا عن هذا الموضوع وراح يفهم وشكرا

اللي تتكلمين عن يا اختي هذا اسمه بالشرع تواكل وليس توكل لو خدينا على كلامك كان محد تعالج وقال فقط ابي ادعو الله سبحانه امرنا نتوكل ونبذل الاسباب والهلع لو قل هرمون الادرينالين كيف يرجع ؟؟ والعملية هاذي تخفف الخوف بالنسبة كبيرة ولا تزيل الخوف بشكل نهائي لانه الخوف مطلوب وبعدين يا اختي مع احترامي لك كيف تقولي لم تدعو الله بقلبك هل تدخلين النوايا الله يسامحج

مارح أعيد كلامي

وبالنسبه لقولتك هل تدخلين بالنوايا

وش دخل النوايا فأرد لنا موضوع بالطول والعرض

يعني وش بيكون ردي

واحد جايب موضوع يمسك الناس الأمل بعمليه

وكاننا خالينا الأمل من خالقنا