رايكم ساعدوني تكفووووون
 

السسلام عليكم مسيتم بالخير يالربع ..

ابسرد لكم قصتي و تكفون ياهل الخير ساعدوني ..!!

من كنت صغير تعرضت لتحرش جنسي .. و عاش معي الموقف لين كبرت ..

و توظفت الان .. و بعدها اصبح هاجسي كله الزواج بس كيف اتزوج وانا مرت بي الحال ..

وكنت لا ارغب بالزواج يعني بس وصلت اجباري اتزوج ..!!


تحديت نفسي و الناس .. و خطبت الحمدلله و وافقوا لي ..!! وشفت بنت الحلال واعجبتني الحمدلله

يوم وصلت الملكه .. و قبلها بيوم صار لي موقف مع خطيبتي و جاني فتور وتانيب ضمير الى درجه بغيت اهون عن الملكه ..


اجلت زواجي لاني مريت بمرحلة اكتئاب صعبه جداً ..

كرهت الزواج و طاريه و طاري الحريم كلهن ..

و بعد ماطمننوا اهلي ..

اخذت بنت الحلال .. و الحمدلله راضيه باللي فيه واللي انا فيه ..

بس اتجاهي نحوها الان مادري احبها او اكرها او عادي عندي او اطلقها ..


تكفوووون يا ناااااااس وش اسووووي ..؟

مع العلم اني اتعالج من سنه والى الان ماشفت تحسن ملحوظ ..

اسخدمت فافرين و بروزاك وبرستيك وغيره


وش اسووووووي ساعدوووووووني ياجمااااااااعه ..!!!!!!!!

و بالخير يمسيك يا قلم حرر

أنت تراجع عند دكتور و الا تشتري الأدوية من تلقاء نفسك

أنا أعتقد ان فيك تأنيب ضمير خربط المخ تخربط ماهوب صاحي

لو تراجع دكتور نفسي و أخصائي سلوكي يكون أفضل

ايه اراجع عند دكتور بالرياض والكويت والاردن ..

هون على نفسك يا صديقي

جميعا مصاب بهذه الداء الكئيب

اما الطلاق ارجوك لا لا لا

مدري وين المشكلة

كيف امورك الجنسية معها

كذلك اجل مسئلة الحمل للتروي

غير دكتور فربما تجد علاجك

اقرئ الرقية الشرعية وتهجدت في اخر الليل

ابحث عن معالج سلوكي متمرس

مارس الرياضة لو ساعة في اليوم تكفي

خذ مكملات مثل فتامين د وب المركب وحمض الفوليك

و مبروك عليك الزواج و منك المال و منها العيال و الإنسان لا يستسلم لحساسيته تجاه المواقف الماضية أنت بحاجة لأدوية توزن لك وضعك الحالي تحت دكتور نفسي و بعدها عند إخصائي سلوكي و معافى و مشافى بإذن الشافي المعافي :)

هلا اخوي البدراني ..

والله ياخوي انا ماعند مثل ماكنت هواياتي كله ضاعت اصبحت بلا هويه ..

الايام عندي والشهور والسنين مخررربطه ياخي ما اشعر بالوقت قسم بالله ..

اما الجنس كويس الحمدلله ..

حتى الاطفال ماني شفق عليهم بالمره مثل ماكنت عليه اول ..!!

تكفى يالبدراني الحل معي

امّم مشكلة عويصة بس بما انك ما تعالجت او ماطبت انصحك بعدم الاستعجال واتخاذ قرار الطلاق لان قرار مهم لك ولها ليش تظلم نفسك بشي حدث بالماضي ..ارم الماضي صح صعبة وانا أكلمك أقول انها صعبة ويمكن مثل ما قال رسوم يمكن تحتاج معالج سلوكي.. والله يوفقك ويسر لك امورك

جزاك الله خير والله يبارك بك ..:)

الله يسمع منك يارررب

ايه والله عويصصصه :(

طيب ليه تتزوج وتظلم بنت الناس معك؟ واخرتها تجي تشاور اطلقها؟ من البداية انت تعرف انك مضطرب نفسيا!! ليه تقدم على هالخطوة! التحرش الجنسي مو هو السبب كثير تعرضوا له ونسوا او تناسوا بالاحرى! في امور الزواج او ما يتعلق بانسانه اخرى بريئة اتوقف تماما عن الطبطبة والمجاملات،، ارجوكم لا احد يتزوج لا لسبب الا لانه وصل لعمر الزواج بلا مراعاة لمشاعر الطرف الاخر الذي قد يصاب بالمرض بسبب هذا الزواج الفاشل عندها ستصبح المصيبة مصيبتان

الشكوى لله اختي ..

ارجوك لاتلوميني كثر ما انا الوم نفسي واحترق من داخل

اخي قلم حر لا تحزن فكل ما تحسه نحسن به واكثر

اكرر لا تطلق ما دامت بنت الناس راضية فلا تطلق ابدا

عليك بالرقية الشرعية وكثرة الاستغفار والصدقة

كذلك عليك بمعالج سلوكي ممتاز والله لو اعرف لدليتك مكانه لكن للاسف لا اعرف

ياليت تكتب ادويتك والجرعات وكم لك عليها

الان فقط بروزاك 40

كلام الدكتور واستشره عن اضافة مضاد ثلاثة الحلقات مثل الانافرانيل بجرعة بسيطة مثلا 50 ملغ او 100 ملغ كذلك استشره في دواء داعم مثل لامتكال او ابليفاي

البروزاك قد لا يحل المشكلة لوحدها تحتاج الى تركيبة ادوية اذا كان الاكتئاب شديد او فوق المتوسط وانا اخترت لك الانافرانيل والابليفاي ولامكتال لانهم ليس لهم تاثير على الجنس

مع هذا تحتاج الى معالج سلوكي

ياليت تكتب اسم الدكتور الى تراجع عنده وهل زرت الدكتور محمد العقيل او سليمان الصغير