وصلت لطريق مسدود
 

سلام كيفكم يا اخوان انا صارلي سنه وثلاث اشهر في الاكتئاب والله يا اخوان ما بقي باب ما طرقته
1/ رحت دكتور نفسي
2/ رحت حق 2 معالجين سلوكيين بمعدل 15 جلسة
3/ رحت مراءة تقري علي
4/ رحت العمرة وااايد

اللي أبي اوصلة متي يمن الله علينا بالشفاء ؟

والله تعبت ما ابي اقول فقدت الأمل بس ايست والدكتور النفسي مو راضي يقط الدواء ؟
ماذا افعل..

درجة الاكتئاب اللي عندك بسيطة فلا تضعي كل الذنب عليه
المشكلة مو في الاكتئاب المشكلة في طريقة ادارتك لحياتك والمشاكل اللي تواجهينها في الحياة بشكل عام
تعلمي كيف تديرين حياتك وتتعاملي مع المشكلات اللي تحيط بك وتتعايشي مع الواقع الذي تعيشين فيه

والله كنت داخل بقول لك نفس كلام وائل


يا أختي غيري من نفسك وأولوياتك بالحياة .... كلام أخوي وائل كافي ووافي


أنا هالمرّه أبي أكون معك صريح وبالتفصيل


إنتي ماشاء الله كتبتي مواضيع كثير ... وبإختصار اللي تشتكين في مواضيعك منه هو الدراسة الجامعية ومسألة التخصص .... وإنك ودك تلبسين وتكشخين وتطلعين وأهلك يقولون عيب وحرام ... لذلك زعلانة من أمك ... وأبوك كتبتي عنه موضوعين انه سلبي بسبب مرضه ... يعني بالعربي ذكرتي إن أمك متسلطة ... السبب يا أختي ان ابوك مريض وأمك تحملت المسؤولية الله يجزاها خير ... وأبوك سلبي لأنه رجل مريض مثل ما ذكرتي ... تحملينهم أكثر مما يتحملون وبالعكس جزاهم الله خير


المفروض كل ما تكبرين تعرفين إنهم حاولوا وجاهدوا من أجلك إنتي واخوانك في هالحياة .... وخصوصا أمك اللي شايلة المسؤولية كاملة حاليا .. وبدل ما تحبينها أكثر تقولين إنها متسلطة وتتراددين بالكلام معها ... هذا الشيطان اللي ينخر في مخك يا أختي


وأقولها لك كاش .... إذا ما إنتبهتي لعمرك وجاهدتي نفسك .... راح تمرضين بقوة وتسنترين بالمنتدى هنا 24 ساعة وتدخلين دوامة صعب تطلعين منها .... يعني تفقدين الإحساس بالعالم الخارجي وتتغربين عنه


إنتي مشكلتك تبين تغيرين عادات أهلك وتمشينهم على مزاجك ... وهالشيء مو صحيح وراح تتعبين وإنتي على هالموال


اشرحي لنا أسبابهم وطلباتك .... كيف تبين تلبسين وتكشخين وتطلعين وتدرسين في تخصص رفضوه لأنه ما يصلح للبنات ؟؟ ممكن توضيح أكثر ؟؟ من شان نعرف إذا معك أو معهم الحق بخصوص العيب والحرام اللي كنتي تتذمرين منه ؟


واللي ملاحظه إنهم ماهم مقصرين معك من طبيب لطبيب ومن معالج لمعالج ورحتي عمره كذا مرّه وودوك للرقية وتوك واصله من الخبر ... وإنتي شاخله أمك وأبوك هنا شخل
يا بنت الحلال إرفقي على عمرك وإنتبهي لنفسك ويعاقبك ربي بإكتئاب حقيقي تروحين فيه بأزمة حقيقية .... إحمدي ربك على اللي إنتي فيه .. يا دوب عمرك 20 أو 21 ومطلع لك الشيطان أربعين مصيبة في حياتك غير واقعية .. أتعبتي نفسك وأتعبتي أهلك


المشكلة ترجعين وتقولين سبب مرضي إني ما اخترت التخصص اللي أنا أبي وسمحوا لأخوي يدخل نفس التخصص اللي كنت أبيه ... بالله هذا عذر ؟؟ والشيء الثاني أبي أكشخ وألبس ولا يسمحون لي ... إرحمي نفسك بالله

ي تحاولين تحلين مشاكلك لانها هي سبب اكتئابك
او تحاولين تتقبلي مشاكلك وتتعايشين معها
لان الحمدلله حالتك مو صعبه حل مشكلتك بيدك

مشكور علي ردك انا مقرة ما عندي مهارة حل المشكلات

أنت الوحيدة اللي رايح تقودين حياتك
ما احد غيرك رايح يقودها ولا احد رايح يعتني بنفسك وحياتك غيرك
ففي النهاية كل شي رايح يرجع لك ويعتمد عليك

مشكور علي ردك اكثر من وافي وصراحة ضحكت وانا اقر جنك متابع مواضيعي هههههههههههههههههههه
علي العموم ان كتبت هنا عشان افضفض مو عشان ابي حلول والحمدالله انا متفاهمة مع اهلي وكل أموري طيبة معاهم بس الاستشاري النفسي اللي اروح له يقولي لازم اتفضفضين وعشان جذي انا قاعد افضفض بالمنتدي لا اكثر ولا اقل بس ارجع وأكرر شكري لردك الوافي صراحة اقتنعت حيل بكلامك .. ومشكور جدا شكلي من كلامك بشكر أمي ..هههههههههههه حسستني بنعمة الوالدين معنا أتصدق سالفة البر ما البر ماتحرك فيني شعرة علي العموم راح ارجع للموضوع واقرا ردك مرة ثانية لأنة حيل ملهم ..

يا بنت الحلال ما عندها مشاكل تستحق كل هالشوشرة ومسنترة هنا في المنتدى تمرض نفسها


مشاكلها كلها ذكرتها ... ماشاء الله باليوم أربع خمس مواضيع


ما سمحولي بالتخصص اللي أنا أبيه وسمحوا لأخوي .. يقولون التخصص ما يصلح للبنات .... أنا تهاوشت مع أمي وطولت صوتي عليها وأخوي عطاني كف (( أول مرة بحياته )) .. أهلي ما يخلوني ألبس اللي أنا أبي وأكشخ يقولون عيب وحرام


أبوي سلبي وقهرني وليتني أفتك منه ... أمي متسلطة وووو


الخ


المشكلة شايلينها من على الأرض ... البنت يودونها من طبيب لطبيب ... ومن معالج لمعالج ... ومن عمرة لعمرة ... وطلبت رقية شرعية وودوها ... ودوبها راجعة من الخبر ... وتداوم بالجامعة ... وآخر شيء أمي متسلطة وأبوي سلبي ... المسكين مريض نفسي حقيقي وتبي تفتك منه وتكرهه ... وأمها شاخلتها شخل هنا



أنتي يا سارة يبي لك من يصب موية باردة على راسك ويصحيك من الوهم اللي أنتي عايشة فيه ... الدلع والطبطبة راح تزيد معاناتك


اصحي

اللي أيدا بالنار مونفس اللي ايدا بالماء وكفي

لا من جد أنا متابع مواضيعك .. ماشاء الله كثيرة .. ومن اليوم وطالع راح أجلس لك على ركبة هنا


يا سارة إنتي دوبك صغيرة وخوذي هالكلام من أخ أكبر منك وناصح درس هالحياة .. والله ما أعرفك وأبي راحة مخك بس بدل ما تبهذلين نفسك هنا


إجتماعيا راح تتعبين وتندمرين إذا ثلاث أرباع يومك هنا .. مقيدة بقيود وهمية


دينيا .. أعذريني إذا قلت لك أنتي تغتابين .. ومن تغتابين ؟؟ أهم شخصين بالحياة هذي للبني آدم .. أمك وأبوك


إذا الغيبة أمرها عظيم .. كيف إذا كانت في الوالدين !!!؟


وكل هذا راح يتعبك نفسيا .... ماحنا في أمريكا يا بنت الحلال ... انتي مو عايشة في فلم .. أبي أسوي اللي أبي وإلا أهلي أشرار وليتني أفتك منهم وأكرههم وو الخ



الله يهديك ويوفقك

نفس كلام الاستشاري قال حنا مو بوروبا الله كريم بس

أنتي مستسلمة تماااااماااا وتبحثين عن عذر بسبب إكتئاب عابر ... شدي حيلك وتعوذي من ابليس


إذا عندك مشاكل ثانية ما أحد درى عنها .... محور حياتك كان حول الاشياء هذي 24 ساعة تكتبين عنها


تبين طبطبة وتبرير وأحد يساندك ضد والديك ... يمكن يجي أحد ضايع ويعينك عليهم


الكلبشات إنتي اللي حاطتهم بايديك ... والمفتاح معلقته بإذنك ... وكفى

احترم وجهه نطرك انا ادري ان احنا عايشين بدنيا ادري والله بس ليش في ناس يستانسون وناس لا شمعنا يعني ..
ليش اللي عند غيري موعندي وهكذا يعني صديقات كلهم كملوا في الحقوق بينما انا في كلية صعبة وتخصص علمي صعب بسبب اهلي انا لا الوم احد اللوم نفسي اني كنت ضعيفة وما وقفت في وجهه اهلي وخليتهم يسون اللي يبونه وبس

ركزي الله يرحم والديك .... الرد طويل ما لقطتي منه إلا كلمة أوروبا اللي لاهطه مخك


انتي طايحة حش في امك وابوك وغيبة وكره .... ولا حتى هزّك شيء بالرد غير كلمة اوروبا


أبي ألبس أبي أكشخ أبي أكون مثل أوربا ... أنتي بنت عرب ومسلمة .... أوروبا دشير مقطعين أربع اللي يسوون اللي يبون ... لا دين ولا مذهب


وآخر شيء تقولين الله كريم .. استغفر الله بس هذا اللي حصلناه من المسلسلات ... أتعبتي نفسك وأهلك من وراك


يبي لك معالج سلوكي مطوع صدقيني ... ما يبي لك معالج يطبب عليك ويقول حنا مو في أوروبا

علي فكرة المعالج اللي رحت لة مطوع .. وانا اهلي مطاوعيين بس انا ما ابي أصير مطوعه ابي أصير فري في من اهلنا جذي وانا ابي أصير نفسهم كرة الدين من اهلي الحجرين أمي مدرسة دين وأبوي امام مسجد بس انا ابي اروح مسرحيات وأستأنس بحياتي..