|
أحرقت نفسي بالزقاير لأنني عاشق للألم :|
يا ناس و الله أحرقت نفسي بالزقاير
أهئ أهئ لا أحد يقولي ليش فبكل إختصار لانني عاشق للألم لماذا يا عالي تفعل هذا P<M لأنني لا أدري مابيا حسيت بطفش و ملل من الحياة و من الظروف التي تمر بي فأحرقت يدي اليمنى أربع حروقات و لما رأو أهلي يدي أستفرد بي أخي و قال ليش و ليش تفعل هذا فمن ضمن كلامه قال إنني فعلت ذلك و فسرها بأنني لست في وعيي قلت له بلى كنت أصحى منك و لم أحس بالألم فاختصر الكلام بأنني عاشق للألام :( و صراحة هو تعب معي لكي يعدل من وضعي و يطورني لكن أنا لا اريد ذلك و قد رفع الراية البيضاء و استسلم و قال أنت عايش في وهم وهم أنك مريض و وهم بالعظمة و أنا الصح و غيري على خطأ و هلم جرا من الأوهام آه ليش أنا كذا أقسم بالله زهقت من نفسي التي لم أعرف لها طريق إلا حبها للألام #EF |
وبعدين معككك ي عالي ..!!
من جدك انت .. تدري ان جسدك موب لك وتأثم ع ايذائه.! ي رسوم ي بعد قلبي افهم قسم بالله يا جسدك انه وداعه من الله عندك .. فلا يحق لك ايذاء نفسك مهما كان السبب حافظ ع نفسك . . بكرة تتزوج وتطلع كلك حروق وخدوش بعدين يشمئزون الربع وتضعف الهمة ههههههه لا تقولي منب متزوج .. هذا مستحيل .. مصير كل ولد يتزوج ؛ ؛ ؛ |
افااا يارسوم هذا وانا اشوفك انسان فله ماشاءالله وافرح لاشفت ردودك وكلامك بالاخير تحرق نفسك ليه ياعالي ليه 😡😠
المهم عالج يدك واترك الزقاير لو سمحت اتركها بالتدريج واهتم بنفسسسسك وحاول تدخل نادي وتونس نفسك وخليك واثق من نفسك والله لايجعلك تيأس من حالك ربك كريم ويالله ابدأ دور لك ع عروسه لازم تتزوج وتجيب اطفال يجننونك من جد هههههه |
وش أسوي يا خالد الزمان ضدي و الناس تمشي ع الفطرة و أنا أمشي عكسهم و عكس زماني صراحة مليت و العد التنازلي يمضي بي بالسلبية فأنا بديت أوقن اني صفر ههههه لا والله الصفر أشوى أنا زايد صفر و الله يستر لا يجيني ناقص صفر
صادق انها وداعة و أمانة لكن هذا شآن اللي ماشي بالطبيعة اللي فطر الله الناس عليها كل ما جا الليل جاني من الدنيا بلى ... كنها ما هي دنيتي و لا فيها هلي حسبي الله على نفسي :0 هههههههه متى زواجي إلى صكيت عمر الشيبه اللي بعكازه هاه هذي دنيا يا خالد كل ما أشوف الورعان يلعبون و اللي أبوه شايله و اللي ماسكه بيده مسكة العاشق لحبيبته لا أنظر للمستقبل كما تراه أنت و لا أنظر للدنيا كما تراها أنت يعني دنيتي معكوسة أزرع فيها بصل تطلع كوسة أنت شاري الدنيا أما أنا بايعها و ما أحلى بيعها آخ يا راسي كم تعبت من ذا الراس و فيوزاته و سلوكه المحترقة صارت الوحدة معميتني و معورتني و صار الصموت من أثر الحيرة بادية على ملامحي و هذا التذمر و التشكي قص قلبي تقصيص و انكسر من قوة الدواهي و المصايب أوووخخ |
اقتباس:
و عقلي و قلبي و مصلحتي |
ودي أسامحها و أتقبلها بكل ما فيها لكنها تأبى إلا تعاندني
أشياء هي صغيرة في نظري و نظركم لكن نفسي تكبرها حتى أتذمر منها يعني مثل ما تقولون أعمل من الحبة قبة و فيني وهم نعم الوهم غدر بي و قتلني الله يسامح نفسي العنيدة و المغامرة اللي غامرت بي في الخطأ و الغلط و خلتني أمشي بلا هدف و بلا هوية حتى |
طيب وش حيلة اللي يحبك ولا يبيك تحرق نفسك ولا يبي يشوفك مجروح ..!؟
cry3 وليش تمشي عكس .. يمكن داق الريوس تأكد ههههه اصبر بس بحول الله ان تعشق في الاول وتمشي قدام مع الشيخ صالح هو اللي يعرف لك ي عالي ههههه |
ههه كتبت لك رد ياااطوله
وللاسف طلعت الشبكة طافيه وطار |
يعني مدري وش اقول
ووش اكتب دايم لاجا الانسان ينصح غيره ويواسي غيره يتكلم بقوه واذا جا يتكلم عن نفسه يتكلم بضعف. لان كل واحد فينا عايش دور الضحية>>>>لاحد يقول شدخل هالكلام. كذا شعور حسيته وكتبته المهم نرجع لموضوعك يارسوم هالحين يومنك تحرق يدينك وش تبي. ووش تحس به من وجهة نظري المتواضعه حالتك بين حالتين يا انك مسوي لك شي وقاعد تجلد نفسك وتعاقب حالك. وهالشي غلط ومو من حقك لان الله سبحانه وتعالى نهانا عن هالشي ولاتلقو بايديكم الى التهلكة او انك حاس بضغط واهمال من اللي حولك وتبي تستعطفهم. وهالشي بعد غلط الواضح انك انساان حساااس جداً. وهالنوع من الناس هم اللي ماكلينها مشكلتنا اننا ندقق بكل شي ونكبر المواضيع ونسوي من الحبة قبه لو اننا من العالم القاسية ماوصلنا للهحال ولو عندنا مهارة التطنيش. ماتعبنا الزبده ارفق بحالك وانا اختك ولاتصير انت والظروف على. نفسك جسدك الضعيف ذا وش ذنبه يومنك تحرررقه ليش ترهقه فوق ارهاقه يعني المكتئب خلقه جسمه متاذي من المرض ومن السهر ومن الارق والقلق تجي تكملها عليه وتحرقه بعدين لاتنسى لايعذب بالنااار. الا رب النار طرى علي واحد كلم مفسر احلام معروف وقاله حلمه بابوه المتوفي قال الشيخ ابوك بقبره ينسأل عن مرض بجسمه ماعالجة فمابالك عاد بانسان يحرق يدينه مابي ابثرك واكثرها عليك. بس اصحى لحالك وارحم نفسك وكل ماوقعت قم بقوووة. اوقف اقوى من اول وانفض غبار المرض عنك ولاتستسلم للنفس وساوسها خلك قوي وتدارك نفسك وترى دولاب العمر ماشي تلاحق حالك. وتزوج وشف عيالك وتناسى المرض ينساااااااك وبس |
وبعدين لاحظت بكلامك
تقول ماقدرت عجزت صعب ماعاد ينفع هالكلمات هاذي هي اللي تحطم الانساان تصدق ان القدر موكل بالمنطق وان الكلمات اللي نقولها ونكتبها. يصدقها العقل الباطن ويترجمها ويمشيك على اساسها وش اللي ماقدرت احط اهداف انت رجال. والرجال غلط يوقف عاجز ليش كذا خوانك اللي كبرك واصغر منك احسن منك بايش كلكم من دم واخد وتربيتو ببيت واحد والظروف وحده ليش انت واقف مكتوف الايدي دور ع وظيفه وكافح وانسى المرض والوهم وكون نفسك وتزوج وشف اطفالك وغير نظرتك للحياه ابدا بنظره جديده تحدى الظروف وتحدى الالم وتحدى كل شي واوقف مع نفسك وقفة صادقه وطوع الظروف لنفسك لاتنتظر احددياخذ يدك ويطبطب عليك ولاتنتظر احد يشفق على حالك. اذا انت مارحمت نفسك وقاعد تحرق لي بيديك لاتنتظر اجل من احد يساعدك |
سلامتك من الألم علوو
طيب وما فكرت بالناس اللي تحبك انها رح تتألم مع كل حرقة زقارة انت تحرق زقاير وتحرق قلوب الناس اللي تحبك بعد خفف شوي علو وارحم نفسك وارحم القلوب اللي تحبك وأه من حرق القلوب ما اصعبه يا علو وانت ما يهونلك تنحرق صح ازا ولعت القلوب شو بدو يطفيها هههههههه http://www.marhabi.com/smile/smilesi...al-biggrin.gif انقذ ما تبقى منها فوراً وانت قلبك طيب وحنون برغم الشقاوة والجنون بتضل احلى علو في الكون http://www.marhabi.com/smile/smilesi...r-mno3-615.gif شو بدي قول بلاقي معك زيقارة لهالولعة http://www.marhabi.com/smile/smilesi...r-mno3-396.gif http://www.marhabi.com/smile/smilesi...er-mno3-35.gif هههههههههه علو انتبه لنفسك لأنه ما حدا ينفعك وصباحك رضا وصلاح حال يارب ward |
لا تعليق صراحة يعني اذا بنطبق كلامك اجل كل واحد يبي يحس بالطفش يروح ينتحر وهلما جرا يعني !! الله يهديك بس
|
الف سلامة عليك يا عالي وش ذا الخبر الاسود يا خوي وش الفايدة من حرق نفسك صدقني الله غفور رحيم
انتبه يا عالي ما تدري يمكن الوضع يتطور قاوم انا احرقت ملابس بالزقارير من القهر اما جسدي فما هو ملك لي والله في خاطري كلام كثير لك يا عالي لكن الحالة ما يعلم في شدته الا الله |
😂😂😂😂😂😂😂😂😂😂
اشلون حرقت نفسك اشرحلي اكثر استيعابي بطي انت من صج ولا اتغشمر !!! أكيد اتغشمر .. لان ماكو واحد صاحي يقول هالحجي الله يصلح الحال بس |
لكل واحد وقت القهر طريقته الخاصه فتقريغ انا اسفل بنفسي واخليها ماتسوا حاول تفرغ ياحبيبي رسوم بشي ثاني مثلا كتابه شعر او موهبه او رياضه رسوم انت جا وقت كنت وش حلاتك تغير شي فادويتك؟؟
|
| الساعة الآن 09:40 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا