ندمان او لا
 

بسم الله الرحمن الرحيم

سوالي بصراحة هل انت ندمان على تناول الادوية النفسية او لا

وهل تنصح احد فيها

وافضل مضاد استخدمته

وهل قد جاك تبلد المشاعر وش الحل

طبعا مو ندمانة بالعكس الادوية النفسية هي اللي حسنتني حييل

وانصح فيها

وأفضلها الزيلدوكس

وما جاني تبدل. مشاعر بالعكس احس اني بخير

بالنسبة لي انا ندمان جربت كل مضادات الذهان ومضادات الاكتئاب

المشكلة الاساسية تبلد المشاعر كم خسرت من عمري بسبب تلك الادوية

لكن الحمدالله الخيرة فيما اختاره ولا نقول الا حسبي الله ونعم الوكيل

الحمدلله عل كل حال
كانت لي تجربه بسيطه جدا يمكن يومين او ثلاثه وتركتها من سنوات والحمدلله ..

لكن خلال تصفحي للمنتدى من يدخل عالم الادوية .. ربما الخروج منها ماهو سهل

كل كلام الاطباء يقولون لك تناول هذا الدواء بهذه الجرعه لمدة اسبوعين ومن ثم ارفع الجرعه لمده اسبوعين

ومن ثم قلل الجرعه لمدة اسبوعين ومن ثم قللها مثل اول مرة لمدة اسبوعين ... وهكذاااا

يقولك يكون انسحابك تدريجي وكذااا تتحسن وماتحس باثارها

لكن الكثير لما ينسحب من العلاج يشعر بتعب اقوى ..


وجهة نظري المتواضعه

انه للاسف بعض الاطباء النفسانيين ماعندهم الا قائمه من الادوية حافظينها ويعطونها المرضى

وين تحصل دكتور نفسي لما جيته عمل لك جدول لعلاج السلوك لفترة معينه
وين تحصل دكتور نفسي لما جيته قالك روح اعمل كشف للقولون وتحليل لجرثومه المعدة وفيتامين دال
وين تحصل دكتور نفسي لما جيته سالك شنو صار لك الموقف اللي حدث لك اخذ واعطى معك يعني
وين تحصل دكتور نفسي لما جيته سالك انت كيف علاقتك بربك وارتباطك بالصلاة ...

هذي الامور من وجهة نظري اذا حصلتها في دكتور معين فهوا ان شاء الله دكتور كويس ويخاف الله
ما يفكر في فلوس او ادوية وبس يفكر اول شي كيف يعالج مريضه

الله يكتب للجميع الشفاء يارب

بيض الله وجهك اخوي نصيحة لا تقرب الادوية انا قالوا لي سنة وتبطل وانا حاليا 15 سنة المشكلة الاعراض الجانبية لها من تبلد الاحساس وفقدان الايمان بالله وبالقران والله انها دمار عقلي كمل

امممم صراحة ماادري وش اجاوب لكن انا قبل استخدمها كنت شبه ميته ومنجنه خلاااص لدرجة افكر كيف اذبح نفسي اقسم بالله لكن الحمدالله ع كل حال ممكن اقول اني ندمانه لان حاليا استخدمت علاجين ماهو راضي يفيد معي وانا عارفه مستحيل مستحيل اخرج من عالم الادوية لان بكل صراحة ادمان وانا خايفة اتركها واسوي بنفسي وعيالي شيء ...

مدري بس في حالات لازم تاخذ ادويه بس كمان الخوف من استغلال الاطباء للمرضى النفسيين قرات قبل فترة ان اكتشفو ان في اطباء نفسيين كثير يخلو المريض يدمن الادويه و احيانا التشخيص مو يكون صح .... انا لما رحت لدكتورة في بدايه مرضي بعد3 اشهر تقريبا صرفت لي دواء وهي ماكنت متاكده ان الي فيني اكتئاب وكمان حالتي ماكنت سيئة كانت مستقره نوعا ما بس انا رفضت اخذ الدواء الحمدلله

ياليتني مت قبل هذا وكنت نسيا منسيا

اخوي يمكن لأنك تنتكس كثير عشان جذي ما شفيت

لا ياسارة انا اكره الحبوب النفسية وما جاب الانفصام لي الا هي الله اقسم بالله اشد من المخدرات على طول لحسة مخ

ندمان؟ ج: نوعا ما ؛ يعني هي تعطيك شعور غريب تخليك تنسى أحزانك مؤقتا وقت ما تكون مخالط للناس وبعد ماتجلس لحالك تلقى التفكير استلمك استلام!!😣
انصح احد فيها؟ ج: منيب مؤهل للنصح وارشادهم لها.

أفضل مضاد استعملته ؟ ج: عبارة عن (فينيكس م.م. أو الإسم الآخر له <فينلافاكسين >) حبتين بعد الغداء.
و (فالدوكسان) حبة قبل النوم بساعتين.

جاني تبلد ؟ ج: تقريبا مالي بالهم ولا بالمشاكل وانسحب منها ولا يأنبني ضمير 😑.

مشكور جدا على ردك يا الشمالي يا بعد حي وميتي


شكل انا الوحيد الى لعبت فيني الحبوب النفسية والله المستعان طول عمري مقرووووووووووووووووود

شوف دام أمك اداوم وأمورك في السليم لا تحاتي

هلا سارة انا ادوام يوم واغيب عشرة وهم مهددين بالفصل من العمل بس انا قلت لهم راح اتقاعد وقدمت خطاب وانتظر موعد المستشفى للمقابلة الشخصية لتحديد هل استحق التقاعد او لا يا رب يوافقون واتقاعد وارتاح من الهم