من شهرين وانا اعاني الحمدلله على كل حال
 

السلام عليكم
ماعرف وين احط موضوعي ولقيت هذا القسم الاقرب للاعراض اللي تجيني
من شهرين وانا اعاني من خوف وفزع والام غريبه
عمري 34 حالتي الصحيه جيده حالتي النفسيه كانت جيده فقط بعض المخاوف البسيطه واللي كنت اقدر اسيطر عليها لكن قبل شهرين توفي احد اقاربي رحمه الله ومادري وش صار لي بعدها
جاتني حاله غريبه خوف وفزع من الموت حتى بعض الايام صرت اخاف من النوم نفسه قبل لااقرأ عن المرض كنت احس بموت باي لحظه وان هالشي حقيقي مو مرض بس بعد الاطلاع على بعض المواضيع خف الاحساس شوي بس مستمر
حالتي صارت متذبذبه ايام احتنق فيها ضغط عصبي ونفسي فضيع واحس بفقد عقلي وبموت وايام تقل المخاوف بس الاحساس بالموت مستمر ماقدر اسيطر عليه
سؤالي لكم
هل هاجس الموت مستمر معكم على طول زيي والا يختفي فترات
واللي شافاهم الله كم استمر المرض معكم

انا لي تسع سنوات اعاااااااااني

الحمدلله

تسع سنين:(
مأجوره ان شاءالله الله يكتب لنا الشفاء جميعا يارب

آمين يارب العاااااااالمين عاجلاً غير آجل

انتي مثلي
جاتني الحاله بسبب وفاة قريب
وصار وسواس الموت ملازم لي
اعتقد بسبب صدمه

شي طبيعي مريض الهلع يتأثر بوفاة اي شخاص حتى ولوكان مو قريبة لها حتى تلقاة يسأل بالتفاصيل عن سبب وفاة الشخص واذا ماهو مشابه للاعراض الي معة يرتاح شوي من التفكير مثل اذا عرف انه الشخص المتوفى بسبب حادث يرتاح ويطمئن شوي وهذا شي ماهو مستغرب المهم يا أخوان في الموضوع مواجهة الخوف والتحدي وكسب نقاط كثيرة في تحدي الخوف والهلع انا اطرح تجربتي عليكم واعتبرها ناجحة وهي مواجهة الخوف بكل ما اوتيت من قوة الله يفرج هم الجميع

وسواس الموت معاي من زمان يهدأ فترات ويهيج فترات بس لمن يجيني احاول بكل قوتي مااتجاوب معه مره اغلبه ومره يغلبني شفانا الله

لما اشوف تجاربكم اطمن شوي صار الموقع بمثابة مهدئ نفسي لي
ربي يشفيك حبيبتي ويعوضك على صبرك بكل خير
امين واياك يارب

شكله كذا ان جلست اسبوع تقريبا ماني مستوعبه
وبعدها جاني فقدان شهيه وغثيان بمجرد مااشم ريحة اكل احسني برجع وبعدها توالت الاعراض اللي لليوم اعاني منها الحمدلله على كل حال الله يجعلها كفارة لذنوبنا يارب

قريبي مات بحادث الله يرحمه
انا من زمان من اول ماعرفت النت اذا شخص مات احب اقرأ اخر ردوده ومشاركاته واستمر الوضع معاي لفتره قريبه ومع انتشار مواقع التواصل زاد الوضع وماتركت هالشي اللي بالفتره الاخيره شكلي كنت اعاني من زمان بس ماكنت حاسه بنفسي الله يعين
الله يقوي ايماننا ويعيننا يارب

امين الله يعيننا واياك يارب

صدقتي اختي
حتى انا ارى الموقع مهدئ لي والجأ له بعد الله
لاني اشوف الناس مثلي فليش اخاف
كلنا عايشين الان
لامتنا ولااصبنا بالجنون ولا شي
الوهم نسأل الله العافية