خفة الرأس ؟
 

مادري شو اقول ؟
انا ادري ان نحن صرنا نتوهم وايد
بس معقوله الأعراض اللي نشعر بها تكون وهم بعد ؟
كيف وهم و نحن صدق نحس فيها ؟
نخلص من شي يرد لنا شي
نرجع طبيعين ليوم و نقول خلاص تشافينا
فجاءه نرجع نضعف ..

يمكن أغلبنا يعاني من الدوخه و عدم الاتزان صح ؟
ممكن تصفون لي احساسكم بالضبط كيف يكون مع الدوخه ؟

يعني انا في البدايه كنت أحس برعشه داخليه
عقب فتره كنت احس ماعندي توازن
عقب بديت احس و انا يالسه واقفه امشي آكل ان جسمي يميل لليمين و اليسار و جدام و وراء

لكن الحين ؟
حتى راسي يصير فيه هذا الشي !
غير الألم .. أحس خفيف و شوي يروح يمين و يسار

شعور يخوووووووف
يخليج تفكرين ف مليون مرض و تقولين يمكن فيني ؟

في حد صار له ؟

ايوه
عندي عدم توازن و دوخه
لما اكون واقفه اميل قدام او ورا واخاف اطيح 😪
احاول اجلس عشان ما اطيح

كل الاعراض الي قلتيها مريت فيها تقريبا😪

الحين احس انا راسي ثقييييييييييييل😓 ،،لحد الكتف
مادري شو السبب!!!😥
اخد عنده فكره

واحيانا لا يصير خففييييف!!!
بس اكثر شي احين يصير ثقييل

مرات ثقيل و مرات خفيف يارب رحمتك :(

لان عقلنا الباطن متشبع بالوسواس عشان كذا نحس باقل عرض علطول نفسره الموت ولما تتداخل الأفكار ع الوسواس ع الوضع يزيد ولما يرافق الوسواس حموضة اوقولون أو أي مرض يزيد الوسواس
بس والله فعلا التوهمات مررة تأثر فينا نحسها كأنها حقيقة

ابليس يشغلنا كل مره بعرض
كل ماشافك في تحسن و تقدمتي خطوه يرجعك لنقطة الصفر بذي الاوهام
و الاعراض صحيحه ما اقول لا بس هي نتيجة افكار في العقل الباطن
و الجسم تركيبته غريبه الله وحده ادرى فيها
العصبيه و الحساسيه الزايده و الخوف و القلق تدمرنا بدون مانحس
لازم نتعلم الصبر بالطيب او بالغصب بيظل اهون من ذي الاعراض و التفكير فيها ليل و نهار

كل المشاركات الي قريتها نفس الاعراض و القاهم في النهايه كاتبين ان ربي شافاهم الحمدلله
و اتبعوا الرقيه و سوة البقره و حافظوا ع الاذكار و انتي ابحثي و تلاقين كل ما يغنيك في المنتدى هذا
اللي هو اشبه بمصحه نفسيه و علاجيه متكامله ممكن بعد الله تعينك على تجاوز ما انتي فيه
بس لا تستسلمين للمرض ولا الاوهام و حقريها و صغريها و راح تروح باذن الله

انا مجربه اللي جربتيه و للحين احس براسي فيه شي غريب مرات يشد علي
و مرات يهدأ و اتمنى اترك التفكير فيه نهائيا و اتجاوز الخوف

لا تنسونا من صالح دعاكم و الله يشفي الجميع يارب

خفه الرأس وثقل الرأس كلها طبيعية فقط لا توسوسي وتقولي في شيء بدماغك

أسأل الله العظيم رب العرش العظيم أن يشفيني واياكم يارب
انا احس براسي خفيف وكأنه مفتوح وفيه احد يغرف منه احساس غريب لايوصف والحمدلله على كل حال

بالضبط احساس غريب لدرجة اذا وصفتيه لحد يمكن يضحك عليج و يقول انتي مينونه ؟
الله يشفينا يارب و يطمنا

الا صح اعاني منها بس الحمدلله بحاول اقاوم لاني من جد حسيت ضيعت عمري عل ولا شي وحزنت لما شفت كيف الوسواس بعدني عن اولادي ودخلني في دوامه الله يشفينا يارب

صحيح اتكلت عن هالموضوع قبل يومين وانتم فاكرين بسالكم الدوخه او الخفه او الثقل الي براس يجي لكم بعد الاكل والا اذا فكرتو بالموت والامراض وانشغلتو بالوساوس ..؟