ساعدوني وعطوني شوركم
 

انا عندي مشكله اني افقد اعصابي حتى مع اصدقائي ويمكن بعض الاحيان احاول اضربهم ويمكن تصير مشاكل بيني وبينهم لأسباب تافهه وفيه ناس تمزح معي مزح ثقيل وانا اقولهم لكن مايفهمون وبالنهاية يقولون انت تزعل من سوالف تافهه ويكررون نفس المزح رغم عدم تحملي احس اني فقدت اكثر اصدقائي هل العيب من شخصيتي ام مني انا ام منهم هم !!!

اذا عندك قلق وتوتر فهذا شي طبيعي انك تفقد اعصابك
حاول تبتعد شوي عنهم
لين تخف عصبيتك
راح تكتشف انك كنت تنفعل بزياده
بس لا تقعد تحط العذر ع القلق والتوتر 😅
حاول تمسك نفسك وتسترخي وان شاءالله ترجع لوضعك وتهدا اعصابك

منهم تمر علينا تنقهر وتقول انا ما ابي المزح هذا وسبحان الله يجونك بنفس المزح ابتعد شوي غيب فتره ترجع لهم تلاقيهم نسو المزح هذا الثقيل واتوقع يكون انت السبب عوتهم يمزحون معك بهاذ المزح

ياغالي مراح تقدر تمشي مع هذولا انت عندك قلق وتوتر وعصبيه زايده مستحيل راح تمشي معهم بسبب القلق والتوتر لازم تعالج نفسك اذا ماديتك زينه وتقدر تتعالج انصحك لله تعالج نفسك عند دكتور فاهم يعطيك دواء يزيل عنك التوتر والقلق كذلك تحتاج علاج سلوكي ومعرفي ممتاز جدا مع العلاج الدوائي وراح مع العلاج ان شاء الله تتعافى وترتاح من هالقلق والتوتر والعصبيه وراح ترجع لخوياك وراح تمزح معهم وتضحك وراح تنسى القلق والتوتر السابق جرررب وشف مفعول الدواء مع جلسات السلوكي والمعرفي .وبتدعيلي ان شاء الله

الله يجزاكم خير انا تركتهم الفتره هذي وقفلت جميع وسائل التواصل معهم رغم انهم يتصلون واحاول ادخل بعزله لمعالجة افات النفس !
بالنسبه للاخ اللي يقول علاج نفسي وسلوكي كيف طريقته هذا ! ووين العيادات الخاصة وهل فيه عيادات حكومية

اذا لك ملف في مستشفى مدينة الملك عبدالعزيز الطبية في الرياض خذ موعد مع الدكتوره بثينه خير سورية او الدكتور جمال الطويرقي بيكشفون عليك ويعطوك العلاج اللزام كذلك راح يحولونك الى اخصائي علاج سلوكي ومعرفي راح يدرس حالتك ويغهمك لعدت طرق تخليك تتغلب على المشاكل النفسيه .ولا اتروح لعيادة الدكتور سليمان الصغير مركز الجامعه الطبي برياض شارع عمر بن عبدالعزيز الكشف عند سليمان ب 500 ريال والمراجعه ب 500 ريال او تروح لدكتور محمد العقيل دكتور ممتاز والكشف ب 250 ريال والمراجعه مجانا لمدت اسبوعين واذا طلبت منهم تحويل يعطونك تحويل الى مستشفى مدينة الملك عبدالعزيز الطبية بالحرس خذ التحويل ورح ويعالجونك هناك وتاخذ الادوية مناك مجانا افضل لك بدل ماتشتريهم

طيب وش رايكم ارجع لهم والا اكمل غيابي رغم اننا في استراحه واحده ! وش اسوي انا مقفل كل الاتصالات معهم

انا اقول انك ترجع وذا سالوك وينك ياولد وش فيك غايب عنا قل حصلت ظروف ومشاغل وارتباطات مثلا مع الوالد او الوالده وكذا من هالكلام ..بسسس لازم تتعالج عند دكتور نفسي مثل ماقلت لك ياغالي .انت وين ساكن باي مدينه حتى نفيدك بلاطباء الممتازين

ساكن في منطقة حائل

طيب هل ابين لهم اني زعلان ولا اتظاهر ان كان ماصار شيء !!

طيب وش الادوية المفيده لإزاله التوتر والقلق

تريد نصيحتي حاول توجد اصدقاء غيرهون يناسبون تفكيرك وهذا ليس صعب لا تحاول تغير نفسك فقط غير اصدقائك