من جرب الادويه هذي واعراضها الجانبيه تكفوون
 

السلام عليكم

اخواني انا توي بادي في علاجي الجديد بس فيه اعراض جننتني كثير

وابي الي جرب الادويه هذي يفيدني ويقولي ايش اعراضها الي في البدايه

1-سوليان 50ملغ واخذ حبه في اليوم نص ونص

2- إنديرال اخذ 20 عشره الصبح وعشره المسا

3- سيروكسات سي آر 25نص حبه

الاعراض دوخه وقلق وتوتر والام في نص الصدر والظهر وعدم ارتياح داخلي واحلام مزعجه
وجفاف والرغبه في الذهاب الى الحمام
الحين لي 12يوم
وانا اعاني من وسواس واكتئاب والوسواس بانواعه الموت والدين والامراض

ابي اي احد يعطيني تجربته في الادويه هذي
والحين قاعد اترك السبرالكس تدريج معها ايش رايكم

لست مختصا. ادعو لك بشفاء العاجل .الاندرال كنت استخدمه قبل شهر مع الابليفاي سبب اعراض الاندرال مالله به عليم كتمه في التننفس عدم الاتزان واحساس بالضعف العام وتعب وارق ويوم تركته راحت جميع الاعراض كذلك وقفت الابليفاي حيث استخدمته لمدت 5 ايام ورجعت على دوائي السابق الي هو فينيكس 225 ملغ مع حبه لكسوتانيل 3 ملغ واحيانا نصف حبه قبل النوم وصارت الامور ممتازه جدا عدي وتعدل المزاج ولا احس بخوف او قلق وتفكير زائد

بس غريبه ليش ماكتب لك الدكتور دواء مساعد مثل الكسوتانيل لمدة شهر مثلا تاخذ حبه لمدت 14 يوم ثم نصف حبه لمدت 14 يوم ثم ربع حبه لمدة 14 وتوقفه. يغنيك عن الاندرال ومشاكله

يعطيك العافيه

فيه علاج عند الازوم منوم اتوقع بس اخاف اخذه لان قالت الدكتوره عند الازوم وخايف تكون له اعراض زي غيره

اسم الاعلاج ميرزاجن
ايش رايكم

ميرزاجن هووه نفسه الريميرون انا استخدمت الريميرون 30 ملغ نصف حبه خلاني مسطووووول 24 ساعه اروح لدوام ماني قادر افتح عيوني خموووول رهيب يسالني احد الاخوه المصرريين يقولي انته اليوم مش على بعضك هههه قلت ليش ايش الي انت شايفه قال بشووفك تعبان وعيان ومش قادر تتحرك وعيونك صغيره مش قادر تفتحها قلت ايوالله عيان وتعبان وفنفسي قلت والله من فعل الريميرون الي خلاك ياسعادة الباشه تتريق علي

معقوله لحالي مجرب الادويه هذي والله ما ادري ايش اقول ردوو عليا

انا استخدم السوليان بجرعة 400ملي جرام وجربت كل الادويه الي كتبتها مالقيت اعراض جانبيه الحمدلله غير فتح الشهيه

السوليان جربته 100ملغ سببلي امساك وبرود جنسي

اللي عليك واصل على العلاج . الاعراض الجانبيه اللي تمر فيها من دوخه ..الخ راح تروح ان شاء الله مع الوقت . هذي طبيعة الادويه وخاصه السيروكسات راح يتعبك باعراضه

الشي الثاني لازم ترجع للدكتور و تقول له عطني مهدء مثل الليكسوتانيل و اخواتها

الميرزاجن صح ينوم لكن احيانا يسبب كوابيس . جرب وشوف اذا ما سبب لك اعراض جانبيه كمل عليه عند اللزوم 15 ملج يعني نص حبه

وبالطبع اذا استخدمته فتره طويله بشكل مستمر راح يزيد وزنك بشكل سريع

ماشاءالله عليك الدكتوره كتبتلي الميرزاجن وقالت عند الازوم ربع حبه وبصراحه قلت لها ان شاء الله مااحتاجه ضحكت وقالت بتحتاجه وكابرت واستحملت لين اليوم والحمد الله اختفت الاعراض كلها بس النسيان جنني

اخوي صديق المكتئبين
تطمن الوضع طبيعي جدا معاك
اولا الاندرال ماله دخل بالعلاج النفسي هو دواء للسيطرة على دقات القلب السريعة ويعتبر دواء للضغط
السيروكسات ممتاز بس مفعوله يبدأ بعد شهر تقريبا وراح ترفع الجرعة لان الجرعة الفعالة تبدأ من 40 ملجرام
الاحلام المزعجة والارق والكسل كلها اعراض في بداية العلاج وبعد شهر راح تحس بتحسن كبير بس اهم شي انك تواصل اقل فترة شهرين واذا نفع معاك يجب عليك ما توقف


السوليان ما جربته بس مدري هل هو ضروري لحالتك لا تزيد جرعته في اكثر الاحوال
الله يتم عليك بالصحة والعافية