معاناتي
 

السلام عليكم ...

معاناتي مع وسواس الموت

امس بالليل ماقدرت انام كان عندي ألم بأسفل الرجل وبدا معي الوسواس اني الحين بموت بتطلع روحي ولا قدرت انام من التفكير
مرات احس خلاص راسي بينفجر من التفكير ولابتجيني جلطة

واليوم من صحيت ونفسيتي ماش وكان عندي موعد وألغيته ماقدرت اروح لان الكرة الماضية جتني النوبة والممرضة تشتغل فيني وخفت اروح ويصيرلي نفس الشي

الوسواس بدا يسيطر ع حياتي ويحرمني من اشياء كثير
السفر ماصرت اقدر اسافر اخاف حتى مكة امنيتي اروح وبيروحون اهلي برمضان إن شاءالله بس رفضت اروح معهم من الخوف

وبرضو إجتماعات العمل واللقاءات ماصرت اروح خوف من اني تصير لي النوبة والافكار تلعب بعقلي بتروحين وتموتين

حتى بالدوام وقت اللقاءات يصير لي كذا ويتعكر مزاجي

وغير اني لما اطلع خلاص اقول ماعاد اني راجعه بموت بالطريق

ابغى ارجع لطبيعتي وانبسط وانسى الوسواس

حتى نفسي اهملتها ماصرت اعتني فيها
ولما اتروش يجيني خوووف
وغرفتي ماصرت اهتم وارتبها

كأنك تتكلمين عني 😢
انقلب وضعي كله خووووف وقلق وافكار عن الموت
ضيعت فرص كثير
و ألغيت اشياء كثير بحجة الخوف
حتى ما صرت اهتم بنفسي مثل قبل 😢
الله يشفينا يارب

و عليكم السلام و رحمة الله و بركاته
والله انا مثلج بعد
اي الم في ريولي على طول اقول الحين روحي بتطلع
تعبت والله من الاعراض اللي افسرها انها مرض و بموت
كل ماطلع من البيت اكون خايفه نفس ما قلتي
مالنا الا الصبر والله المستعان ..

اللي تشافوا من الوسواس تعااوا عطونا تجربتكم وايش سويتوا

مو معقول اضيع عمري بالوسواس وتوهم الامراض
طول الوقت احس بدوخة وضيقة

لازم اشغل مخي بشي يحتااج تركيز وتفكير كبير عشان ماوسوس
بس الانسان يحتاج وقت يسترخي ويريح مخه وإذا سويته بدت الافكار الوسواسية السلبية

مشكلتك واضحه وهي الإنسياق وراء الوسواس وتصديقه

ماهو الحل اخي الشاكر
مرات من قوة الضغط يصعب التجاهل

وعليكم السلام

صحيح هالافكار تجي وتزعجك وتعكر مزاجك والله افكر بدايت الحاله كنت اشرد من العمل اقول بموت ببيت اهلي ولا اموت بالعمل نصحيه لك لا تعطي لها بال نهائي حاول بقدر المستطاع تتجاهلي وامشي عكس الوسواس يقول لا تروح ل كذا يبي يصير لك شي روحي ولا عليك الحافظ الله وجربي انتي ما راح تخسري شي راح تكسري الخوف الي فيك من الداخل وراح تدعي لي انا للحين والله اتجاهل كل شي بس شكلتي وافقه عند الدوخه اذا جاتني تخلفني 180 درجه والا الباقي اتجاهلها تمام وعكس الوسواس باي شي لا تسوي اسوي والحمدلله علي كل حال والله يشفينا جميع انا سمعت برنامج كامل عنده ويسمونه بالمرض الحديث اغلب الناس توسوس من لا شي وعلاجه الصلاه والدعاء والتجاهل راح تشوفي كيف تتغيري وترجع ل طبيعتك واحسن

اخ تركي كم لك وانت تعانين من الوسواس
وايش الوساوس اللي معك

بديت الوسواس كنت اوسوس بالموت وبعدين الامراض اعاني من الوسواس لي ثلاث سنوات وحاليا اوسوس باالراض الخبيثه الله يجرنا وياكم منها يارب بس احاول بقدر المستطاع اني اتجاهل تقدري تراجعي اول موضوع لي بالمنتدى وثاني موضوع اول ما سجلت راح تعرفي كيف كنت اعاني منها :(

وعليكم السلام
حبييتي اسال الله ان يشفيك عاجل غير اجل
منتديات الخبير النفسي2 للاستشارات النفسية موقعة بيفيدك بإذن الله

افيدك اختي اني طبقت البرنامج الذي نصح بة الخبير ولا اخفي عليك ما طبقتة كاملا طبقت بعض كلامة كل ما ياتيني الوساوس ما اتضايق اخلي نفسي عادية وهادئة ما اقلق ما اتاثر وشي اخر اتجاهل وبتوفيق الله بعد الجهد والتعب تغلبت على احدا وساوسي لازم يكون عندك صبر قوة وعزيمة انا حينما بدات تعبت وجاهدت واحيانا كنت اريد ان اتوقف عن المجاهدة لاني خلاص تعبت ولكن استمريت حتى تخلصت منها وما صدقت ان يوم ساشفي منها ولكن الحمدلله راحت مني
وساوسي كانت افكار غير طيبة ومزعجة تلح وتلح بدون ارادتي تاتيني ولقد سببت لي ضيق وتعب لا يعلمة الا الله طبقت كلامة قبل سنة او اكثر والحمدلله راحت هذة الوسوسة بلا عودة

ربي يشفيك وجميع مرضى المسلمين

الحل الانتصار على الله