مجرد فضفضه ..
 

السلام عليكم و رحمة الله و بركاته

أحياناً من شدة الضيق يحس الشخص ان ما يعرف كيف يتصرف أو شو يسوي بالضبط
يحس انه في حفره و مافي حوله أحد يساعده
شعور يعور القلب ..
اتضايق وايد يوم اتذكر نفسي العام كنت مرتاحه و عايشه مثل اي انسان طبيعي
صح عندي هموم و مشاكل بس بالي مرتاح
اطلع آكل انام اتسوق بدون اي تفكير ولا هلع
يحز في خاطري وايد كل ما تذكرت العام
بس ما اقول الا الحمدلله على كل حال

انا وسواس الموت عندي من و انا صغيره بس يوم كنت صغيره تقريباً و انا عمري 10 سنوات ما كنت ادري ان هذا اصلا وسواس
كنت بس اخاف انام و اقول يمكن ما اقوم ؟
بس ما كانت الفكره تستمر معاي حدها اسبوع و تختفي ..

و من تقريباً 6 سنين او 5 .. رجع لي بقوه و مع هلع حتى وقتها ما كنت ادري ان هاي اعراض نوبة هلع ..
قعدت تقريباً سنتين و انا بس افكر بالموت
تركت دراستي لشهور اهملت نفسي لين ما الله فرجها و تشافيت من هذا الوسواس 90٪
والله اصلاً من تشافيت نسيت معاناتي نسيت كل شي
و كنت اقول انا كيف صدقت الشيطان ؟

لكن من 7 شهور و يوم رجع لي مره ثانيه رجع لي بشكل ماقدر اوصفه والله
احس نفسي مخنوقه و مب قادره اصف شعوري لأي حد !!
كل يوم اعراض جديده كل يوم احاسيس و افكار جديده
احياناً اقدر اتجاهل و اعيش طبيعيه بس احياناً تكون أقوى مني و ماقدر اتحملها
اضعف و ابكي و انسى ان مع العُسر يُسرا ..

مجرد فضفه حتى مب لازم تردون بس حبيت اطلع اللي بقلبي ..

اسأل الله الكريم رب العرش العظيم ان يشفيني و يشفيكم شفاءاً لا يغادره سقم اللهم اميييين اللهم امييييين اللهم اميييين

ياااارب انت العااالم بحااالنا فرحمنااا برحمممتك
وابعد عنا الهم والغم ..
يااااربي اشفينااا انت الشاااافي ياااكريم ...
اليييك نشكووو حااالنا يااا رحييييييم ...

الله يشفينا يارب وياك
كلنا نفس الشعور والله
نحزن اننا اول كنا عادي
والحين متغيرين حتى على أنفسنا