يالمكتئبين تعالو ابيكم بكلمة راس
 

أهلك اللي يرفعونك و في وقت الضيق تلاقيهم حواليك، يوم تكون ضعيف تشوف بعيونك معادن الناس اللي حولك، تشوف النذل اللي كنت تظنه شريف و اللي ما كنت تنتظر منه أي شي تلاقيه قريب منك، هذي نظرتي للأمور. الحزن العادي ما تكون له أعراض مدمرة مثل الاكتئاب الناس الله عطاهم عيون و عقول تفكر يشوفون حالة الشخص سيئة جدا ما يقدر ينام في الليل و سواد حول عيونه ما ياكل و ما يكلم حد، للأسف قسوة القلب تخلي مثل هذا الشخص يشوف الاكتئاب على أنه حزن عادي و شوية دلع بنات مع ان اسمي المستعار داني بوي لكن ماله علاقة بالدلع بوضح هذا الشي في نهاية الرد، فيعامل المكتئب على هذا الأساس، حتى عند الأجانب الاكتئاب موضوع حساس لأنهم يؤمنون بالقوة و شي مثل الاكتئاب دليل على ضعف و خلل كبير في الشخصية، مهما كانت تجربة المكتئب مع أهله فلازم ما يفقد الأمل في الشفاء من هذا المرض.

Danny Boy اغنية أيرلندا قديمة جدا فيها قصة أم تعبر عن حزنها العميق لسفر ابنها اللي اسمه طبعا Danny و صارت بعدين اغنية وطنية لكل الارلنديين اللي هاجروا للولايات المتحدة الأمريكية.

انا الي عشرون سنة وعايش بسريه وكتمان

اخاف أقولهم ويتأثرون ويحزنون


ما ابي احد يشوفني ويقول هذا مريض

و نعم الرجل!

المهموم بس احيانا كثيرة الاكتئاب يسبب عدم القدرة بالقيام ببعض المسؤليات ليس كسل منه حشاه بس الاكتئاب وما يسوي

يعني اكيد لهم رة فعل ويمكن يضغطون عليك او يلومنك كثير

اه بس لمست على الجرح

مشكلتي اثنين ابوي وزوجتي هم اللي ظاغطين علي بالمسئوليات

ومايدرون عن مرضي ويحسبوني انسان غير مبالي وفوضوي واتكالي

مايدرون اني 17 سنه اعاني بس ربك كريم

الله يبعد عنا وعنكم داء قسوة القلوب وكل ابتلاء

وأن يتولانا بعفوه وأن يرحمنا برحمته

وأن يجعل مثوانا جنته وأن يتقبلنا في عباده الصالحين

اي نعم امي تقول انت ماتصلي .. وانت وانت
وابوي يقول حياتك من صنع فكارك ويتجاهلني





محد يحس..

عيش عذابك لوحدك ماراح يعرفوا ايش يعني الاكتئاب لاتتعب نفسك

اصلا الناس ماتحس بناس
انا عايش بسريه تامه حتى ام عيالي ماتعرف شئ

غريبة اشلون معاك بنفس البيت اشلون ماتعرف !!

انا احيانا في لحظه ابكي من الهلع والرعب من سبب موقف غبي بنظرهم ..
تعرف ايش ردت فعلهم بدك كف دلللللع 😔
صحيح لما افيق من النوبه احس فيهم وانو موقف ما يستاهل الهلع ..
لكن خارج عن ارادتي ..ماحد بيشعر بك الا من يعرف احساس المرض ..

خليك من كلام امك.. بس الوالد ترى كلامه مهوب مرة غلط، فيه من الصحة الشيء الكثير