ي عالم ي ناس ابي هرجه الدوخه الي ازعجتني
 

السلام عليكم ورحمه الله وبركاته


مابي اطول عليكم الوضوع انا كل شي الحمدلله حاولت اتجاهله نهائي ولله الحمد بس الدوخه ي عالم وربي تخلفني 180 درجه كيف اوصفها ساعات اكون جالس ومتهني مع العيال والا بالعمل تجي لي بثانيه تنميل براس واحس راسي يفر بثانيه بس وتخلفني 180 درجه والله اني كنت جالس مع العيال قبل اشوي وجاتني رجعتني البيت والله العظيم مدري وش الهرجه قد مرت عليكم والله بثانيه خلتني ارجع اوسوس من جديد تكفون اذا مرت علي احد منكم افيدوني الله يجزاكم بالخير

انا اول مره اسمعها ، بس جرب تحلل عن فيتاميناتك ان شاء الله تلقى حل

فيه ناس قالو مرت علينا

خلاص طيب ليش فاتح موضوع 👀

افحص ضغطك اخي
وافحص دمك
واتطمن على حالك

يمكن من ضغط العمل

مافيك الا العافية :)

الحمدلله كل شي تمام وسليم

يمكن من النظر اخوي
تجي اذا عندك نقص بالنظرر
ع العموم هي عاديه جدا
الله يشفيك ويشفيناا
🌹

نعم هذه الدوخة تحدث مع الكثير من الناس افحص ضغط الدم والسكر وحلل فقر دم وفيتامين د وايضا الغدة ,, يعني تحليل شامل اذا طلع كل شيئ تمام انتقل للاذن والنظر غالبا تكون المشكلة في الاذن الداخلية ويصرف لهم الدكتور علاج ما اتذكر اسمه يمكن بيتاسيرك او شي زي هيك وبتروح الدوخة باذن الله ,, المهم كل التحاليل اللي ذكرتها لك لها علاقة بالدوخة واذا في الاخير طلع كل شيئ تمام بتكون المشكلة قلق نفسي عالجها بالاسترخاء او احد مضادات القلق

لا تقلق هذه الدوخة طبيعية ولو كل شيء تمام

وميزتها أنها مزعجة و تجيبلك وسواس
هي ممكن تجي من القولون أو من التعب
فنصيحتي لما تحسها قوية جدا و تشعر وكأنك لا تمشي على الأرض وكأنك بكوكب آخر...
فحاول الاسترخاء
استلقي على الظهر و اغمض عينيك وحاول أن لا تفكر في شيء
أهم شيء لا تترك مخك يفكر
حاول تسوي استرخاء لكل عضلات الجسم

وبعد 10 دقائق تقريبا وقوم وباذن الله راح تحس إنها خفت

المشكلة أنها تطول مع الواحد أياما بل شهور

الله يشفينا و يبعدها عننا يارب

ايوه الدوخه هذي تجي للأغلب
يا فقر دم او نقص فيتامينات
او بسبب القلق والخوف
او نقص النظر و قلة شرب المويه
وقدامك العافيه

اخي انا عندي نفس اللي عندك حاسه بشعورك و بالذات اذا جت فجأءة ....
لها اسباب ممكن نقص الحديد او التهاب بالاذن او النظر .. و ان لم تكن من هذه الاسباب فيكون سببها القلق و الوسواس و التفكير .. اسأل الله العظيم رب العرش العظيم ان يشفيني و يشفيكم شفاءاً لا يغادره سقم اللهم اميييين

الله يشفيك حبيبي
روح الطبيب

لا انظر اوك الحمدلله

والله العظيم افكرها كانت تجي لي بدايت الحاله اروح المشفي الضغط كويس السكر كويس سويت اول اربعه اشهر بدايه الحاله يمكن عشرين مره اسوي تحاليل شامله الحمدلله يارب كل شي سليم وكويس