زواجي قرب ابي افضل دكتور نفسي بالرياض
 

السلام عليكم
باختصار الموضوع واضح من عنوانه
طبعا انا مااستخدم ادويه نفسيه نهائيا
ومتعايش مع الرهاب بس المشكله
عندي زواج قريب ولازم اشوف لي حل
ابي طبيب يوصف لي علاج اخذه عند اللزوم فقط
(يعني ليله الزواج وليله الملكه )
تكفون تكفون تكفون يااخوان
لاتبخلون عليه بنصايحكم وردودكم

عندك الدكتور عبدالله السبيعي في مركز ادراك سمعت عليه مدح كثير
وانا حجزت عنده بس مواعيده تطول روح له انتظار اذا تقدر
رقمه موجود بتويترر
والله يشفيك ويشفينا 🌹

فيه الخاني بمستوصف الشريف

في مركز مطمئنة في الرياض

الله يوفقك ويسهل أمرك ويتمم زواجك على خير وسعادة

سليمان الصغير .او محمد العقيل .في مركز الجامعه الطبي كلهم ممتازين ومشهورين .كشفية الدخول لدكتور سليمان 500 ريال وكشفية الدكتور محمد العقيل ب 250 ريال .

500 ريال .. للجلسة الواحدة ؟ من جدهم و الي عنده علل واجد وش يسوي ؟ يصرف مال قارون علشان يتشافى ؟

حسبي الله و كفى ..

السلام عليكم ... اول شي الله يوفقك بزواجك يا نفسية ههههه

ليتك تغير هالاسم لان كل انسان مايحب انه يتعير بمرضه وان شاء الله يكون المرض رفعة درجات في الجنة وتكفير ذنوب ويرد عن مصائب وفتن

وان شاء الله من يصبر له الجنه .

ثانيا اهنيك ماشاء الله عليك على تعايشك مع المرض بدون ادوية لان هذا انجاز مهوب بسيط وانا اشور عليك مدام متعايش معه ان شاء الله ان موضوع الدخله سهل

لان من واقع تجربة الزواج ماله دخل بالرهاب الا اذا قصدك مواجهة الناس والزفة هذا شي ثاني ,, .

والله يجمع بينكم بخير ولا تنسى دعاء ليلة الدخلة $

كلمة نفسيه ما أشوفها عيره أبدا إلا المجتمع العربي و الجهل المدقع بهم و العلة فيهم بالأصل و الا لو فيهم خير و شوية عقل و بصيرة بأحوال النفس و الروح و العقل و ما صاحب ذلك من أمور الجسد و الخلق و الطباع ما عيروا بالنفسيه بإستهزاء و و إستخفاف و إستنقاص للمصاب بهذه العلل النفسيه العصبيه و العقليه

والله ياختي تباشير هذا الحاصل انا اعرف د سليمان الصغير منذ سنة 1996م ووالله اني احيانا اذا جاء وقت المراجعه له اني اتسلف حق المراجعه من غير الادويه غالية الثمن وانقطع عن هذا الدكتور سنتين اربع عشر وارجع له وعلى هذه الحال دفعت اللي وراي ودوني دووون فاءده تذكر للاسف الاطباء كلهم جشعين ويستقلون حاجة المريض حسبي الله ونعم الوكيل

شوف يالطيب ..
كثييير من المرضى ما يعرف يفرق بين الطبيب النفسي و الطبيب المعالج .. و فيه فرق ..
و علشان عدم معرفته قد يضيع سنين من عمره للسبب هذا ..
المريض يحتاج و مهم جدا أنه يروح للطبيب المعالج .. الطبيب النفسي من ضمن وظائفة أنه يصرف لك دواء نفسي ..
لكن الدواء النفسي غير كافي بتاتا علشان الإنسان يصل الى حالة الشفاء او الصحة النفسية الجيدة ..
ضروري جدا طبيب معالج او اخصائي نفسي لانهم هم الي راح يعالجون أسباب مرضك و يتعاملون و يعلمونك كيف تتعامل مع افكارك و مشاعرك و كيف تواجه مثلا القلق او الإكتئاب أو الوسواس القهري ..
الحبوب ماراح تعالج افكارك و مشاعرك و تعلمك كيف تتعامل مع المشاكل الموجودة في حياتك ..ماتعطيك مهارات معلومات تساندك ..
علشان كذا كثييير هنا يقول من بعد ما خليت الادوية انتكست .. طبيعي تنتكس .. لانك ما تعاملت مع أفكارك و مشاعرك و الظروف الي خلتك كذا .. فضروري الطبيب المعالج او أخصائي نفسي ..
أنا ما ادري ايش مشكلتك بالضبط لكن ضروري تدعم الدواء بالجلسات النفسية و لا راح تظل طول عمرك أسير الادوية .. لانك ما تعاملت مع أسباب مشكلتك النفسية ..
أنت ايش مشكلتك بالضبط ؟

بصراحه انصحك تروح عند دكتور مميز وتلح عليه في انه يصرف لك ريفوتريل 2مل
لانك بتكون محط انظار المعازيم ( ونحن الرهابيين نعرف طبيعة بعض عندما تكون الانظار مسلطه علينا )
اخي الكريم انا لا انصحك باستخدام هذا الدواء بشكل مستمر لكن مثل هذا الموقف يحتاج الى مهدي
حتى تصبح ذكرى زواجك ذكرى سعيده لابد ان تستشير دكتور على هذا الدواء كذلك لا تنسى تستشيره على
دواء اندرال 40 ملي اذا ما عنك مشاكل في القلب ولا عندك ربو
مع تمنياتي لك بحياه زوجيه سعيده

هههههه الموضوع له سنه الرجال تلقاه تزوج وخلف بعد😊

ههههههه الله يوفقه ويسعده لم انتبه للتاريخ لكن اللي رقع الموضوع يمكن عنده نية زواج