اللي تخلصوا من نوبات الهلع تعالوا
 

السلام عليكم

سبق وكتبت موضوع عن معاناتي مع الهلع

تنقطع فترة نوبات الهلع عني لكني اكون خايفة من وقت رجعتها لي وكذلك اخاف من الاحلام لدرجة اني مابي انام ومع ذلك تجيني احلام اخاف منها مااصحى مفجوعة لا اذا صحيت من النوم يبدا قلبي يدق بسرعة مع ان الحلم خرابيط واجلس طول اليوم اهدي نفسي لكن تبقى فيني روعة مع ان الروعة جاتني يوم قمت من النوم اول مافتحت عيني قلبي صار يدق بسرعة
هذا من جهة الاحلام

من جهة المرض اي وخز يجيني اقول هذا مرض خطير في يدي اليسار خلع من الكتف اذا خدرت اقول هذي جلطة مع اني ادري انو عسرت يدي وخدرت بسبب الخلع والاعصاب مو في مكانها وابدا اخاف وتجيني النوبة مهما كذبتها وحاولت اطنش ترجع لي مادري وش اسوي لها
هل الفراغ له دور فيها

وانا بفضل الله اولا واخيرا محافظة على صلاتي و اذكاري وقد مااقدر ابي اتجنبها لكن تجيني

بقول لكم مثال لبعض الحالات اللي تسبب لي هلع مثلا امي قالت صلي العصر والبسي عبايتك بنروح مشوار اقول لها وين تقول بعدين
على طول يجي ببالي شي شين امي وش تبي تاخذني انا برفض ماراح اروح للوجهة اللي تبيها وامي ياعمري كل قصدها ماتبي تركب مع السواق لحالها مشوار طويل بس
والمثال الثاني لو قالت لي بنروح السوق اخاف النوبة تجيني وانا هناك لكن اضغط على نفسي واروح وانساها واذا رجعت ابدا اهوجس واقول لو ان النوبة جاتني هناك بطلع وبنحاش والا وش بسوي افكار سلبية في افكار سلبية ولا عرفت كيف اتخلص منها

واللي تشافى من الهلع ليت يكتب لي تجربته وكيف انتهت معاناته ؟؟

واخيرا هل الهلع يسبب اكتئاب وخمول وكثرة نوم ؟؟

كل الي قلتيه مرينا فيه واكثر والحل
بتجاهل وتغير الفكر من السلبي الي الايجابي
والفراغ اقضي عليه اشغلي عمرك باي شي خلني فكرك مشغول
بشي ايجابي
واتركي السلبيات منك وبدليها بايجابيات هذا انتي تروحين واجين لا طحتي ولا صار اي شي
كلها افكار سلبيه وتغير في مشاعرك الي خوف وقلق وتوتر
بدليها بتشوفين الفرق الشاسع شوفي موضوعي واقريه عدل وراح تعرفين كل شي
وتركي منك مواضيع نوبات الهلع ولا تقرين عنها
هذي نصيحه من اخو واتمنى انك تنفذينها وراح تشوفين التغيير

ايوه انا مثلك
عندي حساسيه بالصدر
ولما تزيد علي الله لا يوريك
اسوي سالفه و بكى ومقدر انام 😢
و ابدا اوسوس وتجي نوبه
مرات حتى والله لو على شي بسيط وسخيف اخاف
لدرجة اخاف من الجو و اجلس اترقب الطقس و الغيوم والغبار
اذا كان الجو غريب او فيه غيوم اخاف واتوتر
على انه شي طبيعي وعادي !
احاول انشغل بأي حاجه
بس مشكلتي الكككككسل مره
مابي اسوي شي و دايما مالي خلق
حتى لما بطلع مول او اي مشوار اجلس افكر لو جات نوبه
لو لو لو ....... الخ
الله يعيننا بس 😢

يااخوي اتجاهل مرة مرتين عشر مرات لكن الفكرة السلبية تلح علي لما اضعف اربط الاحداث ببعض واقول بيصير شي والله تعبت الله يعين ويشفينا ويعافينا

قريت موضوعك اللي تخبطت في البداية بعدين عرفت وش فيك اطمن لما اقرا مواضيع كذا مثل حالتي

انا مااعالج ولا اخذت علاج بس كشفية عند دكتور
وعندي مشكلتين الفراغ والافكار السلبية مااقدر كيف اقضي عليها

اللي خفف عني شوي:
- التجاااااااااهل لما تبدي تحسي ببداية النوبة خذي نفسين ثلاث وتجاهلي الأمر .. واذكري الله بهدوووء وسكينة ولو بالصوت حتى تشغلي عقلك
- قومي من فورك والعبي لعبة مثلا او تفرجي حاجة المهم اشغلي نفسك.( بما يرضي الله)
ومع المداااومة على التحصين راح تحسي بالرااحة وماتفكريش في حالتك كثير وماتقريش عليها يعني حاولي تنسيها تماما
والله الموفق

امييين يارب امييين الله يشفينا ويعافينا ويكتب اجرنا

الله يسعدك حبيبتي على الرد والله يجزاك بالخير

ان شاء الله الله يقدرني يارب

واياك يا الغالية اعتقد اني مثلك مشكلتي الفراغ انا لا موظفة ولا طالبة واغلب وقتي يروح هباء منثور بدون اي شغل او حركة
الله يرزقنا من واسع فضله

الله يشافيكم ويعافيكم