هل هذي بداية الجنون؟؟
 

سلام عليكم

يااخوان مو طبيعي اللي يصير معاي ... ماافكر اتروش ولا اتنظف ..ادخن بشراهه .. ابي يومي يمر وبس

ماعندي حلم لبكره ... حتى الخيال اني افكر ايش بسوي بكره ماهو عندي ...

عندي زوجة وطفلين ماني حاس فيهم .... ماكأني رب اسرة المفروض اخاف عليهم وافكر فيهم ..شعور غريب

يوم تفكر بنفسك وتنساهم ليل نهار تفكيري بخوفي وقلقي ومكتئب ...احاول اندمج مع اطفالي عشان اتناسى شوي

تعليق زوجتي ينبهني اذا ماتروشت او اكلت لاني اكل بسرعه وماني كأي زوج اطلبها وش احب اكل

عندي كل شي عادي ...اهم شي تمشي الامو ماعمري علقت على شي وسخ او نظيف بالبيت واشكرها عليه او الومها

عندي الحياة غريبة بنظري وكل شي يمشي واحساس بخوف طول الوقت

واحب الوحدة واجلس لحالي ...مااذككر اني جلست مع العايله نتابع فيلم

اصرف فلوس واعتبر نفسي مبذر وماكأن عندي اطفال يحتاجون تربية

اهمالي لشغلي ومصدر رزقي بشكل جنوني تنازلت عن شغل ككثير يجي منه مكاسب تحت مسمى ماابي لنفسي وجع راس

احس اني ضعت بعد الادوية النفسية اللي استمريت عليها شهور افكسور 150 سيبراليكس 20 سركويل 200

ماكنت كذا قبلها حتى يوم كنت اعاني نفسيا

هل اانتم تمرون بهالشي؟؟؟

وهل عشاني اعتدت على التفكير السلبي ماني قادر ارجع برمجة عقلي السابق عشان ارجع طبيعي

اخوي انا منسحبه من المنتدى لكن سجلت مخصوص لما قريت موضوعك لان وضعي كان نفس وضعك تمام احيانا بشكل مستمر واحيانا على شكل نوبات لكن الان بفضل الله تحسن حالي كثير والله مافيه احسن من التقرب من الله تحس حياتك لها معنى تحس انك عايش مو مثل الان دافن نفسك بالحيا تحس بالطمانينه وراحة البال والكل راح يلاحظ عليك
اول شي وقبل كل شي لازم تحافظ على الصلوات
ثاني شي قبل النوم لازم تكون على وضوء وترقي نفسك بالفاتحه وتنفث 7مرات او11مره وتمسح جسمك كامل وتنام على هالشي
تحافظ على اذكار الصباح والمساء قدر المستطاع
تقرى قرآن اي سورة تفتح عليها اقراها
حاول تقرى البقره حتى لو كل 3ايام مره
اذا جيت تشرب ماء قرب فمك عند الكوب واقرى الفاتحه وانفث 3او7مرات واشربه
خلك اغلب الوقت على وضوء واي وقت تحس نفسك نشيط صل الضحى اوقيام الليل واقرى قرآن بكثره
اسمع الرقيه العامه اللي ترتاح لها عند النوم ونام وانت تسمع بسماعات الاذن
ابعد عن القراءه في المنتديات النفسيه والامراض
انا وللامانه ماطبقت كل اللي ذكرت ومع هذا احس براحه وجالسه احاول اطبق اللي كتبته لك لكن عشان بس اقولك ان الراحه والشفاء بالقرب من الله لا ادوية ولا غيره راح ترجعك الى ماكنت عليه قبل المرض

اسال الله العلي العظيم ان يشفيك
اسال الله العلي العظيم ان يشفيك

وعلى فكره بالبداية راح تحس بالياس والاحباط وتحس انك راح تنفجر وراح توسوس ان حالتك ميؤس منها وان القرآن ماراح ينفعك لكن واصل واستمر شوي شوي راح يروح هالاحساس والوساوس ويحل محلها السكينه وراحة البال
اكثر من الدعاء والاستغفار وقول حسبي الله هو نعم الوكيل في كل وقت وفي اي وقت