طلعوني من هالافكار.
 

السلام عليكم ورحمة الله وبركاته

انا عندي مشكله من 3 اسابيع بدت اولًا حسيت اني غريبه عن نفسي وبفراغ والى الان معي هالاحساس
قريت انه اختلال الانيه وما ادري!
ثانيًا صديقتي قالت انها حلمت حلم شين فيني وجت تتطمن علي ورفضت تخبرني عنه ووسوست
وانا معاي من قبل افكار بالموت وخوف من مناسبه معينه وحاليًا جايه مناسبه ويجيني احساس وخوف
ولما اشوف ادعية وتذكير ان شهر 8 شهر تساقط الارواح! مع اني اشوفه خرافات !!
واذا شفت بعض مشاكل الاخوان هنا يقولون بعضهم يحسون بقرب يومهم ويموتون تزييييد الوسوسه!!
واحساس انه هذا شي حقيقي تعبت والله ابي احد يقنعني.
الاحساس والخوف هذا والوسوسه من3 اسابيع وجاني اختلال الانسه فجأه بدون اي شي ومن بعده استمرت الافكار هذي.

احساس الانسان بقرب يومه قريت بعض مشاكل الاخوان انهم يخافون من ان بعضهم يقولون (احس اني بموت) ويموت!
هذا يزيدني خوف.

وعليكم السلام

اختي ريم حياكي الله بالمنتدى نوريتنا الله يسعدك

ومثل ماذكرتي يااختي عن ماقيل ان شهر شعبان تتساقط بها الاارواح هذي خرافات والااحاديث عنها ضعيفه .... ( والااعمار بيد الله)

والوسواس الي تعانين منه يااختي استحقريه وتجاهليه بقدر المستطاع خليكي اجتماعيه انشغلي بقرائه القران والاستغفار اكثري من الصدقه

طيب يااختي لو الانسان يصلي ويحافظ على دينه وقراه القران هل يخاف الموت لا والله بيكون قلبه مرتاح ومتعلق بربه ولا عليه من وسوسه الشيطان بل يدعس عليه وانتي ماشاءالله عليك تشجعتي وطرحتي مشكلتك بكل ثقه وانا متفائل انك راح تتغلبين على الوسواس وتعتبرينه شي تافه بس انصحك انصحك لاتنعزلي لحالك او مثلا الاهل نايمين ماعندك احد وانتي لحالك على الانترنت حطي سماعات على الاذن وشغلي القران ولاتستمعي للوسواس وتصفحي النت وكذا راح ترتاحي
.......

واسئل الله لي ولك الشفاء

احيان اقول انه وسواس واحيان يجيني احساس انه احساسي صحيح!
صلاتي ولله الحمد محافظه عليها لكن مهمله بقراءة القرآن الله لايشغلنا الا بطاعته.
غالبًا التفكير يجيني بالليل اليوم من المغرب مسكني تفكير وعند النوم يزيد احيانًا
لي اسبوع اشغل رقيه عند النوم .. حتى تأذيت من ضيق التنفس ووجود شي بالحلق قريت ان هذي بسبب النفسيه.
اللي حولي اذا تكلموا عن شي معين مثلًا هاه عندنا شغله بنسويها الاسبوع الجاي او تجهيزات رمضان او او او على طول اتذكر الموضوع واتضايق.
ما ادري تشتت مابين قناعه انه وسوسه ومابين ان احساسي ممكن يكون صدق.
احيان اقول تقريبًا تشاؤم؟
بداية الموضوع بدا بخوف من امراض وانتقل لخوف من موت وبدت الافكار والاحاسيس بعد الخوف.

شهر شعبان وتساقط الاوراح وحكاية اللي يحس قبل موته باربعين يوم او انه بعضهم يحسوا انهم بيموتوا ويموتوا هذه خرافات ما انزل الله بها من سلطان
اي احساس يجيك بكذا هذا مو حقيقي بس عشان الافكار الوسواسية تخليك تخافي ويزيد الخوف مع الاحلام اكثر لان الافكار والمخاوف المدفونة في العقل الباطن تاتي بصورة احلام وكوابيس كلها هذا من الوسواس عشان تقنعك
والوسواس يزودك خوف منها فاتوكلي على الله وتجاهلي وربي يعينك على ذلك وربي يبلغنا رمضان واحنا في احسن حال بإذن الله

موفقة لك تحياتي

اللهم صل وسلم على الحبيب محمد

انا ماحلمت للامانه وقليلة الاحلام واحلامي خرابيط ولله الحمد.
الحلم كان لصديقتي تحلمت فيني العصر وارسلت تتطمن علي تقول حلمت حلم شين بس قالت مابقولك عنه ويمكن زاد التفكير.
لكن خوفي من مناسبه او شهر معين واحساسي اللي يجيني بهالشي يقنعني!
ودايم اسمع اللي يخاف من شي يصير له واحاول اني انسى بس للاسف.

اللهم امين يارب.

اها طيب يااختي روحي للشيخ الراقي الشرعي علاء المباركي عندكم بجده يمدحونه وله محاضرات كثيره بقوقل

تتوقع انها عين يعني؟😓.

انتي روحي وان شاءالله يكون سبب بشفائك بعد الله

شكرًا لك.

مقولة شهر شعبان تتساقط فيه الارواح غير صحيحه
ومالها دليل
الناس بس يرسلون ويتكلمون كذا من كيفهم
صح عندي وساوس مثلك
بس معالجي يقول لي دايما الخوف وهمي
مو حقيقي
للأمانه مرات اقتنع مرات لا

طيب والحل مع اختلال الانيه اللي تعبني له 3 اسابيع معي ماتركني ابدًا من يوم ماجاني!!
صرت اخاف منه واوسوس تعبت منه والله.
ياليت اذا احد صار معه كذا يقولي ويقول كيف تعالج منه!
احيان اوسوس انه مو اختلال انيه وانه فيني انا بس ):!!
هو احس اني مو انا واحس بفراغ وماني مدركه الامور

اولا لاعندك اختلال الانيه ولا هم يحزنون وصدقيني احساسك حاليا مجرد فتره وتعدي
ثاني شي تفكيرك ب ان عندك هالشي هو من الوسواس الي انتي عايشته ف خلاكي تحسي ب اعراض شبه بعيده عن اختلال الانيه مو كل احد يحس ب اعراض زي كذا معناته مصاب فيه

اما بالنسبه لوسواسك انا صراحه ماابغى اعلق على صديقتك الي جت تقولك بتهور حلمت وماحلمت لانها غلطانه للاخر بتصرفها

بالنسبه لوسواس الموت
اول شي مستحيل احد يعرف متى يومه احساس الاعضاء الي تقريه هو من الوسواس ف لاتحطيه ببالك وكثرت التفكير بالموضوع وهو ماله اساس بالصحه لانه علم غيب ولا يدري الواحد متى ولا حتى يحس فيه

عزيزتي وسواس الموت اذا بتخليه يتملكك راح تخسري كثير لانه صدقيني جالسه تضيعي وقتك شوفي حواليكي الناس مثلك مثلهم ومع كذا عايشين حياتهم من غير اله حاسبه للمده الي راح يعيشو فيها

افرضي انك بتعيشي 100 سنه وقضيتيها كلها بتفكيرك الغير منطقي بوقت موتك ماتشوفي انك ضيعتي عمرك كله ؟؟؟

الشيطان مبسوووط للاخر انه جالس يسحبك لدوامة الوسواس وهو الي جالس يوسوسلك عشان توصلي لمرحله متعبه كثير

نصيحه كل موضوعك من اوله واخره وهواجسك صدقيني من الشيطان

-- الوسواس اذا ماصرتي اقوى منه وغلبتيه راح يغلبك ويتملكك ف بيما انه مالك وقت طويل وقفي عند هالنقطه وطنشي افكارك يوم يومين ثلاثه ويبدا يخف عنك

يعني احساسي هذا توهم! احيان يجيني احساس يقول ماراح تحضرين المناسبه الفلانيه او رمضان او كذا!
واذا صار شي حولي معين او قريت بالصدفه ان احد يتكلم عن هالاحساس اقول ايه هذا يعني انه راح يصير لي!.
اختلال الانيه او اللاواقعيه للاسف جاني فجأه للامانه وماكنت مفكره بالموضوع وحسيته طول معي؟.
صرت اذا جيت انام رجولي توجعني وتنمّل! مع العلم ان معي فقر دم من قبل؟.

طبعاااا احساسك تووهم ميه بالميه صدقيني
حتى لو تلاحظي اغلبيه الي يكتبو عن مشاكل الوسواس جدا كلامهم متشابه يعني انا واقرا كلامك كاني اقرا موضوع شخص ثاني يشتكي من الوسواس

انا عشت مع الوسواس سنين طويله جدااااا
الي يقولك ماراح تحضري المناسبه او ماراح تعيشي لرمضان او او او هذااا وسواس مو حقيقيه صوت براسك جالس يضحك عليكي بالكلام هدفه يدخلك بدوامة الهم اعتبريه شخص جالس يقولك كلام مو صحيح ابدااااا بس يبغى يجننك ويعذبك
ولا هووو كلام مو حقيقي لايعلم الغيب الا سبحاااانه وتعالى لاتصدقي الي يقولون بحس اني بموت او بيصيرلي شي هذا شيطان كذااااااااااب ا
تحدي الكلام الي براسك وشوفي انه ماراح يصير اصلااا

لالا انا ماكان قصدي انه مفكره بموضوع اختلال الانيه انا قصدي الوسواس الي مجننك هو الي فاصلك عن احساسك بنفسك لاراح الوسواس بيروح شعورك هذا

اذا على رجووولك اسباب كثيره مااعرف اذا تاخذي دواء نفسي معين ؟؟؟