وسواس الحوادث
 

اسعد الله مسائكم ...... انا والله تعبت اذا سقت السياره بس اخاف اني اصدم وتجيني خيالات حتى اني اذا سقت على اعصابي واذا اسرعت ارتجف واذا شفت سياره اقول اللحين يبي يلف علي حتى اني اذا شفت شيء بعيد اسحب بريك بقوه , واتذكر مره من المرات ان صديقي عطاني المفتاح وقال سق وسقت انا وهي تجيني خيالات وقمت ارتجف ووقفت بجنب الخط وقلت له كمل ماقدر اكمل والله اني صرت غشيم ماني مثل سواقتي اول يعني اعاني من القياده معاناه كرهتني السواقه

طبعا صار علي حادث قبل اكثر من عام وطلعت سالم ولله الحمد
ووش رايكم وش اسوي

الحآدث اللي صآر لك قبل سبب لك مخاوف وعقده من السواقه
تعوذ من ابليس وشيل الافكار السلبيه اللي براسكك
لاتربط شي قبل بيومك كل شي انتهى لاتسترجعه ححاول انك تكون ايجآبي بحياتك عشان تقدر تصير امورك مثل م تبي ..
والله الحافظ توكل عليه كل م تطلع من آلبيت
استودع الله نفسك فلا تضيع ودائعه باذنه وقول اذكارك بتكون ب امان الله وحفظه ثق بالله بس
الله يعافيك ويحفظك ااخوي تفائل لان التفائل م يآتي الا بخير ..

جزاك الله خير لكن صعب اتخلى عن الوسواس

السلام عليكم ورحمة الله وبركاته
انا جاتني فتره صرت ما افكر الابالحوادث اذا طلعت مع اخواني او السواق على اعصابي
لين اوصل واحيان كثير اكنسل الطلعه والسبه الخوف
لاكن تعلمت ادعية الخروج من المنزل
وصرت اقول توكلة على الله ولاحول ولاقوة الابالله
اللهم احفظنا بحفظك وارحمنا برحمتك واسترنا بسترك
واكفنا شر انفسنا وشر الشيطان وشركه وان اقترف على نفسي سوء او اجره لمسلم
واعوذبكلمات الله التامات من شر ماخلق ومن شر خلقه ومن شر شياطين الانس والجن
ومن توكل على الله فهو حسبه
الحمدلله صرت ارتاح اذا قلتها ومايصير لي شي ولله الحمد