مشكله ومتوتره منها
 

السلام عليكم


طبعا الموضوع باين من العنوان
صارت لي مشكله واحس مو مستوعبه
ابي افكر بس الخوف والقلق غالب علي
مو مستوعبه شي
احس اني في حلم
احس كذب مدري كيف اوصف لكم 😪
كأني في خيال مو مصدقه
ماعرف كيف اتعامل مع المشكله
طبعا زااااادت الوساوس و الافكار السلبيه
ونوبات الخوف واختلال الانيه
ضايعه مره و شعور اللاواقعيه يزيييد عندي
صرت مركزه على وساوسي وخوفي والكتمه و الاغماء
اكثر من اني مركزه على حل المشكله
ساعدوني احس بضغط رهيب 😢

تسمى اللأواقعية اختي الكريمة

وكأنك في عالم آخر غير اللي انتي فيه

لا تخافين من هذا الشعور

مخوفني لانه مو مخليني اركز على حل المشكله

اسمها اللاواقعية او اختلال الانية ولا تقرئي كثيرا عنها لكي لا تترسخ في ذهنك عموما هي بسبب القلق والوساوس الكثيرة كان العقل يهرب منها فقط استرخي ولا تفكري كثير ومن الاحسن تشوفي دكتور نفسي يصرفلك علاج مضاد قلق يساعدك مثل سيبرالكس او فافرين او غيره

يالله والله حاسة فيج الاعراض مو شوية صعبببببب انا احيانا بعد
يصير لي الاعراض تجتمع عندي واحس غير بضغط
اكون خايفة ومتوترة ،، بس تعرفي شو اسوي يمكن
انا اتجاهل على طول ما اقولج بمرة اتجاهل ويروح لكن لازم اتجاهل
انشغلي فشي ثاني عشان ما تركزي فالاعراض اشغلي نفسج باي شي
كلمي حد من اهلج واساليهم عن اي شي سوي حوار وبعدين روحي انشغلي فشي
ثاني بتشوفي ان الاعراض تبدا تخف ...
والله حاسة فيج الاعراض مو شوية الله يعينا يارب ويصبرنا ،،
واسمعي قران ومع الدعاء ترى الدعااء يخففف الاعراض والاستغفار
وقدامج العافية

اعرفها اللاواقعيه
و زااادت مع المشكله

اي والله
بالبدايه بس ابككككي ومخنوقه
تكلمت مع اختي وامي وكلهم يقولون عادي
ماعرف يمكن انا ابالغ واكبر المواضيع
الله يسعدك شكرا

مرحباااا اختي

نصيحة كثري من قول لا حول و قوة الا الله

مره من فترة قريبه كنت طالعه و يا زوجي و بناتي ، كان المكان اللي رايحة له زحمة
كنت احاول اطنش وضعي و أنسى خوفي و توتري ، لكن للأسف صار اللي ما كنت اتوقعه
اختفت وحده من بناتي وقت الزحام ، ما عرفت اركز ، اركض يمين و يسار و انا منهاره
وصلت لمرحلة ما اقدر أتنفس و انا ابكي و مب مستوعبه اللي صاير ، اركض و انا اقرأ( لا حول و لا قوة الا بالله )
و الا القاها جدامي ،مع ان زوجي لف المكان كله ولا لقاها ، مسكتها مثل المجنونه و خذتها وطلعت
ما ابغي اتذكر اللي صار و لا اسمع نفس قصص اللي ضيع طفلة او صارله شي

يالله الحمدلله لقيتيها
ان شاءالله تنحل المشكله
والله يعين

ياعيني انتي انسي المشكله لانك انتي بفتره
كله قلق ومنشغل تفكيرك اطلعي وادخلي لاتجلسين
لحالك طول وقت خليك مشغوله ب اشياء تسعدك
لانك لو جلستي بيكون كل همك وتفكيرك على الوسواس
والااوقعيه ضروي تشغلين نفسك ب اي شي

والله هالشي عادي يا اختي انا من كثر ماكنت مومشتوعبة مرضي حصلي هالشي
رغم ان اتعالج للحين فجاة الاقي نفسي ماعرف الي حولي او استغرب كلشي واحس اني فمكان ثاني بس ماعرف وين
وضيفي عليها وسواس الموت من يجي اختلال الانية الوسواس تزيد

مقدر انسى واطنش
مشكله مصيريه 😪
احاول قد ما اقدر اكون هاديه
عشان اعرف اتصرف