نكبة السيمبالتا
 

الدواء هذا مشكلة بصراحة, بديت فيه من 15 يوم وتحملت أعراضه الجانبية اللي زي الزفت على أمل ينفع معي لكن أمس قررت أتركه لأني ما أقدر أتحمل أكثر من كذا أخاف أضر نفسي , الخفقان ما يستهان فيه لكن مو هنا النكبة

النكبة إني المفروض أتركه بالتدريج لكن مالقيت تركيز 30 ملجم والصيدلي يقول مو موجود في السعودية! وهو كبسولة مو حبه عشان أكسره

اليوم ما أخذته والله يستر من أعراض الإنسحاب, عاد أعراضه معروفة , ياحليلك يالبروزاك


عموماً أنا ما أقول أنه سيء لأن فيه ناس إستفادوا عليه لكن أنا ما ناسبني والمفروض الصيدليات تبيع التركيزات كاملة, حتى لو تشافيت عليه بيجي يوم أتركه وأحتاج لتركيز أقل, لكن ادري ماهمهم إلا الفلوس الله لا يشبعهم

أدوية الاكتئاب كثيرة، إذا متضرر كثير من السيمبالتا اطلب من طبيبك أن يغيره للأفكسور و هو دواء قريب جدا من السيمبالتا، أنا كنت استخدم السيمبالتا سابقا و غيره طبيعي للفافرين و ما حسيت بأي فرق كبير لكن الحمد لله حالتي مستقرة، إن شاء الله تحصل الدواء المناسب و الله يشفيك أخوي.

اسأل مجرب ولا تسأل طبيب الأفكسر اخوي داني اعراضه الدواء نفسه وأعراضه الجانبية جهنم الحمرة ما انصحك تقرب

منه هذا الدواء في أدوية ثانية چيكه اخس دواء من الادوية النفسية هذا العقار

أنا جربت الأفكسور, أول يوم حسيت أن راسي مشبوك بسلك اشتراك واذني تصفر وترجيع وحالتي حاله, واستمريت عليه فترة ولا نفع, وعلى كل حال هو ارحم من السيمبالتا لكن تاثيره علي كان نفس تاثير السيمبالتا ونفس الشعور

هلا اخوي فارس انا اشوف تصبر على الدواء على الأقل شهر ونص وتتحمل أعراضه الجانبية وإذا زادت الاعراض خل الطبيب يوصف اليك مهدئ بعد الشهر ونص اذا شفت ما في تحسن كلش بأمكانك تغير الدواء وتنتقل الى دواء ثاني اما سبوعين ما اعتقد تقدر تحكم على الدواء اذا يشتغل صح في دماغك او لا هذا الدواء السمبالتا من فصيلة الأفكسر ويشتغل على موصلين عصبيين السرتونين والنورادرنيل

ماقدر اتحمل الخفقان, وعسى الله يستر بديت أحس باعراض الانسحاب, احس بزي الصعق الكهربائي وصداع وغثيان وامس مانمت زين من الكوابيس

الله يعينك اخوي شوف الدكتور خل يوصف اليك مهدى وفي بعض الأطباء يوصفون البروزاك لمدة شهر لان الاثار الانسحابية قليلة على المربض

كلمت الدكتور واتفقنا على لوسترال بروح اشتري علبه

اول شيء لازم تصبر شهر ونص عشان تحكم ثاني شيء لازم معاه مهدي بدون مهدي ماراح تتحمل انا ترقدت 7 ايام بالمستشفى يوم اخذت السيبراليكس بغيت اموت صرت اصارخ من الاعراض لين اخذت المهدي وارتحت

أول مرة أسمع أنه لازم مهدي! أنا جربت أكثر من 7 أدوية ولا مرة الطبيب كتب لي مهديء