لين متى ؟
 

أغلبنا موسوس أكثر من سنه ،
يعني انا كملت تقريباً ٦ سنوات و أنا بين فتره و فتره ييني احساس بقرب الموت !
لين متى بتم مصدقه و خايفه ؟

ليش كل يوم لما تي الفكره ان بموت يي معاها احساس كأنه لأول مره ؟
و كأنه حقيقي و غريب و لا مفر ؟
و كل الاحاسيس اللي مريت فيها كانت وهم أما هذا لا !

أنزين اذا انا اعرف ان هذا كله كذب ليش كل مره أصدق ؟
تعبت والله

أمس قبل لا انام .. من شدة الافكار ما كنت حاسه بنفسي والله
كنت اقول خلاص وصلت للنهايه .. حتى قلت اذا نمت خلاص ما برد اقوم
نمت و قعدت ..
و نفس الشي لما ييت انام مره ثانيه نفس الاحساس

انزين ليش اصدقه ؟ ليش ما اقول خلاص هذا كله وهم ؟
ليش دايماً اقول شو الدليل انه وهم يمكن كان وهم بس بيصير حقيقي ؟

فاهمين عليه ؟

والله احيانا اشغل نفسي بكل شي انسى لكن لازم لازم في شي يخرب عليه كل اللي سويته
و ارجع اضعف ..

في كلمه كانك تتكلمين عن كل شخص هنا ،ترى كلنا نفس تفكير نسال لييييه !!
بس اتوقع لان أحاسيس تغلب دائما علينا ف ما نعطي نفسنا وقت للتفكير بانه نفس حال صار قبل بس يمكن تغير بسيط ونحن مو منتبهين نقول لا ها شئ جديد !!
اشغلي نفسك انا الحمدالله تمام بس الي رجع لي حاله هي كحه واااايد لاعبه بتفكيري وشغله وسواس في بس شئ بسيط الوسواس مسك عليه
كذا هو الوسواس!!
الحمدالله ع كل الحال..

انا مثلك والله
قد ما احاول انشغل و ألهي نفسي
الا اني مرات اوصل للحد اللي مقدر اتحمل
وكل مره احس كأنو اول مره احس بهالشي
المفروض نكون تعودنا ع الشعور
وتغلبنا عليه
مو نضعف قدامه