الى متى..؟
 

السلام عليكم ومبارك عليكم الشهر..

انا تقريباً صارلي شهر احس بأشياء واجد وكنت يومياً اروح المستشفى والحمدالله كل شي سليم و وبعدها تجاهلت هالشي والاعراض الي كانت تجي ودخلت النت وصرت اقرا الناس مثل حالتي والحمدالله صرت ما افكر وايد بس ساعات اذا كنت في جمعة الاهل وكنا نضحك اقول هذي اخر مره اقعد معاهم اكيد كلهم متجمعين اليوم عشاني وبعدها صرت افكر انه الشخص يحس اذا بيموت ب 40 يوم وقريت بالنت انه هذا الكلام مو صحيح ارتحت وامس كل الناس يباركون بالشهر وانا ارد عليهم بس بيني وبين نفسي اقول هذا اخر يوم ويمكن ما اكون موجوده معاكم برمضان و وقت النوم دائما اقول حق نفسي " اذا الله كاتب اني اموت راح اموت مو شرط وقت النوم وانام"

تكفون شنو الحل مليت وفي احد مثل حالتي؟ انا حتى اصدقائي اذا من زمان ماكلمتهم ويدخلون علي يسلمون اخاف اقول يمكن يودعوني

الحال من بعضه بس الحمدلله علي كل حال مالك الا اتجاهل والصبر وعيشي يومك زيك زي الباقين بسلام والله اني اجبر نفسي اني اروح واجي بس ع شان اشغل نفسي ولا اجلس افكر بشي واحاول بقدر المستطاع اني ما ازعل لان ازعل يزيد الحاله

الحمدالله ..انا احاول اني اطلع واستانس بس بنص الطلعه احس بضيقه وافكر راح نسوي حادث بس بعدها اقول "اذا الله كاتب هالشي راح يصير" وساعات ادش النت بس اقرا الناس الي مثل حالتي عشان ما اوسوس اكثر

واالله نفس حالتي لما جاني اول مره كل شي تخيلي بس دومي علي التفكير الايجابي والاصرار والله عارفه بكيت انا وماعشت جو العيد ببس الحمد اللله القران والتفكير الايجابي

انتي يجي ويروح التفكير والوسواس عنك ولا دايم؟

انا واسوسه ايروح ويرجع مرة احس انى اوسوس مرة لا احس انه اللى يصير ابجد واحس كل شي غريب عليا 😔 وانا احس بصدرى شكله برداة حت ع افطر مااكلت بسيف خايفة انه فينى شي اوسواس 😢 وكنت اصلي حسيت بي شي كانه شي بقبض ع روح 😔 وكل شي اشوف فى غريب وتفكيرت غريبة وافكر ف ماضي مرات اذ فكرت بالماضي اخاف اقول انا احتضر 😔 اى احد حت انا يتصل بيا ويكون ليا فترة عليا اقول ليش يتصل بيوعدنى واركز ع كل كلمه اى احد قالهاا 😔😔

عندج منتدى استشارات "اسلام ويب" دشي اقري راح تشوفين مثل حالتج وفي دكاتره تقدرين تستشيرينهم ... انا تقريباً نفسج اصرت اركز على اي شي لي درجه احس الناس الي تشوفني تقول هذي بتموت بس استغفر ربي ..عشان ترتاحين اقري سوره البقره كامله ولا داومي على اذكار الصباح والمساء وان شاءالله الله يبعد عنه هالوسواس😭

تفكير بى اى شي قديم مرات 😔 انا اذا استغفرت وقريت قران ولهيت معاد اوسوس معاد افكر بس كان فاضي وماعندى شي تجينى افكر 😔 تفكرين هكى حت انتى طمنينى

السلام عليكم


والله بصراحة انا بداية الوسواس عندي كنت مثلج بالضبط اذا اروح اي مكان اطالع الناس اقول اشفيهم يضحكون وانا راح اموت واذا تجمعنا مثلا انا وربعي اقول هذيله اكيد جايين عشاني وطبعاً اسمتر المرض معااي فترة طوييييلة والحمد لله صرت اشغل نفسي باي شي عشان ما افكر بهالموضوع والحمد لله اقعد فترة طويلة مستمتع بحياتي بس بعض الاحيان اذا صار شي تردلي الحالة نفس قبل بس دايماً كنت اردد جملة انا قوي انا مافيني شي انا اقدر اتغلب على هالوسواس والحمد لله كل شي تمام لانه التفكير 24 ساعة بالموضوع والوسوسة وهالامور ما راح تفيدج بشي وبس راح تخليج منعزلة عن العالم كله و24 ساعة تفكرين بالموضوع وهذا جداً غلط المفروض تطلعين وتستانسين وتصرفين هالامور كلها من بالج ..


واسف عالاطالة وشكراً

والله انا مثلك
بس احاول انشغل بأي شي
مرات اطالع الناس واقول كيف مبسوطين ولا يفكرون بالموت
وصح اذا صارت جمعه او عزيمه افكر كذا
الله يعين الواحد لازم يفكر تفكير ايجابي
وشوف الاشياء الحلوه بالحياه

حت انا تغلبت ع واسوسه بس مرة مرة ترجعلى واسوسه وافكر ف شي قديم مرات اذ فكرت فى اقول انا احتضر 😔 واتخيل ف حاجة واحلام اخاف منهم حت حلم عادى 😢 واحس كل شي غريب عليا واذ احد ينظر الى اقوال ليش ينظر الى اذا احد اتصل بي اقوال ليش انت هكى تحس مثلى ياااخى

انا هذي حالتي والله ساعات احس انا الوحيده بالكويت الي جذي ساعات اقول شمعنه انا الوحيده الي جذي وان شاءالله يروح هالتفكير لاني تعبت والله وابي احد افضفض له الي فيني غير اهلي لانهم دايماً يقولون بس وخري عنج هالوسواس

يعطيك العافيه مشكور

والله الصراحة انا نفس تفكيرج كنت اقول انه ليش انا الوحيد اللي بالكويت جذي بس اشوه لقيت احد نفسي هههههههه والله يا امينه اول ما بدت المشكله كنت اقول حق اهلي هالشي بس كانو يردون علي انت كله توسوس وما فيك شي بس بصراحة محد راح يحس باللي نحسه الا لمن يجربه والله كريم عالعموم اذا تبين نتواصل مع بعض قولي الطريقة وانا حاضر عالاقل افضفضلج وتفضفضيلي ❤

والله حاولت اشيل هالافكار من راسي بس يا جماعة والله العظيم صعبة لدرجة انه صار هالشي متعايش ويانا بيومياتنا وتعودنا على هالشي بس الله كريم

الوسواس صعب انه الواحد يتغلب عليه بسهولة انا كنت نفسج احاول الهي نفسي باي شي وانجح بهالشي واقعد فترة طويلة مرتاح وعااادي بس طبعاً الاحساس بالموت ملازمني من 5 سنوات وما راح يوم عن بالي بس احيانا اطنش هالموضوع واقول خلاص تعودت على هالشي بس احيانا تجيني ايام يرجعلي هالوسواس بقوة لدرجة اني اقعد بالبيت ايام مالي خلق اطلع ولا لي خلق شي وحتى لمن اطلع ارد البيت بسرعة والنفسية صفر والله بس ما اقول غير الله كريم