كيف اعرف انه فيني اكتئاب !!!
 

وعليكم السلام ورحمة الله وبركاته
والله اخي اكتئاب يقربنا لله وللجنه اهلا به 😀
ما شاء الله انت باين انك رجل عندك علم وصبر وحبل وصل مع الله ، فسال الله ان لا ينقطع
ولا اتوقع ما اصابك هو اكتئاب ان شاء الله ،
بل ربما من زود حرصك صرت تكره اي شي مو مرتاح له فحبيت العزله ..

شاكر لك مرورك اخوي دجا القمر

هلا اخوي وحياك الله في المنتدى

والله أصور في صفتين رئيسيتين تحدد اذا كنت مصاب بأكتئاب نفسي اولا

الصفة الرئيسية ، مزاجك دائما متعكر وهبوط حاد في المزاج وهذا يكون لمدة طويلة يعني شهر شهرين

الصفة الثانية : ما عندك رغبة تعمل اي شي او ما تحس بالمتعة اذا عملت اي شي

بالتوفيق

والله يشافي الجميع يا رب أعضاء المنتدى وانا والكل

اولا دجا بنت

ثانيا شي مهم جدا انك تروح لي استشاري اسري يحل لك مشكلتك افضل

المزاج كل يوم متعكر اجبر نفسي على الضحكه لجل مايقولون اهلي نفس الولد ولا بداخلي شي مايعلم فيه غير ربي العالمين
كنت في الماضي اي شي شغل يجيني اخلصه تقريبا بسرعة لاحظت بعدين اني صرت ااجل شغلي كثيرررر علشان لااطلع

مرت فترة علي اكره النور او الصبح بشكل ماتتصوره واحب الظلام احس براحه واتمنى الوقت يطول بالظلام

وشاكر لك مرورك

المعذره ماكنت داري بخصوص دجا تقبلو اعتذاري

انسانه فله متابع سابق لك قبل التسجيل بالمنتدى

انا مو متزوج ولا افهم شنو معنى استشاري اسري؟؟؟

حياك الله اخوي .. ومبارك عليك الشهر


طبعا كأنك تتكلم عن بداياتي .. والكلام هذا قبل أكثر من 13 سنة

نصيحتي لك .. لا تطاوع نفسك في الانطواء .. دلل نفسك بلحظات بسيطة من الخلوة والهدوء .. بس انتبه تنسى نفسك وتنطوي ... لأن الأيام تمر بسرعة دون ما تحس فيها وتزيد حالتك تعقيد


إن شاء الله يا اخوي إنك ما تحتاج طبيب نفسي .. وأنصحك إنك ما تقرب له ... أنا شخصيا ما جابني للمنتدى هنا إلا نوبات الهلع والوسواس


الإكتئاب لابد تقاوم الأفكار السلبية اللي تمر في بالك وتخليك تتجنب الناس ... لأنك إذا في بالك الناس متغيرة ويغلطون كثير ولا يساعدون على الخير والمجالس مافيها إلا حش ونميمة وذنوب .. هذا من الشيطان يبي يستفرد فيك


اسمع كلام اخوك ... أنا ما استوعبت هالشيء إلا بعد سنوات ... الشيطان يبي يستفرد فيك .. في البداية راح تكون قوي دينيا وكل شيء نبرره لأنفسنا بإسم الدين ... ولكن مو صحيح .. لابد نتعايش مع الناس والمجالس اللي فيها ذنوب ننصح الناس فيها وننهاهم بكل أدب وأريحية وهدوء .. والدنيا يا عزيزي لسى بخير .. والأفكار اللي تمر في بالك الآن الشيطان يصورها لك إنها إيجابية ... وهو ناوي يمسك فيك خط


لا تقطع حبل الوصل مع العالم الخارجي أكررها لك مليون مره ... ولا تظن إن الدنيا فيها الناس أخطائهم كبيرة وخربت .. الدنيا هذي هي من يومها والناس تخطيء وتستغفر وتتوب وعايشة ويطمحون للمغفرة برحمة الله


دلل نفسك ولا تحملها فوق طاقتها ... سافر .. لا تجلس .. لا تقطع الأصدقاء ولا القرابة ... أشغل نفسك خارج البيت بعمل بدني .. ولا تنسى تمارس الرياضة ... من الأشياء المهمه اللي ساعدتني بعد الله في السابق هي الرياضة


المسألة حرب أفكار على المدى الطويل بينك وبين الشيطان ... يمكن ما نستوعبها إلا بعد سنوات


الله يشغلك في طاعته وعمل الخير لأهلك وللناس ... ويسعدك ويزوجك ... أعرس يا شيخ

جزاك الله خير اخوي بوسلمان كلامك درر وذهب وعسل بس ياليتني اقدراسوي ربع اللي تقوله...شو سهل الكلام يابن عمي


الله يشغلنا في طاعته

اللهم آمين


الله يرضى عليك يالغالي ... أبدا أبدا اللي قلته لك مو سهل .. وحاس في وضعك .. أنا مو مثل واحد يجيك بالواقع ويتفلسف يقول انت وش بلاك ؟ ورى ما تطلع ورى ما نشوفك وش فيك صاير نفسية و و و الخ


أغلب العالم من حولك اذا مو كلهم ما راح يتفهمون وضعك .. الناس مشغولة بأنفسها وعايشة حياتها .. وإذا دخلت بالعميق راح تمر سنين زي الهواء ولا تحس فيها .. ولا تدري هل إنت تستطيع تعدّل من الوضع أو لأ .. ولا تدري هل تدخل في دوامة الأدوية أو لأ .. لذلك أنا أقول لك وضعك مو سهل ولكنه أسهل من بعد شهر وأسهل من بعد سنة سنتين بدون كفاح ومحاولة جادة منك بالتغيير


في البداية لا تسوي شيء .. بس لازم تقتنع بالفكرة الآن وتستفيد من تجارب اللي لهم سنين مع هالبلوى


هل انت موظف ؟ وكم هو عمرك ؟ وهل لديك ظروف تؤثر عليك ؟ ووو الخ


المشاكل والظروف إذا كانت موجودة لابد تمسكها وحده وحده واللي تقدر تحله كان بها .. واللي مو بيدك تحلها تحاول تحيدها قدر الإمكان من شان ما تؤثر عليك بشكل يومي


المسألة حاليا هي حرب أفكار ... خلك متفائل وثق في نفسك إنك قادر بحول الله على المحافظة على توازنك الفكري وإقبالك على الحياة .. التشاؤم لا يكون له مكان في تفكيرك أبدا أبدا ... لا تقول الكلام سهل فالأفكار مو صعبة جدا على رجل مثلك ... لا تستسلم أبدا يا عزيزي فالدعوة مثل ما قلت لك حرب أفكار بينك وبين الشيطان


خلك متفائل واهرب من الحزن وكل مسبباته فرارك من الأسد ... الحزن ياكل البني آدم و يضعفه

خليك متفائل صلب

الدنيا دار ابتلاء و اختبار و مع ذلك ربي يقول ( و لا تنس نصيبك من الدنيا )

و الي يخالط الناس و يصبر على اذاهم اجرة اكبر

صحيح لكل انسان طاقة

بس و لو

احنا بشر اجتماعيين

يعني لابد نشتاق نكلم احد نشارك احد

لا تنظر للناس بمثاليه هما بشر مو ملائكه و مع ذلك اكيد بتلاقي الخير في الناس ما اندثر

ربي يوفقك و يكتبلك السعادة

اكتبلنا ايش ممكن يسعدك و تتمنى تحققه يارب ان شاء الله

كلامك عين العقل ولا اقدر اضيف عليه غير الشي البسيط

انا مثل البلونه نفخووووو فيها لحد مانفجرت شخصيتي في البيت (المدفع) ولا انسى كلام اخوي بوسلمان يعور القلب

(((إعتادوا أنك خط الدفاع الأول في حياتهم)))

(((حينها تبين أنّهم إنما كانوا كفَراش ٍ حول سراج .... ما إن إنطفى حتى طاروا لغيره)))

اي و الله و لا ينلاموا

لا تفكر في غيرك قد ما تفكر في نفسك

و هذي مو انانية

بس فكر في نفسك كيف تطورها ؟

و يصير عطائك يعود لنفسك بالخير