نفساني - هل دواء ترازودون "trazodone" موجود في مستشفى الأمل؟

يا جماعة هل هذا العلاج موجود في مستشفى الامل او مستشفيات الصحة النفسية الحكومية او المستشفيات الكبيرة مثل السعودي الألماني؟
الاكتئاب والقلق والارق زايدة علي الايام هذي ولي فترة تارك علاج وعندي اكتئاب وضيقة وقلق شديد لدرجة اني ما غير جالس افحط في البيت ولا اقدر اجلس في مكان واحد اكثر من خمس دقايق!!
وحتى عندي كذا احساس غريب احس ان قلبي فيه مثل الحرارة او كأن فوقه صاج تيفال حامي لو تجي امي تحط الصاج وتسوي بيض مقلي يمكن يستوي من حرارة قلبي😣

والتربتيزول ما ابي ارجعله مع انه كان محسن مزاجي بس المشكلة ذبحني بالجفاف ريقي طول الوقت ناشف وشهيتي مفتوحة زيادة عن اللزوم
وترازودون قريت عنه في بعض المواقع الاجنبية ويقولون ان مفعوله قريب من مفعول الفاليوم ويحسن النوم ويشتغل على القلق ولا يسبب زيادة في الوزن مثل التربتيزول ولا يسبب جفاف..
فهل من احد قد جرب هذا العلاج او يعرف وين القاه؟؟

تكفون يا جماعة الوضع مرة مزري لا يغركم اني امزح واستهبل عليكم ولكن الحقيقة اني محترق من داخلي وخاصة هذي الايام احس الاكتئاب والقلق والارق زايد عن حده مدري وش السالفة هل هو بسبب رمضان والصوم والا شي ثاني الله اعلم