ممكن الافاده يا غاليين
 

السلام عليكم ورحمه الله وبركاته
اسعد الله صباحكم / مسائكم بكل خير
يا جماعه حاب استفسر من شي
انا ولله الحمد قطعت شوط كبير من الخوف والقلق
مرحله السياره انتهت وسافرت عليها لي الرياض
الدوام ورديت له
الطلعه تجاوزتها
امور كثيره قطعت فيها شوط من غير ولا حبه دواء
بس معاي قلق وتوتر واكثر شي يتعبني الدوخه والمعده وتجمع الغازات وشبه امساك
اتعبني التوتر والقلق مع العلم اخر نوبه هلع كنوبه حاتي في عيد الاضحى الي فات
شنو رايكم شنو تشوفون او تقدمون لي من مشاوراتكم
الي يتعبني حاليا الدوخه ومعدتتي اكثر شي
وتوتر لا دخلت علي مكان جديد او مجمع او اي مكان عام احس بتشتت وسواس امراض
ولكم الراي

معقوله 30 مشاهده ولا حتي رد واحد 🤗🤗🤗

كيف تعالجيت اولا اخي ؟
الجميل انك تجاوزت الامراض الصعبه وبقيت امامك السهله !!
لكن كيف تجاوزتها بدون ادوية ؟
وكيف كانت الوبات التي تاتيك

اخوي طيف الليل جاتني النوبات في شهر 11/2014 اول نوبه هلع وانا اسوق السياره دقات قلب سريعه دوخه ما اقدر ابلع ريقي والله قلت الموت جاني ورحت لقرب طبيب شلون وصلت له ما ادري وانزل له وانا مرعوب وقالي مافيك شي اجهاد. قلت يمكن
وتكررت علي وانا في مطعم بعد سمع خبر وفاه احد ابناء الجيران وتكررت علي ثاني يوم بالمقبره واكثر مكان تكررت علي فيه هو المسجد
طبعا مافي طبيب ما رحت له مافي فحص ما سويته قطيت مبالغ علي مستشفيات من تحاليل مناظير للمعده وللقالون وسونار للقلب وفحص شامل له وكل شي سليم ورحت لدكتور باطنيه وقلت له عيد لي المنظار قالي فلوسك زايده انت انت معاك نوبات هلع تخيل عرفت ان معاي نوبات هلع بعد 6 شهور
طبعا 6 شهور هذي الله لا يرويك حاله يرثى لها من اكتئاب وخوف وسواس السياره ما كنت اسوق الدوام ما اداوم لين خذيت اجازه من غير راتب اخوياي ما اجيهم بس قاعد بالبيت وابحث عن الي فيني المهم عرفت بلي فيني بعد ست شهور ورحت لدكتور علاج سلوكي اكلينيكي وبصراحه ما طولت معه اربع جلسات بس تفهمت الي فيني وتركته مع العلم ما استخدمت حبه دواء وقمت ارد شوي شوي لين وصلت الي انا فيه حاليا الدوام ولله الحمد رديت له السفر السياره ماعندي اي مشكله اروح واجي عليها وسافرت اربع مرات لسعوديه واخر سفره لي قبل شهر لرياض
لكن بقيا معاي شوي عقبات اخر نوبه هلع كنوبه جاتني في عيد الاضحى الي فات
الي يجيني انا حاليا توتر ودوخه وقلق وسواس امراض واكثر الامراض الي اوسوس فيها السرطان الله يكفينا وياكم الشر
ومعدتي يضرب معي القالون لا توترت ودخت واكثر الاماكن الي يحصل بي فيها الشعور هذا في الاماكن العامه اي مكان عام او مناسبات او اذا كنت اتمشى بالممشى اترقب متي طيحتي 😂😂 ومع العلم سنه ونص ولا قد اغمى علي بس الحمد الله اني تجاوزت اشياء كثير وما بقى الا القليل لكن حاس ان وصلت لمرحله صعبه احس مافي الطاقه الي تخليني اكمل التفكير بشياء سلبيه اتعبني وهو الي ماخرني لان اساس المشاعر والاحساس هي الافكار لو عدلنا الافكار بدلناها بشي ايجابي تعدلت المشاعر والاحساسيس

انا يوميا نغزات بالصدر والقلب والمعده ونبضات مادري شلون اوصفها مرات بالصدر ومرات بالقلب ومرات بالبطن غير ضيق النفس والدوحه وكتمه الصدر

وين التفاعل

مشكلتك في المعدة والقولون العصبي والله اعلم
روح على دكتور باطنية
تحتاج ملينات وادوية مناسبة
ان شاءالله مافي شي يخوف اخي
الف سلامة عليك :)

رحت بدال الدكتور اربعه وسويت مناظير
وكلهم قالو مافيك شي 😂

وين العالم

👀👀

ما شاء الله اخي فرحانه عشانك اسال الله كما شفاك في الصعب يشفيك كمان من كل شي شفاء تام آمين ..
جرب اشرب كثير وكنت بقولك المشي لكن الدوخه ايش سببها معاك ..هل عندك يمكن فقر دم مع الصوم ام قديمه ؟

الدوخه من زمان من سنه الدوخه
ما احس فيها الا عند التوتر
اشرحها لك اكثر وافصلها لك تفصيل
بعطيك امثله
مثلا رحت للمشى امشي اجيني فكره ان بيغمى علي احسً بدوخه
وتوتر وقلق ويبدي القالون ينتفخ
دشيت المسجد وكربت وصليت نفس الشعور
دشيت مجمع او مناسبه نفس الشعور
او اي مكان عام او مزدحم
انا الحمد الله اخر نوبه هلع كنوبه قويه في عيد الاضحى الي فات
والحمد الله مافي فقر دم ولا اي شي
والفحوصات سليمه
انا اكثر شي تاعبني الاهو التفكير وكثرت والوسواس
والغازات بالمعده وشبه امساك

ناطر تفاعلكم وابي رايكم جد وابي مشورتكم في موضوعي
والحمد الله انا ملاحظ التحسن بكثر من قبل
من غير حبه دواء بالمواجهه وتحدي النفس
صحيح في تخبطات لكن الحمد الله ما ردتنا ورا
ودايما اردد ان مع العسر يسرا ان مع العسر يسرا

انت تجاوزت المرض بشجاعة وصبر والي خلاك تتجاوز المرض انك تداركت نفسك ورحت لطبيب بالوقت المناسب
وياليتني عملت زيك ورحت للدكتور ببداية مرضي
انا حالتي مثل حالتك وبالذات بالمشي او المسجد تماما
لكني اشغلها بنفسي وابعد التفكير عن قصة الدوخة واتكلم مع الي معاي عشان اخرج فكرة الدوخة من عقلي اللاواعي ومن داخلي وابدلها بفكرة اخرى
التجاهل والتحقير هي علاج لهذه الاوهام
بالفعل انت مثال يحتذى به وتشافيت بنسبة كبيرة جدا سلوكيا ولكن بقي اليسير فقط
ضناني الشوق هل الفيتامينات عندك فيها نقص ؟
هل فحصت الغدة الدرقية
كيفك مع الاكل والنوم ؟
فحصت الاذن والانف !
اذا هذا كله سليم فأنت لديك بواقي خوف وتوتر ومازالت الدوخة المعضلة الصغيرة ويجب ان تتجاوزها
اذكر زميل لنا هنا نسيت موضوعة مثلك تماما واتوهم بامراض كثيرة واستقال من عمله
وخاف من السفر والزحمة واشياء كثيرة
والان تجاوز اغلبها
بقي انت تفكر مع نفسك مليا عن مشكلة الدوخة وهي كما هو واضحة دوخة نفسية ليس اكثر
ارجع للدكتور وكلمة بهذا الامر فقط

ملاحظة لم انتبه لكلامك بانك مصاب بالوسواس بخصوص السرطان !!
لازم ترجع للدكتور اخي وتشرح له الموضوع
علاجك سلوكي ومعرفي بحت
غيرك يقول انا مريض قلب او عندي انقطاع نفس او او او الخ يتخيل اشياء كثيرة
اخي الغالي كلنا زي بعض نتوهم الامراض
لازم ترجع للدكتور وتشرح له حالتك مع وسواس الامراض

طيف الليل
الحمد الله كل الفيتامينات اوكي
وبنسبه لنوم نومي طبيعي
وبنسبه للاكل هم طبيعي
وكل التحاليل طبيعيه ولله الحمد
مشكلتي كلها مثل ما قلت لك بالفكره والفكره لما تجي تغير المشاعر والمشاعر تتحول الي احساس جسدي وهمي فقط لا غير
والله يا اخي اني كل يوم وانا في حرب والحمد الله اطلع واروح واجي يعني مافي اي عائق الا بالاماكن الي قلت لك عنها يحصل فيها توتر وقلق
كثير من الافكار اجيني اخذ ادويه وارتاح لكن انا بوجهت نظري الدواء مو كلً شي لان بحثت وقراءت وتعمقت وتعرف علي اشخاص بهم نوبات هلع ويستخدون ادويه وحالتي احسن من حالتهم
ودواء ما راح يغير تفكيرك
انا الحمد الله تعديت مراحل كثيره والمرحله القادمه باذن الله راح تكون الطياره والي اوروبا باذن الله وعن قريب
وشايل همها 😂😂