ورشة رمضانية : الأدوية النفسية ومدى فاعليتها لكل عضو
 

السلام عليكم ورحمة الله وبركاتة


أولاً نبارك لكم بالشهر الفضيل (صحيح متأخرة بس مشوها لي ) ههههه
وثانياً نسمع كثير من المصابين بالهلع وغيرها انهم متخوفون من استخدام الادوية
ويفضلون البقاء في معاناتهم وان لا يستخدمون الادوية رغم ان الادوية هي نعمه
من نعم الله

نبي من كل عضو أستخدم الأدوية ان يشرح لنا حالته والدواء الي أستخدمة ويتكلم هل أستفاد منه ونسبة شفاءة أو لا نبغي إيجابات صادقة من الأعضاء الكرام
ونبي نصائح من الأعضاء حول هذي الأدوية
وشكراً جزيلاً ??

وعليكم السلام والرحمه والاكرام
يبارك لنا ولك ماتبقى منه يارب
ياليت اللي جربوا الادويه يفيدونا خاصة اللي جربوا اكثر من دوا لنفس المرض عشان نعرف الفرق والافضليه بينهم
الله يشفي الجميع يارب

انا اصبت بالاكتئاب مع وسواس
اول دوا اخذته كان سابريلكس استفدت منه 100٪‏ بس زاد لي وزني فغيرته الى بروزاك وحمدلله نفعي 100٪‏
لكن لما تركت الادويه ورجعت لها ثاني مافادني البروزاك فاخذت لسترال ممتاز جدا
استمريت عليه سنه وتركته خمس اشهر
الان استخدم افيكسر وحمدلله ممتاز
لكن الى الان ماطلع مفعوله 100٪‏
اقدر اقول 70٪‏ الحمدلله
طبعا نفعني في الاكتئاب لكن الوسواس لسى موجود
لكني احاول اتجاهله
حبيت افيدكم باللي جربته
طبعا قبل استخدم الادويه كنت تعبانه 7 سنوات ورافضه الادويه
الان لي ست سنوات على الادويه مرات ومرات اتركها
اشوف حياتي بالادويه افضل
صحيح لها اعراض لكن المهم الواحد يحس بالراحة
افضل من القلق والخوف اللي طول الوقت عايش فيه

اختي متفائلة بخصوص السبرالكس ..هل ممكن تفيديني كم كنتي تاخذين جرعة وكم كانت مده استخدامك له؟
وزيادة الوزن هل انتي كنتي تمارسين الرياضه او تتبعين حمية معينه؟
لاني انا استخدم العلاج حاليا ولا ودي يتسبب بزيادة وزن
تحياتي لك

مشاركة مكررة

الاعراض الجسدية احس مافي شي يعالجها مجرد احساس والله مو معقول الحبوب النفسيه تعالج

متفائلة دائما

زمالك ياحبي

تجاربكم جميلة جدا ومحفزه للاخرين
واتمنى البقية يسردون تجاربهم هنا للنفع والفائدة

ماشاءالله مشاركات فعاله وكل الردود حتى الحين تؤكد فاعلية الأدوية وإذاً لما الخوف الغير مبرر !!

ننتظر البقية