اريد مساعدة من فضلكم
 

السلام و عليكم و رحمة الله و بركاته
عندي مشكل منغص علي حياتي
انا اعيش في فرنسا لوحدي و اللان عندي اجازة و مقبل على الذهاب للمغرب الاسبوع القادم و الوسواس عندي في قمته
تجيني افكار اني ساموت في المغرب و ربما بعد الوصول سارى اهلي و بعدها اموت فجآة و سيدفونني في نفس اليوم او ربما لن استيقظ من نومي .. و الله هلكني موت الفجاة او توقر القلب ... ما تخيفني الحوادث او غيرها لكن موت الفجاة منغص علي حياتي ... افكر يوميا فيه و كاني ساموت به حقيقة ما اقدر ازيله من عقلي
كلما خرجت مع الاصدقاء في نزهة كلهم فريحين يتمتعون الا انا اظهر الفرحة لكن بداخلي شعور آخر افكر فقط في موت الفجاة و ان هذه الحياة لم تخلق للسعادة ...
كذلك اصبحت اكره الاجازة لاني يحيل لي اني ساموت ... و الله تعبت
من فضلكم هل عندكم من حلول للتخلص من هذا الهاجس الدي احيانا اصبحت اتمنى ان اموت فعلا كي لا اعيش هذا الهوس

كنت تاخذ مضادات قلق صحيح ؟؟ اظن انك لم تعطيها وقتا كافيا ولا جرعة كافية لان الادوية تساعد ايضا في تحقير هذه الافكار التافهة

و الله مهما فعلت لا انجح احاول ان اطنش لكن لا انجح بتاتا و كل مرة اقول خلاص هاLهين هاموت .... هذا يجعلني كميت في صفة حي و اضيع في حياتي الاتي لن تعوض

نعم تناولت مضادات قلق لمدة سنة اوقفتها بمساعدة الطبيب و بعدها انتكست من جديد ثم وصافلي الطبيب مضاد آخر لمدة 4 اشهر اظن بعدها امرني بوقفها ... هنا في فرنسا لا يشجعون على المضادات بالنسبة للشباب

غريب ايوا نتا دابا جاي للمغرب شوف على الله شي طبيب نفسي فالعاصمة الرباط يقدر يكون حسن من ديال فرنسا حيت كنشوف شي ناس كياخدو دوايات وكيتشافاو باذن الله , واش كتدخل لصفحة نفساني في فيسبوك مشارك معاهم تما ؟؟

وا راه هادشي فيا من 2012 و تبعت مع طبيب في المغرب تا هو كان ضد الدوا حيت قالي ي انت مازال صغيرعلى الدوا ماخاسكش تولفو هادا كان طبيب ديال الدوولة و هو نفس راي ديال الاطباء ديال فرنسا
و قبل من هادشي كنت مشيت عند واحد پريڤي في مكناس ما سمعليش ڭاع ديريكت خرجلي الدوا .. هادوك كايبغيو بنادم يبقى يرجع عندهوم .. اما الاطباء لوخرين كايقولولي داكسي ي فيك غير تخربيق انت لي خاسك تحيدو من عقلك الدوا ماعندو مايديرليك ماكايدخلش للدماغ و يتحكم ليك في الافكار
كنت مشارك واسيلا مازال مشارك معاهم في الڭروب ماشي في الصفحة

الله يشفيك اخي ويخلصك من هالوساوس الشيطانية
الى ان تجد حل ودواء يخفف من وطأة الوسواس
استغفر ربك ما استطعت كل ما راودتك الفكرة
رح تشعر بالراحة اخي..الإنشغال بذكر الله والإستغفار يساعد ويفيد جدا

ان شاءالله نتطمن عليك
وسفر موفق أخي :)

واش جربت سيبرالكس حيت هو رقم واحد فهاد الاعراض بالضبط ,, وخاصك تاخدو مدة طويلة وبجرعة علاجية ماشي جرعة تمهيدية , اشمن اسم داخل بيه بكروب ديالهم

امين يا رب بارك الله فيك يا اختي

لا ما جربتوش رتارحتو على الطبيب قال لي نعطيك واحد فحالو و صافي بجرعة قليلة حيت هنا ماكايبغيوش يوصفو الادوية النفسية ويلا وصفوها تايعطيوها بجرعة قليلة خصوصا فاش كاتكون الافكار تافهة .. حالة وحدة يقدرو يوصفو فيها الدوا و تكون مراقبة هي فاش كاتكون افكار انتحارية
هنا ماتايخليوش نعطيو سكايب ولا فايس ولا التلفون داكشي خاسي يكون في ميساج و لكن بموافقة الادمين حاولت نسيفطوليك ف ميساج مابغاش يدوزلي

ايوا راه داك لي بحالو كيكون ناقص في المفعول ويجب ان تاخذ جرعة علاجية , ايه عرفت كيمنعوه ولكن غير كتب سميتك بلا فرشة وغادي نقلب عليك تما ههه ,, وخاصك تصبر شويا راه هاد وسواس الموت كون متاكد غادي يجي نهار وترتاح منه هادشي عن تجربة انا عانيت منه منذ طفولتي

هههه مومو أشال كتبيها بالفرنسية و غاتلقايني
فاش تشوفي هاد الكومونتير قولي اوكي باش نموديفييه

وعليكم السلام و رحمة الله و بركاته

أهلاً اخي محمد كيف حالك و شو صحتك ؟

هو دايماً الوسواس ينتظر شي جديد بيحصل ، يرد لنا بأفكار غريبه و عجيبه
تذكر مواضيعي القديمه خوفي من السفر و اني بموت و انا مسافره ؟

توكل على الله و توصل بالسلامه إن شاء الله ..

واخا صافي مودفييه