مخي تعب من الوسواس
 

السلام عليكم..

انا اعاني من وسواس الموت من شهر 5 والحمدالله تغلبت عليه وماصرت اوسوس
ولكن صرت اتحسس من بعض الاشياء اذا احد عزمني و التاريخ بعيد احس ماراح احضر معاهم
والحين صرت اخاف افقد احد من اهلي صرت اشوف شنو يقولون واقول ليش قالت جذي اكيد راح يصير لي او يصير لها شي
ويوم الخميس عندي منظار للمعده ومن قالي الدكتور انه بنج موضعي وانا خايفه مادري ليش والله ماعندي احد اشكيله غيركم لانكم مثل حالتي
في احد صار يوسوس يفقد احد من اهله او يتحسس من اي شي؟

اخ وش نقول ونتكلم وسواس الموت ذبحنا نصحا من نومنا نفكر فيه ناكل نفكر فيه اذا ابتسمنا قلنا بصير شي والله حالة مخي بنفجر

نفس حالتي بالضبط ، وصلت معاي اني اصحيهم من النوم
و ادق اتطمن اذا هما برا و لو سافرو حالتي تسوووء اكثر
هوا كذا ينتقل من شي لشي
بس هذا كمان اكبر دليل على انه وسواس
لانك اول كنت توسوسين بنفسك و انه بتموتين
و الحين على اهلك بعد .. يعني الشيطان جالس يشتغل علينا

والله انا مثلكم
اخاف واتوتر من اخبار الموت
واجلس اتنافض وابكي مرات
وكل شوي ينتقل لشي اخر
ماعرف هل هو اقوى منا او احنا نخضع له بزياده 😪

انا عملت المنظار والحمدلله ماحسيتش به جملة مع أنه خدرني بالكامل ان شالله يكون خفيف عليك وماتحسي به
ووسواس الموت عاد كل يوم بشي جديد واحساس جديد

وعليكم السلام و رحمة الله و بركاته

شوفي حبيبتي اي انسان يمر بوسواس الخوف من الموت
صدقيني يمر بأنواع من الوسواس اللي تخوف
انا مثلج ساعات اخاف افقد حد من اهلي
و ساعات مثلاً هم يحلمون و اروح افسر و اذا طلع التفسير شين اقول خلاص في حد بيموت
و اذا انا حلمت و التفسير شين اقول منو بيموت فيهم؟
و اقعد اخاف و اراقب تصرفاتهم متخيله انتي ؟ شايله همي و همهم كلهم و كأني ناسيه ان الله هو اللي يحفظنا كلنا
لا تفكرين و قولي بصوت عالي لما بتي هالافكار في عقلج
الله هو الحافظ و هو ارحم من كل حد .. ليش الخوف ؟

و بخصوص المنظار اذكر ان كان عندي موعد و كنت خايفه مثلج بعد و قلت ما بسوي حتى ما سويت
لكن اخوي قالي ما يخوف ابد .. توكلي على الله