مش معقول الي قاعد يصير معقوله مافي علاج
 

ياجماعه بموت زهقتتت مش معقول الي قاعد يصير
مالي خلق اطلع والجسم كسلان وخامل ولافي طاقه ولالي خلق شي
كاني مجنون بس عقل موجود
لما لشوف الي بسناب شات وهالبرامج ناس حيه مبسوطه فلاويه تحس فيها حب الحياه

انا اقسم بلله ميت مالي اي وجود فالحياه
تركت الادويه العينه شهر لاكن اشوف الحزن والالم زاد والتفكير السلبي وكل شي موزين زاد
مومعناه مع الادويه احسن بس

بالعقل شخص ماياخذ حبوب ومزاجه من احسن مايكون
وشخص ياخذ حبوب ومواجه زي الزفت

مالي خلللق اسوي اي شي ولا اطلع ولا انبسط مع اني ابي لاكن المزاج والكابه مخربه كل شي

معقوووله هالادويه فشلت. ااااااخ بس والادويهاسعارها غاليه والفايده صفر

ولله ياجماعه افضل الموت انا محتار شسوي انا مارضى اكون شخص فاشل لاكن الاكتىاب دمرني وخلاني ولاشي

يا عزيزي منتظر الفرحة ..
السلام عليكم و رحمة الله و بركاته ..
يا عزيزي أرجوك راجع مرة الطبيب و اشرح له حالتك
انت ضروري تحتاج مثبت مزاج بجرعة بسيطة و تبقى تمام
مثلا دواء ريسبردال 2mg أو زيبركسا 5mg حبه واحده قبل النوم
و لابد أولا من استشارة الطبيب و أن يقوم بتخفيض أو إيقاف
ادوية مضادات الاكتئاب لديك على ما أظن ثنائي القطب
رعاك الله و وفقك و يسر امورك

أخوي وليد ياليت تكتب تجربتك بموضوع منفصل ...
أعتذر أخي منتظر على التطفل في موضوعك ...

طيب قل لا إلـه الله الا الله وهدي شوي وركز شوي...

انت تقول جربت كل الأدوية والعلاجات الكيميائية ومانفع شيء، حلو .. جربت علاج سلوكي؟ جربت تقوم بعمل ما غصبنا عن اللي جاب مخّك وأفكارك غصب لفترات طويلة؟ أتوقع الإجابة لا.

إذا خذ عهدة على نفسك وجرّب العلاج السلوكي.. انت عطيت نفسك فرصة طويلة جدا مع العلاجات الكيميائية، عط نفسك فرصة أقل منها بكثير ببرنامج تغيير سلوكي صارم على فترات طويلة وشف وش يطلع معك.. منت خسران شيء جربه.

انا مانيب اقولك العلاج السلوكي خربوطيات المعالجين اللي عندنا (تنفس عميق ، وحرية نفسية).. لا لا.. الأمر أصعب بكثير من كذا لكنه أفود

أنا ما أقدر أعطيك برنامج يخصّك انت لأن انت أدرى بصفاتك السلبية وقصّتك وظروفك وظروف عائلتك وبيئتك.. لكن كعوانين عامة:
1_ كثّر من علاقاتك الإجتماعية. (لا تقول مالي نفس.. ادري انك مالك نفس لكن اغصب نفسك عليه.. ماعليه تحمل.. حتى لو عانيت من التنمّر والإستهزاء بالبداية)
2_ ثقة ثقة تامة أنّ الثقة بالنفس صفة مكتسبة وليست تُولد معاك.. بمعنى ان كل ما زادت تجاربك الناجحة كل ما زادت ثقتك.. وكل مازادت ثقتك بنفسك يبدأ بالتلاشي الإضطراب النفسي.
3_مارس الرياضة.. تحرك لاتجلس بالبيت حاول قدر ما تقدر انه ما تجلس لحالك.. خذها قاعدة: اي واحد يجلس لحاله لفترات طويلة يفلسع حتى لو ما كان فيه شيء.. فمالك بالمضطرب اصلا!
4_شيل من مخك سالفة هرمونات مخي ضاربة والسيروتونين عندي قليل.. شيل من مخك سالفة إني اعاني من إكتئاب مزمن مقاوم للعلاج.. لان كل هالسوالف كذبة بروبغاندية لزيادة سيولة شركات الأدوية.. اقسم بالله انه كلها كذب لا أساس لها من الصحة ولا تقوم على أي دليل علمي.
5_ اتبع نظام صحي ونظم جدولك.. وحاول تلقالك وظيفة
6_حاول تغير أفكارك.. أي فكرة حقيرة تراودك وتأمرك سو عكسها تماما مثلا: يا رجال اجلس بالبيت وخلك لا تروح تركض بالكورنيش الحين تشوف شلة يضحكون ومستانسين وينبعص جوي ..اطلع غصصصصب عن نفسك حتى بو ما انبسطت.. اضحك على نفسك..
7_ تدرب على التطنيش.. طنننش كل شي .. ردد دائما وابدا في نفسي.. اهم شي مزاجي وجوي طز بالعالم يحترق
8_ اخيرا والأهم.. تأكد انه السالفة راح تطول يعني مو يوم ولا يومين ولا شهر حتى .. عط نفسك سنة وأكثر .. اتبع هالبرنامج وبصرامة ولا تلتفت للخلف ابدا مهما تعرضت لخيبات..
التوازن النفسي ما يجي بيوم وليلة

أنا احس ان لساني طلعبه شعر من كثر ما أكرر هالسالفة.. الله يلعن شركات الأدوية والأطباء النفسيين اللي يتعمدون يعذبون الناس

لا تقول مالي خلق.. انا ما اقدر.. مالي نفس.. الناس راح تضحك علي.. راح اشوف ناس تضحك واطق ريوس وارجع لاني مو زيهم.. الحياة مو لي.. اصلا جسمي مافيه طاقة.. اصلا أي ظرف سيء راح يواجهني راح انهار وانتكس..
انا عارف إنك كذا لكن الدعوة وانا اخوك مجاهدة.. مجااااهدة يعني تسوي شيء غصبن عنك

جرب منت خسران شي..

الله يشفي الجميع

هل جربت ساليباكس +زيبركسا +سيركويل +ليريكا +كونسيرتا أنتظر الإجابة ؟

انت ماخليت احد الا معاه ثنائي القطب وقاعد توصف وتقول مثبت مزاج....مثبت مزاج على ايش وهوا مزاجه خايس ويبغى يعدله؟حتى الفدعوسي ماسلم منك....اتمنى ماتشخص على كيفك وانت ماعندك ادنى معلومه وثاني شي زيبركسا ورسيبريدال مضادات ذهان مو مثبتات مزاج

يخي والله اغلبنا كذا
بس لازم نضغط على انفسنا شوي
واذا طلعنا نصبر منفسين ومالنا خلق
لازم لازم تضغط على نفسك
حتى لو كذب
شفت الناس اللي طالعين ويصورون سناب وانت جالس بالبيت
قول ليه ما اصير مثلهم ! اطلع وانبسط واضحك
ولو ان المقارنه شي مو كويس بس احيانا تستخدك كـ حيله على العقل
اطلع وانبسط و فرفر بالشوارع و دلع نفسك > حتى لو بالكذب ومشاعرك نفس ماهي
بس حاول تغير مودك شوي

و عليكم السلام أخي متحري خاص دواء ريسبردال ليس مثبت مزاج عفوا و إنما يساعد في تثبيت المزاج .. يقول الدكتور محمد عبد العليم .. "
عقار (رزبريادون) بجرعة واحد مليجراما ليلاً، لأنه قطعًا يُساعد في تثبيت المزاج، ويُساعد في علاج الجانب الوسواسي دون الحاجة لمضادات الاكتئاب، والتي هي في نفس الوقت مضادات للوساوس، وإن شاء الله تعالى الرزبريادون يساعدك أيضًا في موضوع سرعة القذف، حتى وإن كان ذلك بنسبة قليلة. ..

راجع نص العبارة على موقع استشارات اسلام ويب
http://consult.islamweb.net/consult/...ils&id=2311475

الآن تُوجد دراسات كثيرة جدًّا تُوضِّح أن عقار (لامكتال) ربما يكون هو الأفضل لعلاج الاضطراب الوجداني ثنائي القطبية؛ بالنسبة للأشخاص الذين يكون لديهم القطب الاكتئابي هو المُهيمن وليس القطب الهوسي.

الدكتور محمد عبدالعليم

رابط الاستشارة

http://consult.islamweb.net/consult/...ils&id=2281295

‏بالنسبة لمضادات الاكتئاب: هناك محاذير قوية جدًّا تمنع تناولها في حالة الاضطراب الوجداني ثنائي القطبية،

د. محمد عبدالعليم
#ثنائي_القطب

و هنا كافة استشارات اسلام ويب المتعلقة باضطراب ثنائي القطب
http://consult.islamweb.net/consult/...sting&pid=3064

و هنا كلام جميل أحببت نقله كي نستفيد ..


المهم - أخِي - في هذه الحالات - وهي حالات بسيطة - يمكن علاجها، يمكن احتوائها، ومثبتات المزاج هي الأفضل دائمًا في مثل هذه الحالات وليست مضادات الاكتئاب، لكن الإنسان قد يضطَّر لتناول مضادات الاكتئاب، وفي مثل هذه الحالة يجب أن يكون ذلك تحت الإشراف المباشر من قِبل الطبيب، والتجارب العملية والدراسات العلمية تُشير إلى أن عقار (زيروكسات Seroxat)، والذي يسمى علميًا باسم (باروكستين Paroxetine)، أو عقار (ويلبوترين Wellbutrin)، والذي يسمى علميًا باسم (ببربيون Bupropion) يمكن أن تكون هي الأفضل بالنسبة للأشخاص الذين لديهم اضطراب ثنائي القطب من الدرجة الثانية؛ لأن هذين الدوائين لا يؤدِّيان إلى الدفع نحو قطب الانشراح.

د.محمد عبدالعليم

ماذا سأكتب موضوعي طويل و متشابك. . الشيء المهم الذي
توصلت له أنني كنت مصاب بثنائي القطب و الحمدلله
أن شاء الله في طريقي للشفاء ..
وفقك الله أبو أمل و يسر امورك

ايوا حتى انا زي كذا احاول اخرج واضحكك وحتى لو ضحكه كذابه بس ما اجللس ازيد على نفسي الطلعه مالها طعم بس شسوي لازم اخرج واغير والله يعيعن

استشر الطبيب في ايفيكسور 150 او برستيك 50 قوي للقلق والاكتئاب ومثبت مزاج بجرعه بسيطه سركويل 50 او لميكتال 50