هل هذي الأعراض بسبب نقص فيتامين د
 

السلام عليكم ورحمة الله وبركاته

مساكم الله بالخير يا جماعة


قصتي باختصار
يوم 27/8 قبل رمضان بالضبط

أنا أعاني من سنة تقريبا إرتفاع الضغط يوصل 160/90 وهكذا
عمري 21 سنة

في يوم 27/8 افطرت الصبح كبدة ودجاج وخير من النعمة
ثم العصر أكلت فصفص
ثم المغرب أكلت شاورما مع الصوص وببسي ومن هالكلام وانا اعرف ان فيني ارتفاع الضغط..

الساعة 10 الليل وانا على طريق سفر جاني مثل الكهرب في الجسم كامل لمدة ثانيتين أو ثلاث بعدها رحت لأقرب مستشفى وكنت خااايف ما ادري ليه
المهم دخلت ابكي عندهم ما ادري وش فيني؟؟
جسمي يتكهرب ثواني وتروح
يوم شافوا ضغطي حصلوه 170/120
وقالوا إنه بسببه يجيك هذا الشيء

رجعت البيت وعلى الطريق لازال الكهرب يجيني لكن خفيف خفيف جدا وكل ماله يخف إلى أن وصلت البيت

نمت ثم صحيت راحت مني نهائيا ولله الحمد
ثم اليوم الثاني إذا سقت السيارة ادوخ
بعدها رحت رمضان كامل احلل يقولون مافيك شيء

حللت كلى، قلب، كبد، دم، بول اعزكم الله، صوديوم بوتاسيوم كلها سليمة!
ليه تجيني دوخة؟ اروح المستشفى دايخ وفيني خفقان ولا فيه فايدة يقولون مافيك شيء!
إذا جتني الدوخة اروح المستشفى يخططون قلبي ويحللون وسوو أشعة ثم قالوا مافيك شيء؟؟
جلست بعد رمضان أعاني إلى يوم 15/10 بعد العيد نصحني احد الآخوة بتحليل فيتامين د..!!

حللت وطلعت النتيجة 3.38!!

قال لي أحد الإخوان أن سبب الدوخة الي تجيك والخفقان والكتمة، وتعب شديد وخمول، ومرات ألم في الرقبة، كلها من الفيتامين؟

هل هذا صحيح؟؟
والله اني اعيش في هم مايعلمه الا الله
تحاليلي سليمة لكن ليه تجيني هذي الأعراض؟

بعض المرات تجيني حالة غريبة من الأوجاع مثل عرق ينبض في يدي ومرات في رقبتي ومرات في صدري بدون سبب! أحدهم قال بسبب الضغط النفسي؟


تكفون ساعدوني حالتي ماتسر

واحب أزيد اني احس بضيقة واكتئاب

طبععععا منه
نقص فيتامين دال يسبب بلاوي
سبحان اللت لدرجة تشك انك مسحور من الاشياء اللي يسويها
نازل الفيتامين عندك بالمره
لازم تتشمس او تاخذ حبوب

الله يجزاك خير
أمس بكيت بكى مايعلم فيه الا الله بسبب الكتمة

يووووه مثلي الكتمه ذي
اعرذ بالله تبكي الواحد
انا كمان اعاني من الكتمه
كل ما بذلت جهد او شلت شي او سويت حاجه على طول انكتم
الله يعين على هالكتمه 😪

فيتامين دال هذا مرض العصر بالفعل يسبب اشياء كثيره باذن الله اذا ارتفع عندك ستزول معظم الاعراض

الله يطمنكم، الي عنده علم زيادة يبلغني أو اذا عند أحد تجربه

فيتامين د
و باقي الأعراض قلق نفسي و توتر و خوف بعد اللي صار
مادام حللت وعرفت ان الوظائف الحيوية في جسمك كلها سليمة معناتها المفروض انك ترتاح و تروق و عليك بالتطنيش وماتجلس لوحدك و تجبر نفسك على الضحك و تجتمع مع الناس اللي يروقونك .. اذا طاوعت نفسك بتضيع عمرك مكتئب و موسوس و منهار... صدقني سوي اللي قلتلك و بتلاحظ الاعراض هذي تروح منك ولاتنسى الاستغفااار و التسبيح و ذكر الله بشكل عام
و برضو مايمنع تآخذ حبوب فيتامين B12 بتنفعك وماراح تضرك ان شاء الله

الله يجزاك خير يارب

ابو السعععد .. يسععد صباحكك ..

احسك دبدوب ههههههههه


عليك بالعافيية الكبده والشاورماا .. مطرح ما يسري يمري ..


حبيبي فيتامين دال عندك مو ناقص .. الا مخللص ي رجال ..


استخدم فيتامين دال وتوكل على الله

ضغط الدم مرض صامت والحمد لله تحاليلك سليمه .. انت في السيف سايد ..

طننننش الحمد لله التحاليل وسليمه ودال عرفت انه ناقص وبتاخذ علاج له .. والكتمه والاكتئاب واكييد انه بسييط ..

هذا من دال .. وهذا شي معروف انه يسبب الخمول والكسل وقلة الحيله ومن ادنى مجهود تنههك ..


عاافيه على قلبكك .. قم الحين وافطر ي رجال وانا كانك قريب مني خاويتك يالذيب

ههههههههههههههه الله يجزاك خير
وزني حول 140 خلها على الله
الله ييسر الأيام الجاية ونستعيد العافية بحول الله وقوته

الدكاترة أو المستشارين الموجودين بارك الله فيكم ساعدونا وانصحونا

حللت بالمستشفى فيتامين د وب 12 وكالسيوم
فيتامين ب12 كويسبس
الكالسيوم ناقص
وفيتامين د ناقص د 6
واعطاني امس الدكتور علاج حبوب 50000 الف وحده مره بالاسبوع لمده شهرين
الاعراض الم يتشكل على شكل نغزات ونبضات وشد بالعضله تحس عضلات جسمك مكتووومه وشي ضاغط عليه ومضيق خلقك والشعوربنبضات قلب وخفقان
شد والم بالصدر والظهر وعضلات القلب زي الحراره ظاغطه بجسمي
كتمه دوخه ضيق نفس زغلله وعدم تركيز وضباب امام العين الرغبه بالبكاء
اللهم شافني وعافني وشافي جميع مرضى المسلمين

الله يشفيك ويعافيك يارب
نفس الي كنت أعاني منه لكن الخفقان فك مني
لاتنسين الحبوب ماهي كفاية لحالها اكلي خضار وفواكة وكثري من الجرجير

اخوي وش اعراضك
وماهي علاجك وبرنامجك وكيف خفت الله يجزاك خير