|
قصتي مع الهلع وردي علي الاخ بطل اتمنى المشاركه من الجميع
السلام عليكم ورحمه الله وبركاته
اسعد الله صباحكم / مسائكم بكل خير الحمد الله كثيرا له الحمد وله وله الشكر وله الثناء الحسن اقدر اقولكم انتي تغلبت علي نوبات الهلع بنسبه 95٪ الحمد الله قطعت شوط كبير علي التغلب من المخاوف السياره والسفر فيها والدوام والمناسبات والاسواق وامكنه التجمع واخيرا الطياره والسفر فيها من غير حبه دواء واحده الي خلاني اكتب الموضوع تشجيع لخواني واخواتي الي بالمنتدى لان اقرا مواضيع بصراحه كلها تشاؤم ولا في للامل الشفاء بنسبه 1٪ مواضيع كله سلبيه يا اخواني واخواتي والله اعلم بلي تحسون فيه وانا حسيت فيه وكنت سلبي لبعد الحدود لين غيرت التفكير وتغيرت الامور وياي تعلمو فن التجاهل تعلمو تعزيز التفكير الايجابي تعلمو فن المواجهه واجه مخاوفك وكانك تواجه عدو اما ان تنتصر او ينتصر عليك وان انتصر عليك لا تفقد العزيمه واستعد له من جديد والله يلي انحس فيه في افكار تتحول الي مشاعر والمشاعر تتحول الي احساس والي خلاني اكتب موضوعي اليوم هو موضوع قريته بالمنتدى للاخ بطل الي يقول الي ما راح ياخذ ادويه نفسيه ذنبه علي جمبه لا غلط هناك طريقتين للاعلاج اما العلاج السلوكي المعرفي او العلاج الدوائي او الجميع بينهم الفرق بين الاثنين العلاج السلوكي المعرفي ياخذ وقت لكن افضل من الدواء واادواء يتخصر الوقت عليك وانا بنسبه لي فضلت المواجهه وهم كذالك اعرف ناس يستخدمون الادويه ولا في تحسن لان ما حسنو الافكار الي عندهم وخلو اعتمادهم علي الدواء فقط ويشهد الله علي اني ما كتبت الموضوع الا اني احبكم بالله واتمنى لكم كل خير مثل ما قلت لك الحمد الله نسبه التحسن 95٪ وما بقا منها الا 5٪ الا وهيا تسارع في نبضات القلب ودوخه احيانا وهذي اخر مراحل الشفاء باذن الله نصيحتي لكم ابتعدو عن الناس السلبيين وابتعدو عن المواضيع الي تحدك علي ان هذا علاجك وان ما خذيته ذمبك علي جمبك لا هذا ليس بصحيح العلاج بيدك انت من يحدد ان تتغلب علي نوبات الهلع والخوف او تظل اسيرها مدى الحياة نصيحتي لكم نوبات الهلع اعتبروها عدو لكم يا تقضي عليه او يقضى عليك وان فشلت عاود له ومثل ما قلت لكم الحمد الله تقلبت علي اصعب المخاوف بالمواجهه الا واهي السياره والسفر فيها والدوام والمناسبات والسفر بطياره وسافرت فيها اوروبا ورديت وحاليا اجهز سفره ثانيه بطياره باذن الله وهذا كله من غير حبه دواء واحده بل بتوفيق من الله سبحانه وتعالي ومن ثم المواجهه وما بقو معاي الا تسارع في نبضات القلب والدوخه والحمد الله ما تاثر علي لان ما اهتم فيها تفائلو بالخير تجدوه واحسنو الظن بالله ان راح يشفيكم وهذا كله احر باذن الله فمان الله |
اسف علي الاخطاء الاملائيه كنت اسوق السياره وانا اكتب الموضوع وتوني اقراه الحين 😂😂
|
مبروك الشفاء اخوي والله يتمم عليك
مشكلتي الابتعاد عن المنزل اطلع في حدود نص كيلو عادي لكن اذا ابتعدت يبدأ الخوف والتوتر وبعدها الاختناق وبعدها حراره تنتشر في جسمي احساس غريب وش تنصحني علشان اطلع من هالمشكله ومتى اتحسن منها ؟ |
ياحبيبي الف الحمدلله على السلامه
انا ولله الحمد لا عانيت ولا شي الا الفتره الي قبل العلاج كانت صعبه علي وبعد الدوا اعراض الدواء بعددها مافي شي وايش اقعد اقول ضربات قلب ودوخه والله العظيم اني لا اشتكي من اي عرض لها وللمعلومه هي مرحله عمريه وتعدي باذن الله قدامكم العافيه كل واحد يعرف مصلحة نفسه ويتبعها وعلى فكره انا نقلت تجربتي للي حاب هذا الطريق والي يبي يصبر الله يقويه |
طيب ايش علاجك اخوي ضناني انا زيك الحمدلله مستقره بس ضربات القلب سريعه مع العلاج وهذا اللي مطفشني
|
ماشاءالله ممتاز
الله يوفقك ويديمها عليك 👏🏻👏🏻 وفعلا علاج هالامور السفر و المناسبات بالمواجهه انا مشكلتي وسواس الموووت اغلب الاشياء اربطها فيه وهذا اللي معطل علاجي وكمان اللاواقعيه تزيد مرات الله يشفينا واياك |
اقتباس:
انصحك في المواجهه المواجهه المواجهه دايم قول في نفسك انا ليش ما اطيح بالبيت ليش ما اتوتر بالبيت ليش لا بعدت عن البيت اتوتر اصبح ان الشي الي فيك افكارك تقولك لا بعدت ترا بصير فيك شي ويبدا التوتر يجيك نصيحتي لك واجهه مخاوفك خطوه بخطوه وراح تشوف الفرق وابتعد عن التفكير السلبي ووكل امرك لله سبحانه وهو خير وكيل |
اقتباس:
في البدايه الله يتم عليك الشفاء والصحه والعافيه اخي الفاضل انا الي خلاني اكتب الموضوع بصراحه كلمه ما اعجبتني في موضوعك الا واهيا الي ما راح يستخدم الدواء ذنبه علي جمبه وهذا التعبير خطا بمكانك انك تنقل تجربتك وتوضح علاجك وتترك المتابعين يحددون مصيرهم بكلمت ذي تتعب اشخاص وانا واحد من الناس في السابق لما اقرا مواضيع وان العلاج بس بالادويه اتضايق من الموضوع وعزمت علي التحدي والاصرار اني اتخلص من الي انا فيه من غير حبه دواء والحمد الله والفضل يعود لله سبحانه وتعالى اخي الفاضل صدقني اصحاب نوبات الهلع اي كلمه تاثر فيهم وتضايقهم لازم تتفهم الشي هذا وانك ما تحطهم قدام خيار واحد اما الدواء او ما راح اتعالج وهذا الشي غلط اشكرك علي مرورك واسال الله العظيم ان يمتعك بصحه والعافيه |
اقتباس:
ما استخدم اي دواء وعلاجي التوكل علي الله سبحانه ولن يصيبنا الا ما كتبه الله لنا صدقيني اختي نحن نذبح اعمارنا باليوم الف مره وسبه التفكير كم من مناسبه طافت علينا وسبه افكارنا وكم من فرحه طافتنا وسبه افكارنا الي متي ونحن اسيرين الافكار السلبيه غيريها تتغير حياتك وبنسبه لي انا عملت جميع الفحوصات والحمد الله سلميه ومن بعدها تاكدت ان الي فيني ليس بعضوي بس شي نفسي وبالاصح وسواس تجاهلته وعطيته طاف يدق قلبي خليه يدق شنو بموت اذا مت ربي كاتب لي اني اموت بيغمى علي مكتوب لي ان يغمى علي بيشيلوني ويسعفوني والحياة ماشيه ما راح توقف بس نحن من يوقفها في تفكيرنا نصيحتي لكي تجاهليها وراح تزين الامور |
اقتباس:
خذيها قاعده الوسواس من الشيطان ويريد ان يفسد عليك حياتك ويحزن الانسان وهذا مذكور في كتاب الله هل سوف تستلمين له وتجعلينه يسيطر عليك الموت واحد لا جا جا والله محد يرده الا الله سبحانه وكل نفس ذائقه الموت حنا مو مخلدين في الدنيا بجينا يوم وانودعها وما انقول الا يالله حسن الخاتمه وانتي تفكيرك كل يوم قاعده تموتين بسبه الوسواس وهذا يتعبك ليش تفكرين فيه انسيه تجاهلي الافكار اختي انعكاسات صدقيني مريت في افكار كثيره ومن ضمنها وسواس الموت والامراض و و و و و و. كل ما يطرى في بالك مريت فيه بنهايه قلت سنتين ما صار شي فيني من الافكار ذي لا مت ولا اغمى علي ولا انجنيت ولا ولا ولا كنت خلال السنتين كل يوم اموت كل يوم ضيقه كل يوم تعب لين قلت الي متي وانا علي هالحال والحمد الله بديت اتغلب خطوه بخطوه لين الحمد الله وصلت لمرحله 95٪ وما بقا الا شوائب الهلع وياذن راح اتغلب عليها من غير ادويه يالله لك الحمد |
اقتباس:
كل مره اقول لمتى وانا على ذا الحال ؟ كل يوم تعبانه ومريضه ومالي خلق ! بس انا تعرضت لصدمات وتوفوا ناس قريبين مني عشان كذا اوسوس الحمدلله مع العلاج السلوكي تغلبت على اشياء كثير بس للأمانه ما شفيت نهائيا باقي فيه عوارض |
اقتباس:
اختي انعكاسات صدقيني الي معاج وسواس وقلق فقط لا غير والله يرحم الي توفو ويسكنهم فسيح جناته فعلا نشعر بضيق وسوسه عند سماع اخبار احد توفى او فلان مصاب بمرض بس هذا قضاء الله وقدره ومافي احد مخلد بهدنيا الدنيا فانيه نصيحه مني لك عيشي بحدود يومك اتركي بكره لا تفكيرين فيه خليه لين يحي بكره وانركي الماضي لن يعود عيشي بحدود يومك وكيف تستمتعين فيه وراح تلاحظين الفرق واستمري علي العلاج السلوكي |
طيب اخوي ضناي كيف تغلبت على الدوخه والدوار والترنح بالمشي والخوف اني بطيح عند الناس وفي الاماكن العامه ..هالشي بيقتلني وعطل حياتي مررررة...كمان ثقل الراس شي لا يحتمل
|
اقتباس:
الحل العلاج والتطنيش لانه لو سالت نفسك هل طحن قبل كذا ؟ أكيد الجواب لا فواجه وتحدا هالاحساس والله وانا جالس اكتب لك راسي يروح يمين ثم يسار فجاه ويوقف |
اقتباس:
السلام عليكم ورحمه الله وبركاته اخي نعمه النسيان بنسبه لدوخه لحد الان معاي ما راحت مني ونفس الشعور الي انت تقوله بس متجاهله متي ما جاني حاولت اشغل نفسي باي شي واركز فيه ويتلاشى الموضوع ما اعطيه اكبر من حجمه لان اذا عطيته اكير من حجمه دخلني في دوامه انا بغنى عنها |
| الساعة الآن 08:12 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا