ابي شي يخفف التوتر ساعدوني
 

صار لي فتره ماجتني فيه نوبة هلع واليوم جاتني:(الحمدلله على كل حال
شربت موكا وماعرف لو كانت هي السبب! صار لي فتره طويله ماشربتها من يوم جاتني النوبات عشان كذا اشك انها ممكن تكون هي السبب
والحين متوتره وطول الوقت شاده نفسي ابي شي يخفف التوتر ساعدوني:(

أي نعم الموكا وأي مشروبات أو أكلات تحتوي على الكافيين تسبب الهلع والخوف والقلق ، بس إن شاءالله تروح شربي أي أعشاب مهدئة مع الإسترخاء أو قراءة القرآن وذكر الله

احس ماني قادره اسوي شي من التوتر
ان شاءالله
جزاك الله خير

ايوه انا مثلك
مثل هالمشروبات تتعبني وتأثر علي
وتسوي لي نوبه مرات
لأن احس الكافيين عالي فيها

هيه لاحظت اني احياناً مب دووم اذا شربت كوفي مثلاً ترجع لي النوبه
حتى اني قبل فتره تركت الكوفي تقريباً 4 شهور
و انا قاريه موضوع ان بعض هالمشروبات تسبب نوبات الهلع
لا تخافين و لا تفكرين ارتاحي و شغلي نفسج.

معقولة يعني معد نشرب قهوة !!؟
انا اعشق القهوة بشكل قووي ،، فعلا احيانا اخاف اشربها بس اتشجع واشرب
لان كل الناس يشربونها وماصار فيهم شي .. وهي اصلا لها فوائد
مشكلتنا التفكير السلبي والخوف الزاااااايد

بالنسبة لسؤالك ،، اشربي نعناع جدا ممتاز للتوتر وحاولي تطبقي تمارين الاسترخاء

ندمت اني شربتها دخلتني في دوامه كنت في غنى عنها الحمدلله على كل حال
الله يشفيني وإياكم والجميع يارب

نوعا ما كنت مرتاحه يوم شربتها لأن لي فتره مرتاحه من النوبات الشي اللي فكرت فيه أنها ممكن تجيب شوي أرق لأني شربتها بالليل اما النوبات ماخفت منها بس باغتتني الحمدلله على كل حال
جزاك الله خير الله يشفيني وإياك والجميع يارب

انا تركت القهوه لانها تزيد حتى من ضربات قلبي وتوتري والله مجربه انا لان عندي توتر اما اللي ماعندهم عادي يشربونها طبعا

اجل اتركي كل المنبهات والمشروبات اللي ببتتعبك
حلو الواحد يعرف شو يناسبو وشو ما يصلح اله ..
والله يهدي بالك حبيبتي يارب

يا جماعة الخير تمارين الاسترخاء هذي اللي ماخشت راسي
تنفع التمارين للشخص الطبيعي فقط اما اللي مصاب بالهلع ماراح تنفعه في شي ابداااا
واللي سواها ونفعت معاه لازم يعرف انه غير مصاب بالهلع

انا لي ثمان سنوات مصاب بالقلق والهلع واستلمت نفسي علاج سلوكي ومعرفي في اللجنه الوطنيه لتعزيز الصحه النفسيه ومستشفى الامل وتمارين استرخاء وكل هذا كلااام فاااضي مضيعه للوقت فقط

فعلا تمارين الاسترخاء والتنفس ما تفيد
لما كنت اخذ الكورس العلاجي كان يسوي لي جلسات استرخاء
ما تفيد ولا تجيب نتيجه احسه هبل صراحه
والا لما يقول شدي المكان الفلاني و ارخيه 😕
ماعرف يمكن هو معاي ما يجيب نتيجه بس كويس مع غيري

انا مثلك ارتحت شهرين من التوتر والقلق ونوبات الهلع والرهاب الساح وقعدت اسبوع اكثر كافين ولما طلعت جتني نوبة هلع بسيارة وخوف ودي ماكمل الطريق من الخوف وماني قادرة اجلس من القلق من امس الى اليوم قريت قران وايات السكينة وارقيت نفسي وشربت نعناع وهديت شوي عرفت ان القهوة ماتناسب اللي عندهم هلع وقلق