هل هناك علاج لنقص فيتامين دال ! غير الحبوب
 

اختي ثمرة التين معروفه بمعالجتها نقص فيتامين دال

الطريقه

جيبي ( تين ) مجفف

بعدين قطعي التينه اربع اقسام او ثنتين وحطيهم في الكاسه ،
بعدين صبي عليهم ماء فاتر ،
لاتكون حاره ولا بارده ،
وخليها بالليل حتى الصبح ،
اذا قمتي تصلي الفجر اشربي الكاسه ،
واذا خلصتي كولي حبتي التين اللي فيها ،
ان شاءالله بتدعي لي .!

حبيبتي حححلو والله ان شاءالله أسويه وكل يوم اسوي ولا كيف ؟
والحبوب اكمل الكورس ولا اتركها لانه قال لي شهرين كامله تستخدمينها ؟

افضل علاج هو التشمسسسس
وطبعا لا مانع من الحبوب
بس ارجعي للدكتور او كلميه فون
واسألي عن الحبوب
في فيتامين د اسمه فيدروب
سائل مو حبوب
بس حق الاطفال 😅 وعادي الكبار ياخذونه
جربيه اذا حابه

ماله حل الا الحبوب حبيبتي خذي الجرعه التزمي فيها
و اعملي تحليل بعد شهر من اخذها يعتمد شعورك بالفرق على مقدار تركيز الفيتامين و نسبته في الدم عندك لابد من متابعه
و لا توسوسي ماله دخل نفص فيتامين دال في الكتمه ولا حبوبه اما بالنسبه لليوميه و الاسبوعيه الفرق بينهم الجرعه بس
يمكن كنتي تحلمي او تحسستي اثناء نومك انسد خشمك او نمتي بطريقه غلط اوقات اقوم زيك مكتومه وانفجع كوني انختنقت فجأه القاني ناسيه المكيف ما فتحته الغرفه مكتومه حاره او المخده كانت على وجهي تصير حبيبتي حتى مع الاطفال .
سلامتك لازم تتأكدي من التهويه و تقرأي المعوذات حصني نفسك قبل تنامي و تعوذي من الشيطان. الله يحفظك

في ناس يشتغلوا تحت الشمس و عندهم نقص فيتامين دال
مو شرط.

وعليكم السلام ورحمة الله بركاته

هناك دواء لنقص فيتامين د شراب متوفر في الصيدليات بـ 10 ريال

اقتباس:

المشاركة الأصلية كتبت بواسطة ليلى المتفائلة (المشاركة 1190052) فأخذت الاسبوعيه من راسي كذا واستخدمتها وماحسيت بفرق صراحه مع اني أخذت بكلامه وصرت اشرب لبن وحليب واكلي كله صار تونه /سمك >>> انقلبت بسه 😂💔

هههههه لا حاولي يكون الأكل منوع حتى لاتتعبي ويكون هناك خضار وفواكه ولحم تنوع وقدامك العافية

الطب الحديث و اخر ما توصل له الدكاتره نفي حكايه اجلس في الشمس عشان يرتفع فيتامين دال ما كان احد غلب
انا اكلمك من تجربه و خبره مع نفسي و اهلي و اخواني في بعضهم عمله ميداني واحنا بيض و كذلك كلام الدكاتره يقولوا انك تجلس تحت اشعه الشمس عشان يرتفع فيتامين دال كلام فاضي و انتشر بين الناس .
بابا كان الفيتامين عنده شبه معدوم و مسكين تفحم من كثر ما يجلس في الشمس في كل الاوقات ظهر عصر ضحى و ما اثر فيه غير الحبوب.
انا استخدمت الابر ما نفعت تعرضت للشمس ما نفع
الحمدلله كلنا استخدمنا الحبوب تعدلت النسبه و ماعاد انخفضت بشمس ولا بدونها.
عدم التعرض للشمس ماهو سبب جوهري و اساسي هو عامل مساعد يا سيدي لا تنسى ان الاكل له الدور الكبير في رفع النسب بالدم او انخفاضها التغذيه الشي اللي يمشي في دمنا لما ما ناكل اكل صحي غني بالفيتامينات و محفزه للفيتامينات مع اي عامل بسيط راح يأثر سلبا على الجسم و النفسيه.
احنا مركزين على الرز و الدجاج الرز نشا و الدجاج كله هرمونات و لا اللحم اللي كله املاح مو بس عندنا نقص فيتامين دال عندنا امراض كثيره سببها الاكل الغير صحي و التركيز عليه بشكل متكرر يوميا.

اعرف وحده ما تتعرض للشمس ابدا لان عندها تحسس فظيع من الشمس ما تظهر في الشمس يستحيل و ما شاء الله لا قوه الا بالله نسبه فيتامين دال عندها ماشاء الله تبارك الله ممتازه وهي غامقه البشره
يعني اللي ابغى اقوله حكايه الشمس دي ماهي قاعده .

وبالهنا والشفا هههههههههههه

الله يسعدك يا أحمد :)

اختي ليلى خدي بنصائح كل الأخوة والأخوات
ما قصروا ماشاءالله

والف سلامة عليكي :)

الخوف الزايد ماله علاقه بفيتامين دال لامن بعيد ولاقريب الاكتئاب ممكن ومفترض ترجعي للدكتور يحدد الجرعه المناسبه للنقص اللي عندك

علاج فتامين دال بعد الله سبحانه وتعالى هوه ورق التين تاخذيه من عند العطار وتطبخيه زي الشاهي وتكبيه بكوب الين يفتر وتشربي لمده سبعه ايام وروحي حللي ...
اتكلم من تجربه والله ما استخدمت حبوب ولا قطرات