لاادري من اي شي اعاني
 

السلام عليكم ورحمة الله وبركاته:
اولآ اشكر من قامو بهذا المنتدى المفيد واسآل الله ان يكتبه بموازين حسناتهم

انا قبل حوالي شهر ونصف يادكتور كنت بادي اسوي استراحة واجلس مع العمال واقول في نفسي انا بموت قبل اشوفها لاني احاول اتخيل شكلها بعد ماتخلص مااقدر وكنت ماابالي بالكلام هذا ولااعطيه مجال يسيطر علي. بعدها بحوالي 12 يوم صحيت من النوم فيه الم بالرقبه والراس من الخلف مو شديد مع خمول وكسل بعد 3 ايام من جاني غباش بالعيون ضعف تركيز وزغللة والم بالعضلات رحت المستشفى سويت تحليل صورة دم + فيتامين b12+ الغدة الدرقية+ كالسيوم+ فيتامين د) كله سليم الحمدلله بس فيتامين د طلع 13
وبعده جاني وخز تنميل وحرقان بأول الساقين وخوف شديد من المرض ومن الموت وجاني حرارة بالرجلين واليد واحيانآ الاذن وسويت تبرع بالدم وجاني ارتجاع بالمرئ حموضة بالفم وعسر هضم له حوالي 15 يوم واستخدمت علاج للارتجاع والحمدلله بفضل الله خف كثير ويادكتور الخمول الى الان حتى عيوني لم اصحى من النوم حمراء بزيادة وكل هذاي الفترة قبل النوم اخاف خوف شديد وبعد مااصحى اخاف ابعدت عن اصدقائي واقربائي واكتئاب شديد والرغبة بالنوم وكل يوم انام اقول ماراح اصحى من النوم وشعر الجسم احسه بازدياد بسيط

والان الم العضلات والوخز تقريبا مااحس فيه كثير من فضل ربي علي وانا مؤمن بأن الناس وكل نفس سوف تموت لكن ماادري ايش الي غيرني للحال هذا


ارجو منكم التكرم بالرد لاني يعلم الله تعبت من الخمول والكسل

واسف لعدم ترتيب كلامي
😭??

قبل لاانسى حتى اي احد اشوفه احس اني اخر مرة بشوفه
واخاف من كلمت بعد شهر او موسم الشتاء اي شي اربطه بنهايتي

وعليكم السلام ورحمه الله وبركاته، الحمدلله يا اخي دام التحاليل سليمه انا انصحك بمراجعه طبيب نفسي علشان يقدر يشخصك ويعطيك العلاج المناسب وبالنهايه ترا هذي مجرد افكار لاتسترسل معها بتتعب اكثر، والف سلامه عليك

الله يجزاك خير ويعطيك العافية راجعت دكتور نفسي وصرف لي سيرترالين الان استخدمة لي 8 ايام
بس احس انه حقيقي لدرجة اني مالي رغبة بشي ابد من احساسي بالخمول القوي
والخوف واليأس وكرهت هوايتي وصرت دقيق جدآ بجسمي

كل ما في الامر وسواس وهلع واضح ومو شي غريب لا تخاف خلك قريب من ربك وكلنا راح بنموت مافيه احد مخلد بهالدنيا وكل واحد وله اجل معلوم وساعه محدده ليومه قلقنا وخوفنا ماراح يطول بعمرنا ولا بنقصه غير انه ننغص على انفسنا متعة الحياه وحلاوتها اخوووي نصيحه اسال مجرب ولا تسال طبيب اشغل نفسك بااشياء مفيده لازم تستحقر وساويس ومخاوفك تلقائيا تلاقي نفسك بخير وكمان الاكل الصحي يلعب دور والمشي والنوم المبكر كل هالاشياء مفيييده بشكل كبير
واتمنى بك سعاده في الدنيا والاخره

والله كلنا نفس الحالة هذي وساوس وقلق الله يعين

الأمر بسيط إن شاء الله

وأسئل الله أن يبارك لك في نفسك ومالك وفي بيتك

أخوي هذي الأعراض مررنا بها والحمد لله على كل حال

هل سبق أن رقيت نفسك بالرقية الشرعية ؟؟

ايه الان اسوي رقية
بس لوتكرمت ايش الاعراض الي جتك بالظبط اذا تكرمت

هلا أخوي فيصل وكل عام وانت بخير

نفس أعراضك بالضبط وهذي أعراض نوبات الهلع وفي البداية تتعب الجسم وتحس تبي تنام بس لكن تتحسن إن شاء الله مع الأيام

ولا تشيل هم وكل ما أهتميت بالنوبة تزيد إستمر بالرقية ولابأس عليك وأي خدمة إن شاء الله مانقصر معاك

وانت بخير اخوي ابوعبادي الله يخليك
بس عندي تنميل بالراس والدقن
وخايف وعندي الارتجاع وطعم بالفم وشحوب اليدين وغصة
تصدق شعر اليد يوقف على فوق ومادري وش اسوي الله يسفين

حياك الله أخوي فيصل وآسف للتأخر بالرد

تطمن يارجال وهدي نفسك والله الدنيا ماتستاهل إنك تتكدر عشانها
هذي أعراض نوبة الهلع ومامنها خوف حاول تشغل نفسك بأي شئ
وهدي نفسك وقوم صل ركعتين وإدعي الله ولاتجعل طريق للوساوس أنت بخير إن شاء الله وبخصوص الغصة بسبب القلق وسبق أن لازمتني بالأسابيع لكن تجاهلها وأمورك طيبة

قدامك العافية يارب ...ward

[QUOTE=أبو عبادي;1191029]حياك الله أخوي فيصل وآسف للتأخر بالرد

تطمن يارجال وهدي نفسك والله الدنيا ماتستاهل إنك تتكدر عشانها
هذي أعراض نوبة الهلع ومامنها خوف حاول تشغل نفسك بأي شئ
وهدي نفسك وقوم صل ركعتين وإدعي الله ولاتجعل طريق للوساوس أنت بخير إن شاء الله وبخصوص الغصة بسبب القلق وسبق أن لازمتني بالأسابيع لكن تجاهلها وأمورك طيبة

قدامك العافية يارب ...ward[/QUOT

الله يخليك ابوعبادي اسف ازعجتك يالغالي❤
لكن فيه احساس غريب كل شي اشوفه احس اني خلاص وما اتخيل المستقبل واحس انه حقيقي
وثاني شي الارتجاع تصدق حتى كتوفي وظهري فيهن الم وحرارة بالجسم

اسف ابوعبادي ازعجتك ياالغالي بس ابي ترد علي بالتفصيل
حتى لو يضحك بوجهي ااحد احس يودعن اويقولي بعد شهر بنروح لاي شي اخاف

اخوي عندي لك طريقة جربها ورد لي خبر قبل النوم اجمع كفيك واقرا الفاتحه 11 مره وانفث وامسح جسمك كامل واستمر يوميا وعلمني وش صار

اخوي اسمع والله اكلمك عن واقع تجربه من كلام فاضي انا عانيت نفس الي تقول عنه كل شي يخطر ببالك شفته اشياء صعععبه مررررره وساوس وخوف موطبيعي لدرجه اتوهم المرض كل يوم اطلع لي عله عبرت ع كل الامراض! بالبدايه جالي نوبة هلع شددديده لدرجه خذونا المستشفى وعطوني ابره مهدئه ولانه اول مره تجيلي النوبه وقتها ماكانت عندي اذى فكره ع المرض ع بالي جات ساعتي وانه خلاص بموت واحتضرت وجالسه اشهد واقول لا اله الا الله ان الموت لسكرات شفت عذاااب الله لا يرده..بس بعد ما عرفت انه هلع وخوف وانه مجرد خرطي وكذب بديت اتاقلم وافهم نفسي شوي شوي الا ماشاءالله الحين يارب لك الحمد بخير بفضل الله وعونه وكمان بمساعدة دكتوري الله يوفقه في الدنيا والاخره ....كمان نقطه مهمه نوبات الهلع طلعتلي قولون عصبي شددديد الحمدالله على كل حال والقولون مايقصر من ناحية الخوف والاكتئاب والوسواس يزود كل شي بشكل اقوى بس بالنهايه صرت اتجتب اي شي يثيره ويهيجه سواء كانت ضغوطات او اكلات ...اسال الله لك الصحه والعافيه ولنا جميعا وكل عام وانت بخير

[QUOTE=فيصل ابوصالح;1191050]مايهمك ياخوي تحت أمرك وفي خدمتك في أي وقت

صدقني ياخوي أعراض نوبة الهلع كثيرة جداً

لأنه في بداية النوبة دقات القلب تسرع وتنتفض وحرارة من أعلى الرأس لأسفل القدم وتعرق غزير وأفكار مخيفة إحساس بالإغماء والموت والشيطان يدخل في هذه اللحظة ويستغل الفرصة وتبدأ الوساوس

وهذي بعض الأعراض الخاصة بالهلع والقلق نقلتها لك للإفادة


الجسم (أعراض القلق المرتبطة عادة مع الجسم بشكل عام):

مشاكل الحساسية، زيادة في الحساسية ( ردود فعل أطول)

آلام الظهر، وتصلب والتوتر والضغط، ووجع، وتشنجات، والجمود في الظهر أو عضلات الظهر

شحوب البشرة (فقدان اللون في الوجه أو الجلد)

احمرار الوجه

آلام في أجزاء من أو كامل الجسم ، يشعر برضوض في العضلات

الشعور بهزة كهربائية في الجسم

ارتفاع أو انخفاض درجة حرارة الجسم

حرق الجلد، وحكة، الأحاسيس الجلد شائكة أو غيرها، وتنميل في الجلد

حرقان الجلد على الرقبة والوجه والأذنين وفروة الرأس، أو الكتفين

الأز الإحساس في القدمين والقدمين واليدين والأصابع والذراعين والساقين

ألم في الصدر، وضيق في الصدر

خانق خفقان القلب، وتسارع دقات القلب

فرط النشاط، زيادة الطاقة، والطاقة العصبية

ارتعاش العضلات

الغثيان والتقيؤ

تعرق ليلي، الاستيقاظ في العرق، والتعرق بغزارة في الليل

الشعور بالسبات العميق، والتعب


الفم / المعدة (أعراض القلق المرتبطة عادة مع الفم والمعدة):

و رائحة أو طعم غير عادي
بلع الهواء (ابتلاع الهواء أكثر من اللازم، انتفاخ المعدة، والتجشؤ)
حرقة ووخز في الفم
حرقة في اللسان



وشوف هذ الموضوع راح تجد فيه كثير من أعراض نوبات الهلع شفانا الله وإياكم


http://www.nafsany.cc/vb/showthread.php?t=58304

هذا الشعور والله مازلت أعاني منه للأن لكنه وسوسة فقط (والأعمار بيد الله ولكل أجل كتاب)

والهلع والقلق والوساوس مرتبطة مع بعض تجاهل هذي الأفكار من بدايتها بالإنشغال عنها

فكرت بالعلاج الدوائي ؟؟


ياصاحبي أنا أبغاك تقنع نفسك من الداخل إنك بخير ولاتخوف نفسك ولأن الوسواس بيتعبك وهي أعراض وتعدي بس تقنع نفسك

وفي بعض الأحيان يكون القولون والمعدة يسببوا نفس أعراض الهلع ولاخوف منها


أتمنى لك الشفاء العاجل وقدامك العافية

أي خدمة ياقمر ❤