هل في ابر للنفسيه بدل الحبوب
 

ابر! منومه ممكن أو مهدئه تعطى تحت اشراف الطبيب المعالج.

بطل البحث عن حلول سهلة وسريعة
وابحث عن حل فعال ومفيد بشكل جدي
وإلا فلا تزعجنا كل شوي بموضوع

الابر اخوي لازم في المستشفى تحت اشراف الطبيب للملاحظة ، لان الابر سريعة المفعول وممكن تسبب مشاكل وما تناسب فيكون هناك تدخل سريع ، يعني افضل لك تتنوم في المستشفى .
فيه ابر كثيرة متوفرة عندهم على حسب كل حالة ، للقلق ، للذهان والتهيج ، هناك حقن زيبركسا ، كلوبكسول .... الخ وكان في مستوصف الشريف في الرياض يعطون قبل 5 سنوات ابر دوجماتيل 100 ملجم ، لكن انقطعت ولا نعلم سبب الانقطاع !!

شهر 6 الي فات بعد استخدامي ابلي فاي 20 يوم المهم بغى يطق فيني عرق ماقدرت اتحمله وجلست 3 ايام ابر فرنقالوا عن طريق الصحه النفسيه يهدي من اعراضه الجحيميه الي مسكت معي 😯

اقول استريح اذا صار منتدى ابوك تكلم

هلا ياغالي لا انا مابغى اتنوم بس ابغى حل

هل الابر جابت معاك نتيجه؟

تكلم مع الناس كويس


اذا مواضيعي مضايقتك لاتقرأها



انا ماني عدوك لكن واضح انك انت العكس

الفدعوسي انت ساكن في الرياض ؟

ايه كانت 3 ايام سوداء كنت ادق الابره اهدى عشان اقدر انام ..

لا الكويت

يعني مفعول الابر اقوى او الحبوب



اتمنى لك الشفاء مثل ما اتمنى لنفسي

سلامتك الف سلامه ماتشووف شر يارب
الله يفك ضيقتك ويريح بالك ويسعدك سعاده عمرك كله
يارب بيوم وليله تتغير حياتك كلها لاجمل شي
.......
ايوه اكيد فيه ابر واكيد انها اقوى من الحبوب بس اعتقد انها مؤقته لساعات
بس الجواب الصحيح تلقاه من طبيبك

الابر تختلف حبيبي الكريم وأكثر مايستخدم ابر الذهان وهي تعطى لتهدئة اي مريض ، هناك زيبركسا قصيرة المفعول وكلوبكسول ... وفيه طويلة المفعول وتصرف لمن لا يتقيد بالادوية ،، هناك ابر سريعة المفعول وقوية يعرفها الاطباء ، والغالب في المستشفيات ،
انا افكر انك في الرياض لان مستوصف الشريف في العليا يعطون ابر للحالات الطارئة مثل زيبركسا وقد اعطونيها قبل خمس سنوات حتى تهدأ اعراضي ويظهر مفعول الدواء .
الله يعافيك يا الفدعوسي ... اذا انتم عندكم مستشفى حكومي او خاص اذهب لهم .