جلاش بالدجاج ....>اهداء للعضوه مستكفه
 

السلام عليكم ورحمه الله وبركاته

اليوم قررت اعمل طبق لاول مره اعمله واللي قالت لي عليه اختي مستكفه

لذلك هالطبق اهداء مني لها

جلاااش بالدجاج

http://store2.up-00.com/2016-09/1473882997332.jpg
http://store2.up-00.com/2016-09/147388299873.jpg

هذا الصحن لك تستاهلين $

http://store2.up-00.com/2016-09/1473882995971.jpg

http://store2.up-00.com/2016-09/1473883000034.jpg

مافيه اكتب الطريقه اللي عاوزها يخبرني ^

طبعا طعمه كان

لذيذ بس مو مررره

اقيمه طعمه 6 من 10

الغريب انه يوم كان حار ماحبيت طعمه
لما برد شوي حبيته

ما شاء الله تبارك الله
والله يا بت طباخه ماهره ما شاء الله عليكي
من جد ميه ميه صينيه الجلاش تسلم ايديك
تسلمي على الاهداء ياختي عليكي على طول طبقتي
هههههههههه
المهم ماما عجبتها و اخوانك عجبتهم ؟
هي اختك كانت شاريه العجينه ليه ايش كانت ناويه تسوي
ممكن تحطي المشاركه حقتي اللي فيها الطريقه عادي
الله يحميكي و يحفظك و بالعافيه عليكم و عليا.

يسلمو مستكفه $$$
ايوه انا تلميذتك لازم اطبق الدرس اللي اعطتينيه ##
سالت اختي وكانت توصف طبق بس مابينت مقاديره
كنت اظنه نفس اللي قلتيه وقلت لها عن هذا قالت لا مو هو
صحيح بحط طريقه الطبق مشاركتك
امي كانت نايمه وقتها واخواني كلهم متزوجين ههههههه
بس امي ذاقته كعشاء بالعاده امي ماتعلق على اي طبق اعمله
هي كانت تحسبه حلا ههههههههه
اللي كان يعلق ابوي الله يرحمه )-:

QUOTE=مستكفّة;1190575]طيب يا ستي خدي عندك الجلاش باللحمه المفرومه
بالطريقه اللي انا اعملها انا اوقات تزيد عني اللحمه المفرومه خاصه في رمضان واحتار ايش اسوي فيها اقوم اطلع عجينه الجلاش من الفريزر و اعملها انا حتى مره عملت بها مطبق مالح

حتحتاجي ما يأتي
صينيه مستطيله
زيت
ملح و فلفل اسود
لحم مفروم مطبوخ مع كشنه البصل
كاسه حليب كبيره
حبتين بيض

الطريقه
حطي كميه زيت في زبديه صغيره و معاها فرشه للدهن
ادهني الصينيه ثم افردي طبقه من العجين ثم ادهني الطبقه بالزيت سوي دي الحركه كرريها الين تخلصي نص كميه العجين
بعد كدا حطي المفروم اذا حابه ضيفي معه اي خضار تحبيه كرات او بقدونس او شبت اي شي انا اعمله بدون خضار
بعدين حطي طبقه و ادهنيها و طبقه و ادهنيه الين تخلصي
طبعا لو الصينين اصغر من حجم العجينه ممكن تثنيها جوه
المهم هي فكرت طبقات عجين و الحشوه لحمه
بعد ما تخلصي قطعي الصينيه الى مربعات عشان يسهل الغرف
عارفه لما تقطعي العجينه وهي نيه اسهل من وهي مقرمشه راح تتكسر
بعد ما تقطعيها بالسكينه كويس اخلطي حبتين البيض مع كاسه الحليب و شويه الملح و الفلفل الاسود و صبيها على الصينيه احرصي انك توزعي الحليب على كل اجزاء الصينيه وبس
دخليها الفرن على نار متوسطه و كل شوي طلي عليها الين تتحمر و تستوي.
و بالعافيه[/QUOTE]

الله يرحم الوالد و يحفظكم جميعا
والله يا لولو مستغربه عدد البنات اللي موجودين في المنتدى ومافي مشاركات بقسم المرأه لما اقعد افكر في دي النقطه يبدأ الفار يلعب في عبي هههههههه الله يسعد الجميع
كنت اتوقع القى تجاوب و ردود كثيره بصراحه لكن يا ستي اضربي ردي الواحد عليكي في عشره و ان حبيتي في ميه
الله يعطيكي العافيه و يبيض وجهك
مجرد احس انك كنتي بتعلمي الصينيه عشان توريني هي و تهديني فهذا شي كبير عظيم عندي تسلمي حبيبتي ربي يسعدك

ايوه حبيبتي هذا القسم نايم قلت دامني اخربط بالمطبخ
احط خربطه من خرابيطي هون ههههههههههههه

تسلمين على الطبق الجديد المره الجايه ابزبطه اكثر وتستاهلين الاهداء
ياليتك ذقتيه معي عشان تشوفي زي اللي تعمليه او لا
لان احس هذا صحيح طعمه جميل بس حسيت اني مازبطته لان الجلاش ماكان تمام معي
ايوه انتي ردك عن مليون عضووه ويعطيكي العافيه على المرور على اطبافي المتواضعه
والرد عليها ربي لايحرمني طلتك يااااارب $

ولا يحرمني طلتك يا شيف لولو يارب يسعدك.

يسلموو لوولوو شكله مره حلو
هي طبخه مصريه ولا ؟

ايوه طبخه مصريه
جربيها وشوفي
وتسلمي على المرور حبيبتي

الله يسلمك يالولتي ماقصرتي على الرد

ان شاء الله اجربها تسلم ايدينك