راجعت اليوم الصحه النفسيه وتعالوا شوفوا ايش صار معي !
 

مساء الخير يااخوان زي مو موضح بالعنوان اليوم راجعت الصحه النفسيه وألي لاحظ مواضيعي الاخيره كنت ابحث عن دواء بديل للفالدوكسان ينفعني بالرهاب المهم مريت المصحه النفسيه وماحصلت الدكتور الي اتابع عنده فاظطريت اروح دكتور اخر لأستشارته جلست مع الدكتور وسولفت معه واخذ وعطى عن وضعي واقترحت عليه ابدل الفالدوكسان بسبيرالكس او بريستيك بحكم ان عندي لخبطه بالرهاب ومو شايف من الفالدوكسان فايده وارتياحي بعد رفع التربتزول ل25 بدل 12/5 بالنهايه قال لي الدكتور بعد ماشاف وضعي وفحص حالتي تقريبا وضعك عادي من ناحية الرهاب واستمر ع الفالدوكسان حبتين خاصه ان الفالدوكسان يعمل ع جزئيات غلط نخسرها اضاف الى ذلك وصاني برفع التربتزول الى 50 ملجم خاصه اني ع جرعة تربتزول 25 ملجم من 20 يوم وحسيت بالعافيه من ناحية ضيقة الصدر وخف عني القلق بنسبة ممكن 50 بالميه << المهم باشباب انا متردد الان برفعت جرعة التربتزول ل 50 ملجم مدري في بالي استمر ع الفالدوكسان حبتين و 25 تربتزول لحين رجوع الدكتور المتابع لحالتي من الاجازه ام اخذ ع راي الدكتور الي اليوم وارفع تربتزول ل 50 ملجم خاصه ان التربتزول جايب معي نتيجه <<< نشوف ارائكم ياشباب وبعدها نستخير ومانسنتغني عن ردودكم 😊

دامه مناسبتك لاترفعها الئ 50

بسألك التربتزول جاك اعراض جانبيه الي هو جفاف الفم وخفقان وغيره انا خايفه منه

ماحسيت اي اعراض جانبيه والله يسهل الي فيه الخير ..

ارفعها ل50 جرعه بسيطه ما منها خوف التربتزول يؤخذ حتى 250

اذا تبي رايي خلك على نفس الجرعه لا تزيد ولا تنقص الين يرجع الدكتور الي تراجع عنده

شوف يا ااخي اذا ع الدكتور اصلا ماكان مقتنع ازيد تربتزول ل 25 بحجة ان كل مازادت جرعه له اعراض اقوى واخير سلم برفعي للجرعه بعد الحاح مني وللامانه انا الان متردد ارفعه ل 50 ولا اظل ع 25 ولو لفتره قادمه ولو شهر شهرين وبانتظار اي اخوانا الاعضاء ويعطيك العافيه ..

طبعا هو مارفعلك الجرعه الا انه عادي تاخذ 50
بس طبعا انت الوحيد الي تعرف اذا محتاج وضعك ترفع الجرعه ولا لا يعني اذا حسيت ان الجرعه مو كفايه لك ف عادي تزيدها
بس انا بموضوع الزياده بالجرعات احسه هذا شي راجع للشخص وهو الوحيد الي يعرف اذا محتاج او لا

الله يشفيك يارب
وان شاء الله يفيدونك الاعضاء

الله يعطيك العافيه ع المرور على فكره انا لاحظت مع زيادة الجرعه الى 25 قبل 20 يوم تحسن الوضع بشكل طيب وفكت ضيقة الصدر واصبحت اتحكم بالقلق عكس اخر 6 شهور لخبطه والجرعه بحبتين فالدوكسان و12\5 تربتزول واطمع للمزيد خاصه من ناحية الوضع الرهابي واللخبطه الي فيه هل ممكن الرهاب متعلق بالقلق والاكتئاب فاذا خف القلق والاكتئاب يصير الرهاب يحارب بللعلاج السلوكي !