مابعد الخوف من الموت الخوف من المرض!!0
 

السلام عليكم ورحمه الله وبركاته
الموضوع ومافيه هو انه الوسواس ذبحنييييي وانا افكر اني مريضه فيني ورم او القبب والقلب اكثر اليوم يا حماعه شربت قهوه بعدها صار قلبي ينبضض بسرعه وبشكل غريب وكل شوي كان يجيني هالشي وانا بالجامعه وخفت وتوترت وصارت اطرافي بارده برغم اني مو متوتره من شي ركان عندي قبل نوبه هلع وخوف من الموت...
وراح مني ولكن ما رتحت بعده لاني صرت موسوسه انه عندي اققلب واليوم الي صار وياي اثبت لي اني مريضه باقلب، ماقدر اوصف الي صارلي اليوم ..شو اسوي يا جماعه كيف اقدر اتعامل مع هالشيء واخاف اقول لاهلي لانهم معتبريني اني موسوسه لانه سويت تخطيط قلب وطلع سليم ولله الحمد ولكن احسه مايكفي واتوقع سويته قبل فتره مادري يمكن يتغير الحين

ساعدوني ياجماعه عالاقل بدعوه

طنشي ولاتكثرين قهوه لان الكافيين يخلي القلب يدق زياده
وانا كنت نفسك وطنشت وحتئ لا حسيت فيه مطنش دام كل شي سليم
ان شاءالله مافيك شي وهذا وسواس لاتسترسلين معه وهل تستعملين دواء؟
بالتطنيشش كل شي يزوول اسالي مجرب
والله يشافينا جميعا والله يتمم الشفاء حق المتعافين

صدقيني يااختي لو سريتي جميع التحاليل والكشوفات
راح يقولون سليمه
ناس كثير وكثير جدا مثل حالتك
وأفضل علاج لاتسترسلين مع الأفكار الوسواسيه
وكرري في بالك قل لن يصيبنا الا ماكتب الله لنا
انا عندي هلع وخوف وأحاسيس غريبه لكني اطنشها ومااسترسل معها
قروي يوم تقولين لنفسك انا راح اطنش مهما يكن
شرط راح تشوفين الفرق
عافانا الله واياك

المشكله كيف مانسترسل بالذات اذا الاعراض مستمره مثل الدوخه ماتوقف ولالحظه بو توقف يوقف الاسترسال شي يحير

تستعملين دواء معين؟

والله أكتب لك وانا فيني عدم اتزان
هذي دوخه نفسيه
90 في المئه يعانون منها

طريقة بسيطة لتفريق آلام القلب عن غيرها وهو ظهورها عند الجهد الزائد وزوالها بالراحة ولا تكون مستمرة كما تصفينها..حسب كلامك تعانين فقط من تزايد في النبض ومشاكل القلب يصحبها آلام شديدة بالاضافة لضيق في التنفس وخدر يمتد للعنق او اليد اليسرى.
خففي من شرب المنبهات كالقهوة والشاي بالاضافة للمشروبات الغازية ، تجنبي التوتر والانفعالات وكذلك لا تركزي بنبض قلبك هذا فقط سيزيد توترك وبالتالي ازدياد النبض مجددا..

اختي العزيزه والله مافيك غير العافيه بأذن الله عانيت مثل اللي تعانينه واكثر ولا زلت اعاني دخلت اكثر من 15 مستشفی وسويت جميع الفحوصات 11 سنه معاناه وكل الدكاتره يقولون سليم ماشاء الله هذا كله قلق ونفسيه وانا كل يوم اموت من اللي فيه مره الم قلب ومره معده ومره دوخه مره وراسي كل يوم الم واكثر شي يزيد الألم الاسترسال مع الوسواس اني فعلا مريض ضيعنا اعمارناواحلی ايامنا واحنا ف الوسواس عسی ربي يشفينا جميع .. والحللللللل طنشي طنشي طنشي