تركت السيبرالكس
 

وعليكم السلام ورحمة الله وبركاته

ترك الدواء مو مناسب لأن الأعراض ممكن ترجع أشد!
كان استمريت عليه فترة طويلة أفضل لك
وبالنسبة لبقائه في الدم نفس مدة العلاج الفترة الزمنية يستغرقها عشان يطلع كثر بقائه .

والله ياخوي الي منعني من الاستمرار عليه سعره, سعره غالي 20 ملي جرام بـ 230 ريال وانا طالب جامعي ما اشتغل وفلوس الدواء بصعووبة كنت احصل عليها

وبخصوص الاعراض والله ما احس لا بتوتر ولا بخمول ولا شي بالعكس نشيط وامارس حياتي بشكل طبيعي ومبسوط والحمدلله كاني ما تركت شي ههههه بس كان في دوخه بالبداية والحين احسها باديه تزول.

على العمموم مفكر اجرب السيروكسات يقولون ارخص عن السيبرالكس و سمعت ناس كثير تمدحه للرهاب بس عيبه ان اعراضه شديده اشد عن السيبرالكس بس لازم تتحمله بالبداية بعدين ترتاح له

السؤال هل اقدر اخذ السيروكسات الحين بعد انقطاعي عن السيبرالكس؟ وكم هي الجرعة المناسبه للرهاب لان بصراحة في بعض المواقف يصيبني رهاب واتوتر حيل.
وشكرا.

تقدر تصرفه من المستشفى الحكومي مجانا

صدقت بس ما ابغى امشي مستشفى اخاف احد يشوفني .

معك أخت وليس أخ :)
عموما سيروكسات أنا بدأت فيه من يومين
سيروكسات 20 ملجرام بالتدريج لين أوصل لحبتين وأعرف السيروكسات ممتاز وجربته قبل سنوات للرهاب وحدة بوحدة
بس نصيحتي تاخذ وصفة من طبيب وتتابع معه ، وما عليك من الناس فكر بنفسك!

والله يا اخت همسه كلامك صحيح ماعلي من الناس علي بنفسي بس ما ابي احد يعرفني يشوفني جاي عند طبيب نفسي لأني انا امام الكل اعمل نفسي عادي طبيعي مافيني شي بس من الداخل ربي هو الاعلم ثم انتم ف اذا احد شافني راح يصيبني احباط واخاف حالتي تنتكس من اسوء الى اسوء .

منو اقوى عالهلع ووالرهاب سيروكسات ولا السيبرالكس$$$

لو سمحتي انا اعاني من هلع ورهاب ووصف لي دكتور سيروكسات سي ار بس مو ملتزمه فيه وخايفه انه له اعراض جانبيه قويه ابي احد يشجعني وكم صارلك عليه$$$

والله بصراحة لسه ماجربت السيروكسات كنت على السيبرالكس لمدة 4 شهور جرعة 20 ملي جرام وحسيت براحة من ناحية الوسواس القهري لكن الرهاب مو كثير فادني وتركته صارلي 3 اسابيع والحمدلله الاعراض الانسحابية اختفت تماما
وبخصوص السيروكسات يمدحووونه اكثر من السيبرالكس من ناحية المخاوف والرهاااب ومعروف هو اول دواء لعلاج الرهاااب والله هو الشافي.