اللي زي حالتي تجي تطمني .. ودي افجر راسي 🔫💀
 

السلام عليكم
انا وسواسي غريب اشك بأخلاقياتي اشك بتصرفاتي
اشك اني سويت اشياء غلط تعبت من الشك في نفسي
عرفتو وش قصدي؟
مع اني ما اذكررر بس خلاص من كثر الشك والوساوس واتخيل صور واشياء اعوذبالله منها
خلاص وقتها احس اني تايهه مدري حقيقه او وساوس
تعذذذذذبت مدري انا سويت كذا او لا
اشياء مو كويسه فهمتو وش قصدي ؟
المهم اني احس اني مجنونه
تعبت وتعبت اهلي معاي
والعيادات النفسيه صح انها فادتني بنسبه 50 بالميه الحمدلله
بس همهم الفلوس مافيه ضمير الاغلب
حاليا استخدم سيروكسات 20 مل
تنصحوني بحجامه يشفطون دماغي ووساوسي مره وحده ؟
لحد يقولي خذي جلسات سلوكيه لانها كلها خرررطي مع احترامي
اقسم بالله مامنها فايده الا 10 بالميه وكثيره كمان
بالله طمنوني اب كلمه منكم اي تجربه اي معلومه اي شي الله يسعدكم
انا ماكنت كذا ابد كنت انسانه ثانيه مافيني الا العافيه
الحين احس بصدري فجوه وخوف بسيط يعني اي وسوسه تهز كياني
اذا جتني وساوس اصير اتنفس بسرعه وابغا امشي بسرعه واتحرك كني مجنونه
وش الحل ؟ يارب ساعدني وساعد كل مريض
المرض النفسي موت بطيء اقسم بالله مرت فيني ايام سودا الله العالم بها
لكن وش نسوي ..
رضيت بالله ربا وبالاسلام دينا وبمحمد صلى الله عليه وسلم نبيا ورسولا
رضيت بالله ربا وبالاسلام دينا وبمحمد صلى الله عليه وسلم نبيا ورسولا
رضيت بالله ربا وبالاسلام دينا وبمحمد صلى الله عليه وسلم نبيا ورسولا

اولا بامكانك زياره مستشفى حكومي ويعطونك الادويه مجانا

ثانيا هل جربتي ادوية الذهان ?

لا لا تفجري رأسك ولا شئ مابك الا العافية وكل ماتعانين منه مريت به وبأسواء الحالات لكن الحمد لله على كل حال
س/ ماهو المرض اللي تعانين منه ؟

وعليكم السلام
لا تفجرين راسج انا مثلج هههه لقيت حد يعاني مثلي
يا اختي انا مريت بكل انواع الوساوس
لكن مثل هالوسواس اللي تقولين عنه الصراحه مافي اخطر منه
مثل افكار و خيالات اعوذ بالله منها
بس قريت هالموضوع و عرفت ان هذا هو الوسواس القهري
و اكيد طبعاً الشيطان هو مصدر هالافكار يقعد يخيل للانسان بصور و خيالات
لا تخافين و اطمئني .. نحن كارهين هالافكار و ندعي الله ان يخلصنا من هالهم فهذا يعني ان هذا وهم
قعدي تعوذي من ابليس و اقري سورة الناس وايد
و باذن الله راح نتشافى ..

الله يعينك أختي ويخفف عنك يارب ، ماعندي علم ، لكن بالإضافة للي قالوه الإخوة ، اقرأي سورة البقرة دايماً ،
لو حسيتي انك تعبانة ومو قادرة ، شغليها بصوت قارئ تحبي تسمعيه ، خليها معك دايم بجوالك وسماعاتك بإذنك ولما تنامي ،
الله يكتب لك الشفاء وراحة البال يارب ..

شكراً على ردك
وش ادوية الذهان؟ مافهمت ايش تقصد بالضبط ممكن توضيح؟
جربت السليباكس اتوقع اسمه كذا
وجربت بروفين وادويه كثيره من كثرها نسيتها

شكرا على الرد
مرضي وسواس قهري
شكاكه في امور معينه زي ماذكرتها ف الموضوع
شك مصاحب بخووووف وخيالات

شكراً ع الرد
من جد اخطر شي اقسم بالله اشوف اللي يعانون من وسواس الموت ارحم
لكن الله بشفينا ويشفيهم وانا لله وانا اليه راجعون

الله يسعدك تكفيني دعوتك لي
ولك بالمثل ولكل مرضى المسلمين يارب

اختي كلمي طبيبك يضيف دواء ذهان ، مثل سوليان او رزبريدال او فلوناكسول او زبريكسا او ابليفاي وسيروكويل… الخ

راح تساعدك باذن الله مع السيروكسات

بس من ناحيه الماده ، افضل لك روحي للامل وراح يعطونك الادويه مجانا او اي مستشفى حكومي

الف شكر
ان شاءالله
الله يوفقك ويرفع عنك البلاء ويثبتك على الدين ولي والمسلمين اجمعين.

اللهم امين يا رب ، تحت امرك

الله يشافيك
الأخت السويدي عندها نفس الوسواس تقريبا

مرحبا 👋

لا تشيلي هم بعاني منه من اكثر ٧ سنوات وصابر الحمد لله لازم تستوعبي حالتك وتتعاملي معها لانه ان زادت عليك اتوقع العلاج الدوائي بيفيدك واتجهي للمستشفيات الحكومية الدواء فيها بلاش الله يعز الحكومة وايش الدواء اللي بستخدميه؟
ولابد ان تواجهي افكارك وتغييريها في بالك انها افكار غير حقيقية وان شاء الله تتحسني ان شاء الله

الله يشفيك ويشفيني ويشفي المسلمين اجمعين يارب
الدواء حاليا استخدم سيروكسات بس ماعاد ينفعني زي اول مابديت استخدمه
صحيح وهذا اللي قاعده اسويه اواجه افكاري لكن شي صعب صعب مهما واجهت الوسواس موجود
انتهيت من شي يطلعلي شي ثاني .. لكن ربي قادر على كل شي اللهم غير حالنا الى احسن حال بقدرت وعظمتك ورحمتك يا ارحم الراحمين