اعراض جسديه لا تطاق....؟!
 

السلاام عليكم
حالتي اليوم مره تعبانه
كل دقيقه احط يدي ع قلبي ،وخوف مستمر ونوبات هلع وعدم توازن وراسي مشدود كأنه مربط
الم في كل انحاء جسمي
خوارج قلب بعد الاكل ،، كل دقيقه طامر للمستشفي
فيني ضيقه خانقتني ، عسر مزاج مالي خلق لاي شي بس جالس في البيت
بروده في اطرافي

تعبت يا مسلمين وتعبت اهلي معي
الحل...........؟! وشهو
شورو علي تكفون

وش علاجك يمكن من العلاج اللي تاخذه

انا ما استخدم اي علاج
ولا عمري استخدمت لحد الان

الحل
1- تروح طبيب نفسي
2- امنع نفسك من الروحه للمستشفى لان الجواب دائما انت سليم
3- خوارج القلب حميده وكانت تجي معي بعد الاكل اكشف على باطنيتك
4- امنع نفسك من تحسس قلبك لأنك كذا تزيد من الوسواس والخوف
5-رأسك مشدود وعدم توازن بروده في اطرافك انا اكتب وهي فيني لكني وصلت مرحلة التطنيش التام
6- لازم تأخذ قرار صارم بمحاربة الأحاسيس بمساعدة العلاج

كيف بن دايم التطنيش حاولت بس اكون شاده اعصابي واحاول ارخي ماقدر اعصابي مشدوده وبعدين انت الان ماراحت اعراضك من العلاج ليه ماجاب نتيجه معاك

لاتياس كل اللي تحسه حسيت فيه ومازلت احس بس لازم نقوي نفسنا ونتناسى
قبل كل مايضيق نفسي اجلس ابكي وانهار وعلى طول للمستشفى مليت من كثر التشكي للي حولي
احيان كثيره ودي اصارخ وااقول ياعالم حسوا فيني انا تعبانه
الى ان اخذت قرار ااني اشكي لربي هو العالم بحالي
احسن الظن بالله وتفاءل خير 🌹

فيه فرق بين اول والحين
قوة الأعراض خفت كثييير مع العلاج والمقاومه
الان بشكل بسيط ولله الحمد

بن دايم وش نوع الكشف للباطنيه للي انت سويته
انا فحصت دم واشعه صدر عاديه
وسونار
النتيجه سليمه ماعدى نقص فيتامين دال
والاشعه يوجد التهابات من الدخان اتوقع
بس الاعراض ماراحت

انا مثلك وزياده والم حول الصدر كأن واحد معطيك بكس
انت تتدخن
اتوقع من الدخان او الاكل لان انا مثل حالتك لادخنت ولا اكلت تزيد الحاله

عشان محدش يقول اني بعمل احباط يا شباب لا تعملوا العلاج الدوائي ارجوكم الادويه متوفره بكثره ومتطورة جدا الدواء حل قوي جدا وباذن الله تخفوا صدقوني الاعراض كلها بسيطه ولا خوف يعني مهما استمريت في نوبات الهلع مش هتأذيك نهائي ولكنها فقط هتخلي حياتك ملل وألم وأحاسيس مزعجه على الفاضي لكن جسمانيا مش هتأذيك خالص فالافضل انك تبدأ تاخد الدواء المناسب لحالتك بشكل مناسب راجع طبيب واستعمل الدواء وعيش حياتك واستمتع بكل لحظه فيها
شفاك الله وعفاك وطمنا واكتب لنا هنا

ياخوي وش مانعك من العلاج! عاجبك وضعك توكل ع الله وخذ علاج من طبيب نفسي