في احد مثل حالتي
 

السلام عليكم انا اعاني من وسواس الموت واخاف من كل فكره وتبدا معاي الاعراض واحاسيس واترقب كل كلمه وافسرها بافكار الموت ليش سويت كذا اكيد بيصير شي ليش فلان كلمني يعني افكار وابي اعرف اذا جتني الفكره ليش تبدا اعراض مثل دوخه وخوف وعدم توازن واقعد افكر بالكلام وتبدا اعصابي بالتوتر والشي الثاني اذا حبيت اكتب رساله وارسلها لاي شخص اوسوس ليش كتبتها بيصير شي ولا مقطع ارسله اتردد وماارسله يعني كل شي اربطه بالموت في احد نفسي 😢

وعليكم السلام ورحمة الله وبركاته
اهلا اخي مثلك ما تخاف شعور متنقل فينا وعحسب، المواقف بيزيد او يخف علينا ، بدك اقنعك انك ما راح تموووت تطمن، ما راح تموووت
ولا، احد بيعرف متى موته مجرد وسواس ينكد، علينا صبح ومسا لكن حاول، معنا انك تتجاهله بقد، ما تقدر هذا، الحل، الناجح، والوحيد عن تجربه ابشرك تحسنت كلما جا يوسوس اللي طردته بأي فكره،
ارجوا منك ان تصدقني وتبدا معنا لمحاربته الله يرفع عنك :)

وعليكم السلام

تطمن زي ماقالت دجى القمر انا وكثير بالمنتدى نفس حالتنا

كل شىء اربطه بالموت اذا حضنت امي قلت ايه شكلي بموت اودعها
اذا احد قالي شىء وحتى صرت اراقب تصرفاتي وكلامي
اخاف اقول شىء بعدين يقول ايه كانت حاسه انها بتموت 😟

واشياء كثيره اعجز عن كتابتها افكار ووساوس من الشيطان
بس عشان يضيق صدورنا ومايخلينا نعيش جمال اللحظة 💔

الله يشفينا ويرزقنا راحة البال..

الله يجزاك خير يارب وكلامك يطمن ان شا الله

اييي نفسي كذا ربي يسعدك ان شا الله ابي تشرحين اكثر وشنو الاعراض اللي تجيك

اعراضي الجسدية

برودة الأطراف ورعشة -الآلام بكتوفي فظيعة-دوخه
الم زي الظغط بوسط صدري ونفسه بالظهر حول عضلات القلب
صداع من فتره لفتره-خفقان - كتمة وضيق نفس
خمول وارهاق -لما تجيني نوبة هلع احس زي الحرارة تنبعث من أسفل قدمي الى صدري تزيد نبضات قلبي
وحلقي يجف - غصة بالحلق وصعوبة ببلع الريق متعبه جدا

النفسية:
تشأوم- نظرة سوداوية للحياة- اخاف من انه يصير بأحد من اهلي شىء
وأفكر لو مات احد وش باسوي - أتجنب الأخبار السيىة بس يجيني فضول اعرفها
بعدين اتعب -قلة التركيز ولما اسولف مع احد فجاة احس بتشتت
اكره الأصوات العالية واخاف منها - مااحب الضوء القوي- لما اسمع او اقرى احد مات
اتخيل واعيش نفس طريقه موته وهذا اللي اذكره حاليا تعبت😅

وعليكم السلام

اغلبنا نحس زي كذا وانا منهم
وسواس الموت مرررره متعبني
و صايره دراما بزياده
على كل شي اخاف و ابكككي
واخاف من الكتمه والم الصدر
واذا كنت هاديه ومافكرت بشي لازم اجيب الفكره لنفسي واخاف اكثر
الحل انك تطنشه وتغير مكانك اذا جاتك هالفكره وتنشغل بأي شي

نفس حالتي واعراضي 😢😢😢ً خاصتن الالم اللي تجي بالكتف وتجي ورى جهت القلب واحس اعصاب يدي ورجلي توجعني بعد

نفس حالتي وكانك تتكلم عني

نفس حالتي .. كذلك الاعراض الجسدية و النفسية مثل حالتي
حاول تساعد نفسك اخي الكريم .. وتغير افكارك .. لان
الافكـار تتحول الى >>> مشـاعر تتحول الى >>> سلـوك

واذا حسيت انك في حاجة مستشار نفسي مافي مانع انك تعرض حالتك عليه و يساعدك
كذلك اهتم بالرقية الشرعيـة و دوام عليها
والله يشـافينا اجمعين 🙏🏻💙